Соңку жаңылыктар

Бийчи Атай Өмүрзаков Фейсбуктагы баракчасына Даниядагы өнөктөшү Кыргызстан Украинадагы кырдаалда Орусияны колдойт деп буга чейин түзүлгөн келишимди үзгөнүн билдирди. Өмүрзаков мындай билдирүүнү социалдык тармактардагы баракчаларына жазды. Бул кырдаал боюнча бийчи «Азаттыкка» маек курду.

Беларустун чек арасындагы 65 чакырымдык узундукка созулган орус аскердик техникаларынын колоннасы Украинанын Киев шаарына бет алды. Украинанын экинчи чоң шаары Харьков орус армиясынын соккусуна дуушар болуп, ондогон адамдар курман болушту.

Стамбул шаардык соту Айеркен Саймаитинин өлүмүнө шек саналып кармалган 7 кишиге өкүм чыгарды. Ага ылайык айыпталгандардын үчөө “Мамлекеттин биримдигин жана өлкөнүн бүтүндүгүн бузган” деген берене менен өмүр бою эркинен ажыратылды.

Улуттук банк эсептик ченди 10 пайызга чейин жогорулатты. Өлкөнүн негизги банкы 2022-жылы инфляциянын орточо деңгээлин 12 пайыз менен кармап туруш керек деп эсептейт.

Орусиянын армиясы Украинанын борбору Киевге чабуулун күчөттү. Бишкектин жаңы мэри Эмилбек Абдыкадыровго жер тилкесин менчикке чыгаруу чечими боюнча 2006-жылы иш козголгону тууралуу маалымат чыкты. Саламаттык сактоо министрлигинде түзүлгөн атайын комиссия медициналык окуу жайлардын материалдык-техникалык жана клиникалык базасын текшерип, 12 окуу жайды жабуу чечимине келди.

Орусия Украинада аскердик операциясын баштады. Украин президенти муну кол салуу, согуш катары баалады. Айрым маалыматтар боюнча, эки тараптан тең каза таап, жарадар болгондор бар. Ал арада Кыргызстандын парламентинде Украинадагы кыргыз жарандарына жардам берүү маселеси көтөрүлдү. Украинадагы окуялардан улам Кыргызстандагы коммерциялык банктарда орус рубли арзандап, доллар кескин кымбаттады. АКШ долларынын курсу 85 сомдон 95ке жетти. Бишкекте шаар башчысы алмашты. Айбек Жунушалиевдин ордуна жаңы мэр болуп 63 жаштагы ишкер Эмилбек Абдыкадыров дайындалды.

Орусия Украинанын чыгышындагы жикчилдердин “Донецк элдик республикасы” жана “Луганск элдик республикасы” деп аталган аймактарын көз карандысыз мамлекет катары тааныды. Ага удаа президент Владимир Путин бул аймактарга орус аскерлерин киргизүүгө буйрук берди. Кремлдин мындай аракетин Батыш кескин сындады. Кыргызстанда мугалимди шылдыңдагандарды жазага тартууну сунуш кылышты. Эгер Жогорку Кеңеште иштелип чыккан мыйзам долбоору жактырылса, окуучуга же ата-энеге 2 миң сомдон 5 миң сомго чейин айыппул салынып, 3-5 күндүк административдик камак чарасы көрүлөт. Президент Садыр Жапаров дыйкандарды жеңилдетилген шартта алган насыяны максаттуу ишке жумшоого чакырды. Мамлекет башчы белгилегендей, бийлик былтыр тапкан таза кирешени дыйкан-фермерлерге жеңилдетилген насыя түрүндө бермей болду.

Мугалимдердин айлыгын жана пенсиясын көбөйтүү Жогорку Кеңеште көтөрүлдү. 30-40 жыл иштеп пенсияга чыккан мугалимдер айына 8-9 миң сом алышууда. Украинанын чыгышында атышуу кескин көбөйдү. Украин кризисин талкуулоо үчүн АКШнын жана Орусиянын президенттери жолугууга макул экенин билдиришти. Жогорку Кеңештин төрагасы Талант Мамытов бүгүн Москвага сапарынын алкагында кыргызстандык мигранттардын түйшүгүн жеңилдетүү үчүн Бишкекте Орусиянын миграциялык борборун ачууну сунуштады. Быйыл Орусияда миграциялык эрежелер катуулап, каттоодон өтүү мурдагыдан оорлоп кеткен.

Былтыр Тажикстандын Согд облусунда эле чек араны мыйзамсыз кесип өткөн деген айып менен 39 кыргызстандык соттолгон. Жогорку Кеңештин айрым депутаттары Кыргызстанга оң рулдуу автоунааларды ташып келүүгө убактылуу уруксат берген мыйзам долбоорун коомдук талкууга алып чыгышты. Январь калабасында кармалгандар кыйноого кабылганы боюнча Казакстандын башкы прокуратурасына 360дан ашуун арыз түштү.

Москва Украинанын айланасындагы айрым аскердик күчтөрүн артка кайтарганын билдиргени менен, НАТО буга ынанбай турат. Орусияда мигранттарга коюлган талап-шарттар катаалдашып кетти. Баткенде кыргыз-тажик чек арасын делимитациялоо жана демаркациялоо боюнча топографиялык жумушчу топтун отуруму өттү.

Травматология жана ортопедия илимий борборунун директорлугуна Памир Муратов дайындалганы белгилүү болду. Казакстанда Январь окуяларында кармалып, кыргыз бийлиги бошотуп келген Чолпонбек Сыдыков менен Викрам Рузахуновдун иши коңшу өлкөдө “кыйноо” беренеси менен тергеле баштады. Казакстанда январдагы калабанын 40-күнүндө эл кайрадан митингге чыкты.

Президенттин маалымат катчысы Эрбол Султанбаев эл арасында өкмөт алмашары тууралуу кеп-сөздөр жүрүп жатканын айтып, “Акылбек Жапаров жетектеген Министрлер кабинети узак мөөнөткө иштээрин” билдирди. Экс-президент Сооронбай Жээнбековдун кудасы, Жогорку Кеңештин мурдагы депутаты Алиярбек Абжалиев 2 млн доллар алдамчылыкка шектелип кармалды. НАТОнун баш катчысы Йенс Столтенберг Европа эң кооптуу кырдаалга туш келгенин эскертти. Орусия 100 миңден ашуун жоокерин аскер техникасы менен Украинага жакын жайгаштырып, Беларуста ири машыгуу өткөрдү.