Соңку жаңылыктар

“Жан дүйнө” радио түрмөгүнөн таланттуу акын Табылды Мукановдун чыгармачылыгы жана тагдыры тууралуу кеп болмокчу.

Кадыркул Өмүркуловдун жубайы, “Сезим” кризистик борборунун жетекчиси Бүбүсара Рыскулова жазуучунун чыгармачылык дүйнөсү, жеке турмушу жана арманы тууралуу “Азаттыкка” сыябан-маек курду.

Кезинде “жабык согуш” катары мүнөздөлгөн Ооганстан апааты тууралуу ошол учурда да, кийин да көптөгөн ырлар, обондор чыгып, тасмалар тартылган.

Хан Абдул Гани Хан пуштун тилинде жазган акын, жазуучу, бедизчи, художник, ойчул, саясатчы, гуманист. Индостанды диний негизде бөлүүгө британ оторчулугуна каршы куралсыз күрөшүүнүн лидери болгон атасы экөө каршы чыккан. Элинин диний караңгылыктан бошонуп, билим алуусу үчүн күрөшкөн бул көй кашка инсандын ырлары менен өмүрү тууралуу баян.

Вальс! Бийлердин падышасы. Вальсты эргий бийлеп жаткан эркек-аялдардын көлдө жай калкып бараткан ак куудай көрктүү турпаты жана музыка жараткан ажайып маанай көрүп турган адамды аруу кыялдын дүйнөсүнө алып учат.

Вальс. Бул бий балдарда, үйлөнүү тойлорунда, окуу жайды бүтүү кечелеринде, чоң майрамдарда сөзүз бийленет. Вальс бийлеген адамдар ошо кезде сулуулуктун, грациянын символуна айланып, карап тургандарды суктандырат, толкундатат. Эмесе Амирбек Азам уулу даярдаган Вальс уланууда деген музыкалык берүүнү сунуш этебиз.

12-декабрда Чыңгыз Айтматовдун туулган күнү белгиленет. Улуу жазуучунун кийинки муундарга калтырган керээзи жана осуяттары жөнүндө "Тарых жана тагдыр" рубрикасынан угуңуздар.

Кубанын бүт дүйнөгө белгилүү лидери, бул мамлекетти дээрлик 50 жыл башкарган, көзү өткөнгө чейин ар дайым прессанын, дүйнөнүн көңүл борборунда турган Фидел Кастро 90 жашында дүйнөдөн өттү.