في هذي الحلقة اتكلم عن ملخصي الخاص لكتاب لا تأكل بمفردك " never eat alone " للكاتب كيث فيرازي

قراءتي لهذا الكتاب

بدأت بسبب اسمه الملفت انه " لا تاكل بمفردك ؟ ليش ؟ لو ما اكلت لحالي مع مين بآكل طيب ؟

ولما قرأته اتبينتلي الفكرة انه لا تهدر اي وجبة ممكن تشاركها مع احد وتقوي معاها علاقتك فيه او حى تتعرف على شخص جديد وتشاركه الغدا او العشا لانه غالبا محادثة بدون وجبة تكون محادثة سريعة وعابرة وهذا الي ما نبغاه لاننا بنحول هذا الشخص العابر والغريب لصديق مقرب نضيفه لشبكة علاقاتنا

في هذي الحلقة اتكلم عن الاف الكلمات الي نفسنا نقولها والاسئلة اللي نفسنا نسألها بس نحس انه من الافضل ما نقولها رغم انه دايما يظل السؤال قائم اي واجد فيهم يثير الندم اكثر ؟ الكلام الي قلته ولا الكلام الي بلعته وما قلته ؟

اتكلمت في هذي الحلقة عن كتاب نادي الاحتراق النفسي للكاتب عمرو صالح الي يتكلم عن المرحلة الاخيرة من سنين من التعب والكفاح والمقاومة والعمل والعمل والعمل ....... ايش الي يصير لما تكرس نفسك وحياتك كلها للعمل وفجأة تطالع لورى وتشوف انه سنين عمرك افنيت في عمل بلا نتيجة ملموسة ما وصلت للمستوى العالي الي كنت تطمحله وهنا تنهار وتوصل يمكن لمرحلة تسمى بالاحتراق النفسي

كلمة اليوم هي  Mamihlapinatapai او الماميلابيناتاباي رح نتعرف عليها اكثر وايش علاقتها بشعوب الياغان وليش تعتبر الان كأكثر كلمة موجزة ؟ ايش القصة الي تحكيها كلمة وحدة بس ؟ قصة او شعور كلنا نمر فيه من وقت للثاني ومع كذا ما عندنا الجرأة انه نوقفه عند حده ونقوله خلاص ونكسر الماميلابيناتاباي ونريح بالنا من التفكير الزايد .

في حلقة اليوم رح اتكلم عن ملخصي الخاص لكتاب نعم او لا " hell yeh or no "

اللي كان واحد من الكتب الي قريتها في فترة حسيت فيها اني فعلا قاعدة اقول ايوة لكل شي تقريبا في حياتي ظنا مني انه الشي الصح اني ارحب بكل شي جديد ومختلف وغير عن العادة بس في نفس الوقت ما عاد صار عندي وقت كافي اني انجز المهمات الي كان لازم اخلصها فلما قريته حسيت انه صح المفروض اني ما اقول ايوة الا للقليل ولا لاغلب الاشياء والملهيات والمشتتات عشان اعطي مساحة لنفسي ادعم نفسي المستقبلية واحلام نفسي اليوم ورغباتي وانجز كل الاعمال الي كانت مؤجلة من سنوات .

اول حلقة في سلسلة الكلمات في كل حلقة رح اتكلم عن كلمة معينة جذبتني واستوقفتني .. في هذي الحلقة اتكلم عن الحياة بشكل عام وتحديدا عبارة " هذي هي الحياة " او بالفرنسي سي لا في اللي تتكرر كثير خصوصا وقت المواساة والطبطبة ومحاولة التهوين والتخفيف , ونظرتنا لها كأشخاص قاعدين نمر بوقت عصيب وصعب فهل تبدو لنا وقتها فعلا كطبطبة ولا كعبارة تزيد الطين بلة ؟ .. اتكلمت كمان عن تجربتي ومشاعري الخاصة مع هذي العبارة وليش اكره احد يقولي هذي هي الحياة او this is life او سي لا في C'est la vie .

ما ادري اذا الكل يعيش طقوس ليلة العيد بالطريقة نفسها والعجلة نفسها و " الحوسة " و " الدربكة " نفسها لكن الاغلبية ياجلوا كل شي لليلة العيد

ونتفاجا

لما يعلنوا انه عيد كاننا ما كنا ندري انه بيكون فيه عيد من وقت بدا رمضان ونبدا في وضع " الحق ما تلحق "

فالحق معانا واسمع لهذي الحلقة عشان تحس بالانتماء وكل عام وانت بخير

اتمنى تكون ايامك كلها عيد 

مجرد حلقة تجريبية ..

سمعت انه الناس يختلفوا في كون الكتابة او ( الفضفضة ) علاج او تنكيل للجروح فإيش اللي تظنه !