Tabakgolo

Meyaraphethiši wa Mmasepala wa selete wa Mopani Cllr Pule Shayi o ala  kgatelopelo le mananeokgoparara a mmasepala wa gabo.

Bangwe ba bolela gore baswa ga ba na kgahlego go tša temo le ge ka nako tše dingwe re bona bangwe ba bona ba tsenela lefapha le. Morena Simon Mashego ke monyakišiši wa go ikema ebile ele setsebi mererong ya baswa le dipolotiki tša kabo ya naga. O adile sengwalwa palamenteng ngwagola ele ge a ipiletša gore go swanetše go ba le melao ya go dumelela baswa go ka ba le naga go phethagatša merero ya tša temo.

Dr Moloko Mashamaite o boledišana le mosekaseki wa ditaba tša merero ya dipolotiko Dr Arthur Shopola go re hlalosetša ka National Dialogue. Mošomo wo mogolo wa yona ke ofe ?

Dr Moloko Mashamaite o bolela le Mna Kenny Mathivha go tšwa Tshenuwani Farisani Foundation go kwa maemo a panka ye ya go phuhlama.

South African National Christian Forum ba ntšhitše maikutlo moo ba bolelago gore ketelo ya kemedi ya Afrika Borwa go la Amerika ga se ya kgona go phethagatša morero wa yona. Ba re ba e fošitše

Taba ya ketelo ya kemedi ya Afrika Borwa yeo e etilwego pele ke President Ramaphosa go la Amerika go tsošološa segwera e ditabeng. Ge a bolela nakong ya go feta Ramophasa o boletše gore ketelo ye ke ya go tsošološa segwera le go maatlafatša tša kgwebo le kgwebišano. Ga bjale bontši bja batho le lefase ka bophara ba ipotšiša gore a naa go ya go bolelwa eng kopanong yeo ?