Rúni Brattaberg hevur fingið Mentanarvirðisløn Landsins. Í tí sambandi vitjaði eitt sjónvarpslið Rúna tvey kvøld í operahúsinum í týska býnum Leipzig, har hann starvast sum solosangari.

Vit hittu hann undir venjingunum og undan framførsluni av eini operu eftir Mozart. Rúni er komin langt sum sangari, síðani hann byrjaði í einum operakóri í níti-árunum.

Orsøkin til framgongdina er at finna í hørðum og miðvísum arbeiði. Sendingin gevur innlit í ein beinharðan gerandisdag á pallinum, sum er merktur av nógvari venjing og høgum krøvum.