Tabakgolo

Khomišene ya Madlanga e dira dinyakišišo tša go šunyašunya nko ga dipolotiki le go šomišana le basenyi ba bangwe ba bahlankedibagolo ka mo kgorong ya tša sephodisa le tshepedišo ya tša molao.

Tšatši ka tšatši ka mono nageng re kwa ditiragalo tša mothuntšhana magereng ga basenyi le maphodisa. Naa re kare bjale gona dipolelo tša Mokhomišenare wa maphodisa profinsing ya KZN Nhlanhla Mkhwanazi di file maphodisa boitshepho ?

Lelokolo la palamente la phathi ya ACTION SA yoo a šetšanego le merero ya tša maphelo Dr Kgosi Letlape o bolela gore baemedi ba setšhaba le bona ba swanetše go kwa le go itemogela tšeo badudi ba itemogelago tšona go tša maphelo mafelong a bohle a tša kalafo. 

Ga bjale go bolelwa gore letšatši le lefša la khomišene la go thomiša ka mosomo le tla tsebagatšwa e se kgale. Naa taba ye e bolela eng ?

Ba POPCRU ba thabetše sephetho sa kgoro ya tša maphodisa sa go thwala banyakišiši ba melato/ matseka ao a rotšego mošomo. Diperesente tše 90 di laetša gore baswa bao ba thwetšwego ga ba na bokgoni bja go tsenelela. Go thwalwa gape ga matseka a maloba go ya go thuša bjang dinyakišišong tša melato ?

Dr Moloko Mashamaite o boledisana le seboleledi sa Popcru Mna Richard Mamabolo.