அத்தியாயம் : 34

ஸபா - ஓர் ஊர்

மொத்த வசனங்கள் : 54

ஸபா எனும் ஊரைப் பற்றியும் அவ்வூரில் செழிப்பான வசதிகள் செய்து கொடுத்தது பற்றியும் அவ்வூரார் நன்றி மறந்த போது செழிப்பை நீக்கியது பற்றியும் 15, 16, 17 ஆகிய வசனங்களில் கூறப்படுவதால் இந்த அத்தியாயத்திற்கு இவ்வாறு பெயர் சூட்டப்பட்டது.

அத்தியாயம் : 33

அல் அஹ்ஸாப் - கூட்டுப் படையினர்

மொத்த வசனங்கள் : 73

பல்வேறு எதிரிகள் கூட்டாகப் படை திரட்டி தாக்க வந்த நிகழ்ச்சி பற்றியும் அப்போது இறைவன் புறத்திலிருந்து கிடைத்த பேருதவி பற்றியும் 9வது வசனம் முதல் 27வது வசனம் வரை கூறப்படுவதால் இவ்வாறு பெயரிடப்பட்டது.

அத்தியாயம் : 32

அஸ்ஸஜ்தா - சிரம் பணிதல்

மொத்த வசனங்கள் : 30

இறைவனுக்காக ஸஜ்தாச் செய்வோர் பற்றியும் அவர்களுக்குக் கிடைக்கும் பரிசுகள் பற்றியும் 15 முதல் 17 வரை உள்ள வசனங்களில் கூறப்படுவதால் இவ்வாறு பெயரிடப்பட்டது.

அத்தியாயம் : 31

லுக்மான் - ஒரு நல்ல மனிதரின் பெயர்

மொத்த வசனங்கள் : 34

லுக்மான் என்ற நல்லடியார் தமது மகனுக்குக் கூறும் அறிவுரை 13வது வசனம் முதல் 19வது வசனம் வரை கூறப்படுவதால் இவ்வாறு பெயரிடப்பட்டது.

அத்தியாயம் : 30

அர்ரூம் - ரோமப் பேரரசு

மொத்த வசனங்கள் : 60

ரோமாபுரி சாம்ராஜ்யம் தோற்றது பற்றியும் பின்னர் அது மீண்டும் வெற்றி பெறும் என்பது பற்றியும் 2, 3, 4 வசனங்களில் கூறப்படுவதால் இவ்வாறு பெயரிடப்பட்டுள்ளது.

அத்தியாயம் : 29

அல் அன்கபூத் - சிலந்தி

மொத்த வசனங்கள் : 69

இந்த அத்தியாயத்தின் 41 வது வசனத்தில் தவறான கடவுள் கொள்கை உடையவர்களின் உதாரணமாக சிலந்தி வலை கூறப்படுவதால் இந்தப் பெயர் சூட்டப்பட்டது.

அத்தியாயம் : 28

அல் கஸஸ் - நடந்த செய்திகள்

மொத்த வசனங்கள் : 88

இந்த அத்தியாயத்தின் 25வது வசனத்தில் அல் கஸஸ்' என்ற சொல் இடம் பெற்றுள்ளதால் இந்தப் பெயர்.

அத்தியாயம் : 27

அந்நம்ல்- எறும்பு

மொத்த வசனங்கள் : 93

இந்த அத்தியாயத்தின் 18, 19 வசனங்களில் எறும்பு பற்றிய ஒரு செய்தி இடம் பெற்றுள்ளதால் இப்பெயரிடப்பட்டது.

அத்தியாயம் :26

அஷ் ஷுஅரா - கவிஞர்கள்

மொத்த வசனங்கள் : 227

இந்த அத்தியாயத்தின் 221வது வசனம் முதல் 227 வரை கவிஞர்கள் பின்பற்றத்தக்கவர்கள் அல்லர் எனவும், அவர்களில் நல்ல கவிஞர்களும் கெட்ட கவிஞர்களும் உள்ளனர் என்றும் கூறப்படுவதால் கவிஞர்கள் எனப் பெயரிடப்பட்டது.

அத்தியாயம் : 25

அல் ஃபுர்கான் - வேறுபடுத்திக் காட்டுவது

மொத்த வசனங்கள் : 77

திருக்குர்ஆனை ஃபுர்கான் என்று இந்த அத்தியாயத்தின் முதல் வசனம் கூறுவதால் இவ்வாறு பெயரிடப்பட்டது.