Соңку жаңылыктар

“Жан дүйнө” радио түрмөгүндө маркум ырчы, обончу Медербек Кыдыршаевдин чыгармачылыгы жана тагдыры тууралуу кеп болду. 41 жашында бул дүйнө менен коштошкон таланттуу ырчы быйыл 55ке толмок. Ал өзгөчө үнү, обончулук таланты менен жанып өткөн жарык жылдыз катары өз күйөрмандарын тапкан.

Иштван Коңур Мандоки: Кыргыздын ар бир боёгунда тарых бар...

"Жан дүйнө” түрмөгүнүн бул жолку чыгарылышы акын Алмаш Чойбекованын тагдырына жана чыгармачылыгына арналды. Өмүрүнүн соңку күндөрүн карылар үйүндө өткөргөн азиз акын жетимиш жашында көз жумду. Чойбекова чыгармачылыкка өткөн кылымдын 80-жылдары кыздар поэзиясынын келечектүү өкүлү катары аралашкан.

Бишкектеги №13 гимназия мектебинин "Санат" комузчулар ансамбли Сочиде өткөн конкурс-фестивалда баш байгени жеңип алышты. Конкурстун жыйынтыгында ар кандай номинацияда алдыңкы болгон жаш комузчулар тобу эми Санкт-Петербург шаарында өтө турган фестивалга катышууга чакыруу алды.

Эдит Пиаф - томаяк жашоодон музыка дүйнөсүнө кирип, Франциянын улуттук ырчысы деген атакка жеткен даңазалуу аял. Бүгүн да Эдит Пиаф өлбөс кылган ырлар таанымал өнөрпоздордун репертуарларынан түшпөй жүрөт.

Экинчи дүйнөлүк согушка Кыргызстандын ошол кездеги калкынын ар бир алтынчы адамы катышып, 73 жоокер Советтер Союзунун Баатыры наамын алган. Андан тышкары 150 миң адам согушта, 979 адам тылда көрсөткөн эрдиги үчүн эң жогорку мамлекеттик сыйлыктарга татыган. Бирок кыргызстандыктардын согушка катышы менен салымы терең изилденбей, маалыматтар ар кандай иргелүүдө. Буга эмне себеп? Согушка кыргызстандыктардын салымы боюнча кандай ак тактар бар? Эмне үчүн айрым өлкөлөрдө Панфиловдун дивизиясын өзүнө ыйгаруу аракети жүрүп жатат? “Азаттык” радиосу кезектеги “Арай көз чарай” талкуусунда мына ушул маселеге сереп салды. Талкууга саясат талдоочу, окумуштуу Эмил Каниметов, тарыхчы окумуштуулар Салмоорбек Дыйканов жана Нарынбек Алымкулов катышты.

Экинчи Дүйнөлүк согушка катышкан 365 миң кыргызстандык кан майдандын каары менен азап-тозогун башынан кечирип, алды дарексиз жоголуп, арты азыркы бейкут күндөрдө бакубат жашоосун кечирип жатышат. “Азаттык” апта түрмөгүн дал ушул согуш каармандарына арнап, уруш тартуулаган миң түркүн тагдырлардын айрымдары тууралуу сөз кылмакчы.

Сальваторе Адамо жетимиштин кырынан эбак ашса жүрөгү эч качан картайбаган, жаш кезинде тапкан музыкалык стилинен эч бир тайбаган кайталангыс ырчы.

Кыргыз адабиятында ушул эки залкар инсанды бириктирип да турган, алыстатып да турган бир нече маселе бар.