Spitstyd

Isak Pretorius is onlangs vir die tweede keer as ’n kategoriewenner in die gesogte internasionale Wildlife Photographer of the Year-kompetisie aangewys. Sy bekroonde foto is Scenes from the Swamp. Hy het dieselfde kategorie ook in 2013 gewen.

Hoeveel mense loop nie met 'n droom rond wat hulle jaar ná jaar uitstel nie? Omdat die lewe gebeur, die rekeninge betaal moet word en daar altyd iets belangriker is wat eers moet gebeur. Rhona van Niekerk en haar storie is een waarmee baie van ons kan vereenselwig. Sy kom van Bethal in Mpumalanga, het musiek aan die Universiteit van Pretoria studeer, skool gegee en uiteindelik haar eie musiekskool gebou. Vir jare het sy ander mense geleer om te sing en musiek te maak, terwyl haar eie droom om 'n opnamekunstenaar te word op die agtergrond gebly het. Tot sy besluit het om iets daaraan te doen. Sy skryf haar eie musiek, wen 'n sangkompetisie en reik in 2025 haar eerste enkelsnit uit, met die gepaste titel, Leef Jou Rede. Ons gesels oor die moed om eers in ‘n later fase van jou lewe 'n nuwe rigting in te slaan, die uitdagings van entrepreneurskap, die geld agter 'n musiekloopbaan en die opofferings wat 'n mens soms moet maak om jou drome te verwesenlik.

Johann Botha is 'n Suid-Afrikaner wat al sewe en 'n half jaar lank in die Franse Vreemdelingelegioen dien. Hy het sy eerste twee jaar as 'n valskermsoldaat deurgebring, voordat hy op die ouderdom van 21 die streng keuringsproses geslaag het om deel van die Franse valskermkommando te word. Hy dien reeds vyf en 'n half jaar in hierdie gespesialiseerde eenhede, waar hy ook as ‘n padvinder opgelei is.

Hoeveel mense loop nie met 'n droom rond wat hulle jaar ná jaar uitstel nie? Omdat die lewe gebeur, die rekeninge betaal moet word en daar altyd iets belangriker is wat eers moet gebeur. Rhona van Niekerk en haar storie is een waarmee baie van ons kan vereenselwig. Sy kom van Bethal in Mpumalanga, het musiek aan die Universiteit van Pretoria studeer, skool gegee en uiteindelik haar eie musiekskool gebou. Vir jare het sy ander mense geleer om te sing en musiek te maak, terwyl haar eie droom om 'n opnamekunstenaar te word op die agtergrond gebly het. Tot sy besluit het om iets daaraan te doen. Sy skryf haar eie musiek, wen 'n sangkompetisie en reik in 2025 haar eerste enkelsnit uit, met die gepaste titel, Leef Jou Rede. Ons gesels oor die moed om eers in ‘n later fase van jou lewe 'n nuwe rigting in te slaan, die uitdagings van entrepreneurskap, die geld agter 'n musiekloopbaan en die opofferings wat 'n mens soms moet maak om jou drome te verwesenlik.

Jaco Rautenbach is die stigter, besturende direkteur en brandweerhoof van ASTERIX, THE LONG FIREFIGHTING DOG. Hulle lewer brandbestryding- en noodhulpdienste in die Groter Tzaneen- en Groter Letaba-gebiede in Limpopo. Die organisasie is 24 uur per dag beskikbaar, en reageer op huis- en geboubrande, veld- en bosbrande, voertuigbrande, motorongelukke, reddingsoperasies en ander noodgevalle. Hulle werk ook saam met amptelike nooddienste om gemeenskappe veilig te hou. https://asterixfire.org/

Elke ou historiese dokument, handgeskrewe brief of kunswerk op papier dra ’n storie. Suzanne Louw is ’n geakkrediteerde papier- en dokumentrestoureerder van Gqeberha. Sy spesialiseer in die bewaring en restourasie van papiergebaseerde erfenisstukke, kunswerke, historiese manuskripte, kaarte en argiefmateriaal. https://suzanneslouw.wixsite.com/paperconservator

Die drama duur voort in For Better or for Whatever, en vandag loer ons weer by die Scotte en Nkosis in, terwyl ons kyk na ‘n paar van die skelmstreke wat jou geld en jou persoonlike inligting in gevaar kan stel. Skelmstreke kan enige plek en met enigiemand gebeur. Sien die tekens raak, wees op jou hoede en skakel of WhatsApp Absa by 0860 557 557 om ’n voorval aan te meld. Ina Steyn, die hoofbedryfsbeampte by ABSA se hoofsekuriteitskantoor sluit by ons aan.

Wat het ’n Springbok, ’n sanger, ’n aktrise en die skandaal van Markus Jooste en Steinhoff met mekaar gemeen? Op die Kuns met Kontant-bank in die RSG-vierkant by die Toyota Stellenbosch Woordfees het vier uiteenlopende wêrelde bymekaargekom - Rugbyheld en sakeman Kobus Wiese, sanger en storieverteller Jak de Priester, aktrise Elzabé Zietsman en skrywer James Styan, wat die donker geheime agter Markus Jooste en die Steinhoff-skandaal oopvlek. Van die rugbyveld tot die sakewêreld, van die verhoog tot een van Suid-Afrika se grootste korporatiewe skandale. Wat dryf mense om sukses na te jaag? Wat kos dit om bo uit te kom? En wanneer verander gesonde ambisie in vernietigende gierigheid? 'n Opname van ‘n regstreekse, onthullende en soms skreeusnaakse gesprek oor geld, roem, risiko en die ware prys van sukses. Want om sukses te behaal is een ding. Om te weet wanneer jy genoeg het, is iets heeltemal anders.

Kinders se veiligheid is BROODNODIG. Deur Ons Plek se Broodnodig-projek te ondersteun verseker jy ‘n veilige en voorspoedige toekoms vir ons kinders. Solidariteit Helpende Hand se Ons Plek-Kleuterskole en Naskoolsentrums bied daagliks aan honderde kinders 'n veilige plek waar hulle liefde, versorging en voedsame etes ontvang, asook die geleentheid gebied word om hul volle potensiaal te bereik. Jou eenmalige of maandelikse bydrae, groot of klein, kan 'n kind se lewe verander https://helpendehand.co.za/donasie-aan-ons-plekke-en-sentrums/donasie/