Боршайком жергиликтүү шайлоодо добуш сатып алуу жана административдик ресурсту колдонуу сыяктуу одоно мыйзам бузуулар болуп жатканын эскертти. Өлкөдө азык-түлүк жана башка товардын баасы көтөрүлүп баратат. Тажик бийлигин сындаган активист Орусиядан депортацияланды.

Кыргызстанда коронавируска каршы эмдөө башталды. Бишкек менен Ташкент Кемпирабад суу сактагычынын плотинасын Өзбекстандын аймагы деп калтырып, андагы сууну чогуу пайдаланууну макулдашты. Казакстанда коронавируска чалдыккандар көбөйүп жатат. 27-мартта бир суткада 22 бейтап көз жумду.

Кыргыз-өзбек чек арасы толук такталганын УКМК төрагасы Камчыбек Ташиев билдирди. Атайын кызмат Саламаттык сактоо министрлигин пандемияда зарыл жабдыктарды "үч эсе кымбат сатып алган" деп шек саноодо.  Түркиядагы уйгурлар Бээжиндин Шинжаң саясатына каршы акцияга чыгышты.

Күйүүчү майдын баасын ооздуктоо үчүн өкмөт Казакстандан жана Өзбекстандан чийки зат алып келет. Бишкектеги ТЭЦ-2 конушунун тургундары Ак Үйдүн алдына митингге чыкты. Казакстандын экс-президенти Нурсултан Назарбаевдин жээни Айсултан Назарбаев баңгизат колдонгондон улам көз жумган.

"Жоогазын ыңкылабына" 16 жыл толду. Жогорку сот Аида Салянованын "лицензия" ишин кайра кароого жөнөттү. Экс-премьер Өмүрбек Бабанов 100 миллион сом төгүп, жазык иштери жабылды. Өзбекстанда 1-апрелден тартып карантин киргизилет.

Ош шаарында дагы бир киши колдуу болду. Инвестицияларды илгерилетүү жана коргоо агенттигинин жетекчиси Алмамбет Шыкмаматов «Камбар-Ата-1» ГЭСинин курулушуна Өзбекстандан капитал тартылышы ыктымалдыгын айтты. Тажикстанда коронавируска каршы эмдөө башталды.

Өзгөн шаарында белгисиз адамдар үч кишини атып кетти. Депутат Марат Аманкулов мыйзамсыз байыган деп шектелүүдө. Анын байлыгы 1,5 миллиард сомдон ашык деп бааланды. Human Rights Watch Азербайжанды туткунга түшкөн армян аскерлерин кыйноо боюнча фактыларды териштирүүгө чакырды.

Бишкектеги 13 жаштагы өспүрүмдүн өлүмүнө шектелип анын агасы кармалды. Базар баасын көзөмөлдөө үчүн Кыргызстан суу май менен кум шекерди четке чыгарууга тыюу салды. Өзбек прокуратурасы Сох окуясы үчүн айыпталгандарды 10 жылга кесүүнү сурады.

Саясатчы Адахан Мадумаров бийликти сындагандарды куугунтуктоону токтотууну талап кылды. Президент Садыр Жапаров Таласта Жерүй кени боюнча митингге чыккандар менен жолугушту. Коңшу Тажикстанда күйүүчү май кымбаттап, бензиндин таңкыстыгы жаралды.

Ирактан 79 бала Кыргызстанга кайтарылды. Кыргызстанда коронавирус жугузгандар көбөйдү. Армениянын туңгуч президенти Левон Тер-Петросян премьер-министр Никол Пашинянды токтоосуз кызматтан кетүүгө чакырды.