Соңку жаңылыктар

"Бүтүн Кыргызстан" фракциясынын лидери, депутат Адахан Мадумаровго “чыккынчылык” беренеси менен кылмыш иши козголду. Казакстандагы Январь окуялары учурунда кармалып, кийин коё берилген кыргызстандык пианист Викрам Рузахунов ошол күндөрү Алматыда күч кызматкерлеринин кыйноосуна кабылганын айтып чыкты. Улуу Британия менен Орусиянын башкы дипломаттары украин кризисин талкуулашты. Британия эгер Москва Украинага кол салса кесепеттери болуп көрбөгөндөй жаман болоорун эскертти.

Башкы прокурор Курманкул Зулушев cоттун санкциясы жок жарандарды тыңшоого жана видеого тартууга каршы экенин маалымат жыйында билдирди. "Фейсбукта" бийликти сындап комментарий жазган активист камакка алынды. "Хьюман Райтс Вотч" укук коргоо уюму Казакстанды январь окуяларын иликтөөгө эл аралык эксперттерди кошууга чакырды.

Кыргызстанда атомдук электр станциясын курууга каршы кол топтоло баштады. Президент Садыр Жапаров базар кыдырып, ККМ аппараттары тууралуу маалымат берди. УКМК тууралуу мыйзамды өзгөртүү сунушталууда. Киевде украин президенти Владимир Зеленский менен Франциянын лидери Эммануэл Макрон жолукту.

Президенттик администрациянын мурдагы башчысы Медет Садыркуловдун өлүмүнө байланыштуу сот башталды. Ысык-Көлдө cаламаттык сактоо министри Алымкадыр Бейшеналиевдин уулуна таандык коттеждерде өрт чыгып, 300 чарчы метр эс алуучу жай толук күйүп кетти. Казакстандын темир жол компаниясы Нурсултан Назарбаевдин кичүү кызы Алияга таандык ишкана менен келишимин токтотту.

Президент Садыр Жапаровдун мурдагы адвокаты Замирбек Базарбеков Жогорку соттун төрагасы болду. Саламаттык сактоо министри Алымкадыр Бейшеналиев № 4 оорукананын директору Сабыр Жумабековду коррупцияга айыптады. Алматыда кандуу январ окуяларында камалган 11 киши “ден соолугуна байланыштуу” 1-февралда эркиндикке чыкты.

Жогорку Кеңештин комитети иликтөөчү журналист Болот Темировдун иши тууралуу Ички иштер министрлигинин маалыматын укту. Мурдагы премьер-министр Игорь Чудинов Кыргызстан менен Тажикстандын чек арасына байланыштуу протокол боюнча Башкы прокуратурада сурак берип чыкты. “Хьюман Райтс Уотч” эл аралык укук коргоо уюму Казакстандын бийлигин кыйноолорго байланыштуу фактылардын баарын дыкат иликтөөгө жана кармалган активисттерди бошотууга үндөдү.

Чек ара чатагынын каскагынан Баткенге үч миллион сомдук зыян келтирилген. Жогорку соттун төрайымы Нургүл Бакирова кызматын өз каалоосу менен тапшыруу арызын президентке жолдоду. Ооганстанда талибдер ондогон мурдагы аткаминерлерди жана аскер кызматкерлерин жок кылганын Бириккен Улуттар Уюму билдирди.

Чек ара чатагынын каскагынан Баткенге үч миллион сомдук зыян келтирилген. Жогорку соттун төрайымы Нургүл Бакирова кызматын өз каалоосу менен тапшыруу арызын президентке жолдоду. Ооганстанда талибдер ондогон мурдагы аткаминерлерди жана аскер кызматкерлерин жок кылганын Бириккен Улуттар Уюму билдирди.

Кыргызстан менен Тажикстандын чек арасында 27-28-январда тутанган жаңжалдын натыйжасында эки тараптан кеминде 20дан ашык адам жаракат алды. Чек ара чырына байланыштуу Кыргызстан менен Тажикстандын мамлекеттик өкүлдөрү жолугуп, ок атышууну токтотуп, аскер техникалары менен жоокерлерди артка кайтаруу чечимин кабыл алышты. Орусия АКШдан Украинанын айланасындагы кырдаал боюнча канааттандырарлык жооп албаганын билдирди.

Кыргызстан менен Тажикстандын чек арасында 27-28-январда тутанган жаңжалдын натыйжасында эки тараптан кеминде 20дан ашык адам жаракат алды. Чек ара чырына байланыштуу Кыргызстан менен Тажикстандын мамлекеттик өкүлдөрү жолугуп, ок атышууну токтотуп, аскер техникалары менен жоокерлерди артка кайтаруу чечимин кабыл алышты. Орусия АКШдан Украинанын айланасындагы кырдаал боюнча канааттандырарлык жооп албаганын билдирди.