Hierdie week analiseer SuperSport kommentator Marco Botha en rugby skakelbeampte Jaco van Wyk die Springbokke se 23-12 sege oor Engeland in Bloemfontein om die reeks te beklink.

Ons gesels oor moontlike spankeuses vir die laaste toets en die feit dat dit die laaste toets op die ikoniese Nuweland-stadion gaan wees.

Beast Mtawarira se 100ste toets word gevier en ons kyk na Schalk Brits se toekoms in die Bok-trui.

Hardloop tyd:

Deel 1: Bok-sege en besprekingspunte

Deel 2: Australië en Nieu-Seeland se uitslae teen Ierland en Frankryk.

Deel 3: Die Junior Bokke wens brons by die Junior Wêreldtoernooi.

Beskikbaar op:

* Apple iTunes

* Apple Podcasts

* Overcast

* Android

* SoundCloud

Jy kan my kontak by: [email protected]

Hierdie week gesels ek met Rapport se Leighton Koopman en die bekende rugbyafrigter Alan Zondagh oor die Bokke se indrukwekkende sege oor Engeland op Ellispark.

Na Nieu-Seeland en Australië se seges oor onderskeidelik Frankryk en Ierland debatteer ons die gebruik van geel kaarte, swak skeidsregters en besef opnuut die Wallabies is dalk nie so sleg soos wat ons gedink het nie.

Ons neem ook die Blitsbokke se suksesvolle seisoen onder oë en kies 'n paar uitblinkers wat in die afwesigheid van 'n paar staatmakers hul hande hoog opgesteek het.

Daar word afgesluit met die Junior Bokke se vordering by die Junior Wêreldtoernooi en hul kanse om die eindstryd te haal.

Hardloop tyd:

Deel 1: Springbokke klop Engeland 42-39 in Siya Kolisi se eerste toets as kaptein (1m 35s).

Deel 2: All Blacks trap Franse en Australië klop Ierland (25m 55s).

Deel 3: Die Blitsbokke wen die Parys Sewes en daarmee ook die Wêreld Sewesreeks vir die tweede jaar in 'n ry (34m 45s).

Deel 4: Junior Bokke se kanse by die o.20 Wêreldtoernooi (43m 11s).

Hierdie week gesels ek met Rapport se Leighton Koopman oor die Springbokke se eerste Toets onder Rassie Erasmus, die Blitsbokke se uitdaging in die Parys Sewes en die Junior Bokke se opmars in die Junior Wêreldtoernooi.

Ons kyk ook na die jongste rugbynuus en waag 'n voorspelling vir Saterdag se vuurdoop teen Engeland.

Speeltyd:

Deel 1: Bokke val vas teen Wallis (0m 18s)

Deel 2: Blitsbokke veg hard vir Sewes titel (12m 12s)

Deel 3: Junior Bokke looi vir Ierland (21m 44s)

Deel 4: Algemene rugbynuus (26m 43s)

Deel 5: Superbru voorspelling (35m 47s)

Gaste: Dawie Boonzaaier en Marco Botha

In hierdie week se Sportmal podcast kyk ons terug na nog ‘n naweek van swak uitslae vir Suid-Afrika se Superrugby spanne. Ons vestig al ons hoop op die onoortuigende Lions en fokus op die spanne se swak dissipline. Daarna neem ons Rassie Erasmus se eerste Springbok-groep onder oë en kyk wie’s in, wie’s uit en wie’s die nuwe kaptein. Ons sluit af met ‘n terugblik na Schalk Brits se loopbaan en wonder hardop wat met SuperSport se ondersoek na die Ashwin Willemse sage gaan gebeur. Ons eindig met 'n kort gesprek oor AB de Villiers.

Hardloop Tyd:

Deel 1: Superrugby terugblik (02m 15s)

Deel 2: Rassie se Springbok-groep (11m 30s)

Deel 3: Schalk Brits, Ashwin Willemse en AB de Villiers (37m 50s)

AB de Villiers het vandag in 'n onverwagse stap sy uittrede uit alle internasionale krieket aangekondig. As 'n voormalige krieketskrywer gee ek my mening oor sy besluit en kyk ek terug na sy loopbaan as een van die wêreld se beste kolwers ooit.

In hierdie week se episode van Sportmal kyk ons na die Lions en Sharks se seges die naweek en wonder wat presies vir die Stormers en Bulls verkeerd geloop het.

Ons bespiegel ook oor die naweek se voorval op SuperSport tussen Ashwin Willemse, Nick Mallett en Naas Botha en die verstommende reaksie op sosiale media.

Ons gesels oor die Bokke se vleuel opsies, Malcolm Marx se plaasvervanger en kies ons Bok 15-tal vir die eerste toets teen Engeland.

Ons sluit af met die naweek se Superbru voorspellings.

Rundown:

Deel 1: Jaguares t Bulls, Sharks t Chiefs, Lions t Brumbies en Stormers t Sunwolves (01m 37s)

Deel 2: SuperSport saga, Springbok vleuels en Malcolm Marx se plaasvervanger (18m 42s)

Deel 3: Vraag en Antwoord, Blitsbokke en Springbok 15-talle (45m 55s)

Deel 4: Superbru voorspellings (01h 03m)

In hierdie week se episode van Sportmal bespreek ons die Bulle se indrukwekkende sege oor die Sharks en wonder wat op Nuweland met die Stormers teen die Chiefs gebeur het.

Ons analiseer ook die naweek se tweestryde en kyk na watter spelers hulle Springbok-kanse versterk het.

Rassie Erasmus se kiesbeleid word ook onder oë geneem voordat ons vinnig kyk na wat die week in Europese rugby plaasgevind het.

Running order:

Deel 1: 00m 35s

Deel 2: 21m 48s

Deel 3: 54m 06s

Hierdie week gesels ek met Rapport se Leighton Koopman oor die Stormers se indrukwekkende sege oor die Bulls op Nuweland, die Sharks se wen oor die Highlanders en die Lions wat weer kleitrap.

Ons praat ook in diepte oor die toekoms van Superrugby en of al die Suid-Afrikaanse spanne nie maar in Europa moet gaan speel nie.

Deel 1: Ons analiseer die naweek se drie Superrugby wedstryde waarin die SA spanne betrokke was. (40s)

Deel 2: Die toekoms van Suid-Afrikaanse spanne in Superrugby en toekoms van die Sanzar vennootskap. (33m 07s)