Tabakgolo

Meriana ya setšo

Dr Moloko Mashamaite o boledisana le banna ba go tšwa Matlala Lehwelere Men’s Forum. Ke foramo ye e hlomilwego go lwantšhana le ditlaišo tša ka malapeng.

Ba The South African National Christian Forum ba ntšhitše sengwalwa ele ge ba sola mmušo ka tiragalo yeo ya go šiiša dinamana tša mmele. Go ya ka bona ba sola mmušo gore ga o sepetše dilo ka tshwanelo kudu phathi ya ANC. Moeng ke Mopresident wa foramo ye, Bishop Mashashane.

Polokwane e kgethilwe go swara papadi ya makgaolakgang ya sebjana sa Carling Black Label magareng ga sehlopha sa Orlando Pirates le sa Marumo Gallants ka la 06 kgweding ye e tlago ya Desemere. Dr Moloko Mashamaite o bolela le Meyaraphethiši wa Polokwane John Mpe ka taba ye le go kwa gore badudi ba profense ya Limpopo kudu ba Polokwane le tikologo ba ya go holega bjang.

Hlogo ya lekala la bohlodi Lt. General Dumisani Khumalo ke yena a dutšego setulong sa go fiša. Mola a thomago go fa bohlatse, monna yo o utolotše diphiri tse dintšhi. Se sengwe sa go makatša ke go kwa gore tše dingwe tša dikopano le baetapele ba phathi ya ANC ba be ba thekgwa ke digongoana tše tša bosenyi. Dr Moloko Mashamaite o memile mosekaseki wa ditaba tša merero ya dipolotiki ebile a tseba tša molao Mna Robert Sebati go bolela ka ditaba tše.