Sportcast

Ronnie Pander hat noch altyd sliepeleaze nachten fan syn fuortgean by sc Hearrenfean. Nei 22 jier komt der in ein oan de gearwurking en dat docht 'hartstikke sear', seit Pander yn de SportCast fan Omrop Fryslân.

Hege sportive piken en djippe persoanlike dalen. Sa kin it seizoen fan SC Cambuur it beste gearfette wurde. Yn in ekstra SportCast wurdt werom sjoen op it jier fan de Ljouwerters mei fjouwer haadpersoanen.

Der komt in dream út foar Andries Noppert mei it ûndertekenjen fan syn kontrakt by sc Hearrenfean. Yn de SportCast fan Omrop Fryslân fertelt er wêrom.

Yn Rotterdam rinne se de polonêze troch it finaleplak fan Feyenoord yn de Conference League. sc Hearrenfean soe dat toernoai fia de play-offs ek helje kinne, mar neffens sportferslachjouwer Arjen de Boer moat it dat net wolle.

Ald-trainer Johnny Jansen fan sc Hearrenfean hat snein de Fryske derby tusken syn âld-klup en SC Cambuur fanôf syn eigen bank sjoen. Hy koe it noch net oer syn hert ferkrije om nei it Abe Lenstra Stadion te gean.

Ien punt sit der tusken sc Hearrenfean en SC Cambuur op de ranglist fan de earedivyzje. It makket de spanning allinnich mar grutter foar de Fryske derby fan oankommende snein.

Sc Hearrenfean moat bliid wêze mei it binnenheljen fan Kees van Wonderen. Dat seit Voetbal International-sjoernalist Marco Timmer yn de SportCast fan Omrop Fryslân.

Sonny Stevens wol by SC Cambuur bliuwe, mar dan moat de klup him wol in bettere oanbieding dwaan. It kontrakt fan de keeper rint nei dit seizoen ôf.

Spilers en trainers dy't oerstapten fan sc Hearrenfean nei FC Grins en oarsom. Ald-direkteur Hans Nijland fan FC Grins hat der neat mei, fertelt er yn de SportCast. Snein spylje beide ploegen tsjininoar yn de Derby van het Noorden.

SC Cambuur is yn petear mei in ynterim-trainer dy't Pascal Bosschaart en Martijn Barto bystean kin de rest fan it seizoen. De Ljouwerters spylje noch sân wedstriden.