भारतात कोरोनाची सुरुवात होऊन आता एक वर्ष उलटून गेलंय. पण पहिली लाट जाते ना जाते तोच दुसरी लाट धडकलीये. गेल्या 24 तासात देशात एकूण 1,15,436 रुग्णांची नोंद झालीये. गेल्या वर्षभरातील देशातील ही सर्वोच्च रुग्णसंख्या आहे. तर त्यातले 55,469 रुग्ण एकट्या महाराष्ट्रात सापडलेत. म्हणजे देशातील रुग्णसंख्येच्या जवळपास 50% रुग्ण महाराष्ट्रात सापडतायत. हे आकडे सांगण्याचं कारण म्हणजे, एक प्रश्न सातत्याने विचारला जातोय की, राज्यात कोरोनाचा इतका कहर आहे मग सरसकट लसीकरण का केलं जात नाहीये? लसीकरणासाठीची वयोमर्यादा पाळणं खरंच गरजेचं आहे का? महाराष्ट्र सरकारनं तशी विनंती केंद्राकडे केलीये. पण त्यावर केंद्र सरकारचं, आरोग्य तज्ज्ञांचं काय म्हणणं आहे? आणि असं सरसकट लसीकरण योग्य आहे का? याचविषयी जाणून घेऊया आजच्या सोपी गोष्टमध्ये…