Spitstyd

Willem Pelser gesels met Gian Groen oor liedjieskryf en KI-musiek.

Wat het ’n Springbok, ’n sanger, ’n aktrise en die skandaal van Markus Jooste en Steinhoff met mekaar gemeen? Op die Kuns met Kontant-bank in die RSG-vierkant by die Toyota Stellenbosch Woordfees het vier uiteenlopende wêrelde bymekaargekom - Rugbyheld en sakeman Kobus Wiese, sanger en storieverteller Jak de Priester, aktrise Elzabé Zietsman en skrywer James Styan, wat die donker geheime agter Markus Jooste en die Steinhoff-skandaal oopvlek. Van die rugbyveld tot die sakewêreld, van die verhoog tot een van Suid-Afrika se grootste korporatiewe skandale. Wat dryf mense om sukses na te jaag? Wat kos dit om bo uit te kom? En wanneer verander gesonde ambisie in vernietigende gierigheid? 'n Opname van ‘n regstreekse, onthullende en soms skreeusnaakse gesprek oor geld, roem, risiko en die ware prys van sukses. Want om sukses te behaal is een ding. Om te weet wanneer jy genoeg het, is iets heeltemal anders.

In hierdie episode gesels ons met Epilepsie Suid-Afrika se Gauteng-tak. Hierdie onafhanklike organisasie is die enigste gespesialiseerde diensverskaffer vir epilepsie in Gauteng. Vanuit hulle twee sentrums in Springs bied hulle 24-uur residensiële sorg aan volwassenes met epilepsie en ander gestremdhede. Hulle bestuur ook beskermende werkswinkels wat individue help om vaardighede aan te leer en ekonomies selfstandig te word. Boonop doen hulle noodsaaklike gemeenskapswerk om die sosiale stigma rondom epilepsie deur opvoeding en bewusmaking te verbreek.

Carla Mackenzie gesels met watersommelier Nico Pieterse oor sy unieke beroep.

Die drama duur voort in For Better or for Whatever, en vandag loer ons weer by die Scotte en Nkosis in, terwyl ons kyk na ‘n paar van die skelmstreke wat jou geld en jou persoonlike inligting in gevaar kan stel. Skelmstreke kan enige plek en met enigiemand gebeur. Sien die tekens raak, wees op jou hoede en skakel of WhatsApp Absa by 0860 557 557 om ’n voorval aan te meld. Bronwyn Bell, Absa se hoof van bedrogbeoordeling en kliëntebestuur, sluit by ons aan.

Hy leef eintlik in twee wêrelde, wat op die oog af baie ver van mekaar af lyk. Bedags is Ampie du Preez 'n gesertifiseerde finansiële beplanner wat saam met sy kliënte na hulle persoonlike balansstate kyk, hulle bates en laste bestuur en hulle help om finansieel vir die toekoms te beplan. Maar wanneer die werkdag verby is, word die syfers vir musieknote verruil, want Ampie is ook ‘n sanger, liedjieskrywer en musikant wat al vir meer as twee dekades sy passie vir musiek uitleef. Hy sien baie ooreenkomste tussen dié twee wêrelde: die een gaan oor mense se geld, doelwitte en drome; die ander oor emosie, kreatiwiteit en die uitleef van sy eie droom. Hy gesels oor hoe hy daarin slaag om 'n voltydse loopbaan as finansiële beplanner met 'n musiekloopbaan te kombineer, wat hy uit sy kliënte se persoonlike balansstate oor mense en geld geleer het, en waarom finansiële sekuriteit hom juis die vryheid gee om steeds sy groot liefde vir musiek uit te leef.

Henco Kruger het die jongste nuus van die finansiële markte.

Hy leef eintlik in twee wêrelde, wat op die oog af baie ver van mekaar af lyk. Bedags is Ampie du Preez 'n gesertifiseerde finansiële beplanner wat saam met sy kliënte na hulle persoonlike balansstate kyk, hulle bates en laste bestuur en hulle help om finansieel vir die toekoms te beplan. Maar wanneer die werkdag verby is, word die syfers vir musieknote verruil, want Ampie is ook ‘n sanger, liedjieskrywer en musikant wat al vir meer as twee dekades sy passie vir musiek uitleef. Hy sien baie ooreenkomste tussen dié twee wêrelde: die een gaan oor mense se geld, doelwitte en drome; die ander oor emosie, kreatiwiteit en die uitleef van sy eie droom. Hy gesels oor hoe hy daarin slaag om 'n voltydse loopbaan as finansiële beplanner met 'n musiekloopbaan te kombineer, wat hy uit sy kliënte se persoonlike balansstate oor mense en geld geleer het, en waarom finansiële sekuriteit hom juis die vryheid gee om steeds sy groot liefde vir musiek uit te leef.

Henco Kruger het die jongste nuus van die finansiële markte.