Sòkòy

Jounen 19 dawout se jounen mondyal fotografi. Pou make jounen sila, Za te fè yon chita pale ak Ryjnov Rémy ki se yon jèn fotograf nan vil Okap pou pale de kèk bagay ki gen rapò ak fotografi. Tankou kisa fotografi ye, kilè yon foto bon, kisa ki esansyèl pou ka gen yon foto... Yo te fè yon pale tou sou "droit d'image" , èske paske yon moun voye foto l pou ou ou gen dwa fè sa w vle avè l? Ryjnov te pale ak nou tou de kèk pwojè li gen...

Nan epizòd sila Carolinose te di nou kòman li wè ak viv seliba l, rezon ki fè l selibatè, rezon li panse ki fè yon moun gen menaj, elatriye. Li te pataje ak nou tou kèk pawòl moun konn di sou seliba ki deranje l, pataje sa l panse sou kèk ekspresyon tankou moun gen menaj lè w pare pou marye, depi w selibatè ou mèt kòmanse jape... Li te bay kèk konsèy tou pou moun ki apèn selibatè, moun ki pè rete san menaj ak lòt ankò...

Nan epizòd sila, n ap tande kisa Jean-Élie, Ryjnov, Djédly ak Jean-Reynald panse de "Crush" . Apre sa Laïka te f'on pale ak Za de kòman li panse ou ka konnen si w crush yon moun, kòman pou w fè konnen kilè pou w shoot shot ou ak kòman ou ka fè sa. Medam yo te pale tou de si w ka gen crush sou menaj zanmi w, zanmi menaj ou, pwofesè w elatriye...

Nan epizòd sila Za te pale ak nou de kisa yon crush ye, èske l panse li se yon move bagay, èske li enpòtan ki enpòtans li, li te pataje ak nou tou 10 siy ki ka fè w konnen si w gen crush sou yon moun.

Nan epizòd sila Za te f'on chita pale ak Stécie, Maria epi Darlendie de kisa yo panse de medam ki fè premye pa nan zafè koze ak gason; yo te di nou tou kisa ki atire yo lakay gason, kòman yo panse yon fi ka "shoot shot" li. Yo te pwofite bay kèk konsèy pou medam ki anvi fè premye pa men yo pè echwe oubyen pè sa moun pral di...

Nan epizòd sila Za te pale ak Danphise de kisa maladi "asthme" nan ye, de istwa l avè l, li te bay kèk konsèy tou pou moun ki gen asmatik nan pwòch yo e ta renmen konnen kisa yo ka fè pou ede yo ak kèk lòt bagay ankò.

Nan epizòd sila Za te f'on chita pale ak Maria ki gen yon lane depi l fini ak etid klasik li de kòman ane sa te ye pou li, leson li tire ladan l. Maria te pataje avèk nou eksperyans li nan prefac, eksperyans li lwen manman l ke l pwòch anpil nan yon lòt vil apre nan yon lòt peyi, li di nou kòman ane filo a te ye pou li ak kèk lòt bagay ankò.

Nan epizòd sila, Za te envite Stécie Guerrier vin f'on pale akey de enfidelite. Stécie te di l kisa enfidelite ye pou li, kilè li panse ke yon moun enfidèl, kisa li konsidere kòm zak enfidelite, kòman li panse yon moun ka konnen si yap twonpe l epi pataje kèk konsèy tou pou moun y ap twonpe ak moun ki ap twonpe yon lòt.

Nan senkyèm epizòd la, nou pral de eskiz. Gen plizyè mòd eskiz men nap fokis sou 2 ki se eskiz(pretèks) nou bay tèt nou pou nou pa fè yon bagay epi eskiz nan Sans mande padon an. Nou pral wè kisa ki konn fè nou pa sispann sere dèyè eskiz poun pa fè yon bagay , kòman nou ka jere sa. Epi poukisa nou dwe eskize n lè n blese yon moun e n regrèt sa epi kòman nou ka fè sa.

Nan epizòd sila nou te pale de kisa padon ye ak kisa li pa ye daprè fason kèk moun konprann li. De poukisa li enpòtan pou padone tèt ou ak pwochen w menmsi sa ka difisil anpil. De kòman ou ka fè sa., elatriye...