మళ్లీ మళ్లీ అదే పాపంలో పడిపోతూ, ఇక ఎప్పటికీ దాని నుండి విడుదల ఉండదేమో అన్నట్లుగా అనిపిస్తుందా? మీరు ఎదురుచూస్తున్న విడుదల, మీరు ఇప్పటికే క్రీస్తులో ఎవరైయున్నారో అర్థం చేసుకోవడం నుంచే ప్రారంభమైతే ఎలా ఉంటుంది?

ఈ సందేశంలో పాస్టర్ బెన్ కొమానపల్లి జూనియర్ గారు నీతి గురించిన సత్యాన్ని బయలుపరుస్తూ, దేవుని వాక్యంలోని సత్యం మళ్ళీ మళ్ళీ జరుగుతూ ఉండే పాపపు చక్రాల నుండి మిమ్మల్ని పూర్తిగా, ఒక్కసారిగా విడుదల చేయగలదనే విషయాన్ని బోధిస్తున్నారు. 

మీ మంచి పనుల వలన కాదు కానీ క్రీస్తు చేసిన పరిపూర్ణ కార్యం వలననే మీరు దేవుని దృష్టిలో నీతిమంతులుగా, పవిత్రులుగా, పరిశుద్ధులుగా చేయబడ్డారనే జీవితాన్ని మార్చే సత్యాన్ని తెలుసుకోండి.

గొప్ప విడుదలలు మీ జీవితంలో నిజమైన అనుభవాలుగా మారును గాక. మీరు నీతిలో నడుస్తూ, యేసుతో కలిసి మరియు యేసు వలె పరిపాలిస్తూ, రాజ్యమేలుతూ, దేవుని ఉద్దేశాలలో ముందుకు సాగుతూ, ఆయన మీ కొరకు కలిగియున్న సమస్తాన్ని స్వాధీనం చేసుకునే జీవితం మీలో సులభమైన వాస్తవంగా మారును గాక!

ప్రతి పంట ఒక విత్తనంతో ప్రారంభమవుతుంది. మీరు నాటే విత్తనం ఎటువంటిదో, చివరకు మీరు కోయబోయే పంట కూడా అలాంటిదే అయి ఉంటుంది.

ఈ విలువైన బోధనలో, పాస్టర్ బెంజమిన్ కొమానపల్లి జూనియర్ గారు పంటకు సంబంధించిన మూడు ముఖ్యమైన సూత్రాలను వివరిస్తున్నారు: మీరు ఏది విత్తుతారో అదే కోస్తారు, మీరు విత్తిన దాని కంటే ఎక్కువగా కోస్తారు, మరియు మీరు విత్తిన తర్వాతనే కోస్తారు. విత్తనం, విత్తేవాడు, నేల అనే ఉదాహరణల ద్వారా, దేవుని వాక్యాన్ని మన హృదయంలో విత్తడం మరియు దాని ఫలసంపదను అడ్డుకునే ప్రతి విషయం నుంచి దానిని కాపాడుకోవడం ఎంత ముఖ్యమో ఆయన తెలియజేస్తున్నారు.

మీరు ఏమి వింటున్నారు, ఏమి నమ్ముతున్నారు, మరియు మీ హృదయంలో ఏది వేరూనుకునేందుకు అనుమతిస్తున్నారు అనే విషయాల్లో ఉద్దేశపూర్వకంగా ఉండటానికి ఈ సందేశం మీకు సహాయపడుతుంది. అలాగే, మీరు విత్తే విధానంలో పరిశుద్ధాత్మ నడిపింపుపై ఆధారపడటం నేర్పిస్తుంది. విశ్వాసంతో విత్తండి, విత్తనాన్ని కాపాడండి, మీ పంట కోసం సిద్ధపడండి.

అదే సమస్యతో మీరు పదేపదే పోరాడుతూ ఉన్నారా? మీరు ఎవరిని పోలి ఉన్నారో తెలుసుకోవడం ద్వారా ఆ పోరాటాన్ని ఆపగలరని మీకు తెలుసా?

నూతన సృష్టి వాస్తవాల శ్రేణిలో భాగంగా, పాస్టర్ అర్పిత కొమానపల్లి గారు, తన ప్రతి బిడ్డ ఎలా యేసును పోలి ఉండాలని దేవుడు కోరుకుంటున్నాడో, సరైన ఆలోచన సరైన జీవనానికి ఎలా పునాది అవుతుందో, మీ మాటలు మీ జీవితాన్ని ఎలా మలుస్తాయో, అలాగే మీలో నివసిస్తున్న గొప్పవాడైన క్రీస్తును పోలి నడవడానికి మీరు తీసుకోవాల్సిన ఆచరణాత్మక మెట్లను ఈ సందేశంలో బోధించుట కొనసాగిస్తున్నారు.

ఈ సందేశాన్ని వింటూ, దేవుడు మీ కోసం సిద్ధం చేసిన ప్రతి దానిలోనికి ముందుకు సాగి, దానిని స్వాధీపరచుకోవడానికి ఆయన సహాయాన్ని స్వీకరిస్తూండగా, మీలో ఉన్న గొప్పవాడైన క్రీస్తును ఈ లోకం మీలో చూచును గాక!

దేవుడు మిమ్మల్ని ఎలా చూస్తున్నాడో, అంటే నూతన సృష్టిగా, మిమ్మల్ని మీరు చూసుకోవడం ప్రారంభించినప్పుడు మీలో ఎలాంటి మార్పులు చోటు చేసుకుంటాయి?

ఈ పరివర్తనాత్మక బోధనలో, పాస్టర్ అర్పిత కొమానపల్లి గారు క్రీస్తులో విశ్వాసికి ఉన్న నూతన గుర్తింపు యొక్క వాస్తవాన్ని వివరిస్తున్నారు. నూతన నిబంధనలోని సత్యం ద్వారా, దేవునిచే సృష్టించబడినవారిగా, ఆత్మ ద్వారా జన్మించినవారిగా ఉండటం అంటే ఏమిటో, అలాగే నూతన సృష్టిగా దేవుని స్వభావాన్నే కలిగియుండడం అంటే ఏమిటో తెలుసుకోండి.

తరతరాలుగా దాచబడిన, కానీ ఇప్పుడు క్రీస్తులో ప్రత్యక్షపరచబడిన ఆ మర్మాన్ని ఈ సందేశం వెల్లడిస్తుంది. అలాగే, మీరు నూతన సృష్టి అనే వాస్తవాన్ని నిరంతరం గుర్తుచేసుకుంటూ మీ మనస్సును నూతనపరచుకోవడం, మీరు ప్రార్థించే విధానాన్ని, జీవించే విధానాన్ని, దేవునితో నడిచే విధానాన్ని ఎలా మారుస్తుందో వివరిస్తుంది.

ఈ సందేశాన్ని విని, క్రీస్తులో మీరు ఎవరైయున్నారో అన్న స్పృహలో నూతనపరచబడబడండి.

ఈ మధ్యకాలంలో చింత మీ నిరంతర సహచారిణిగా ఉంటూ ఉందా?

ఈ ప్రోత్సాహకరమైన సందేశంలో, పాస్టర్ అర్పిత కొమానపల్లి గారు, చింత అనేది ఒక విశ్వాసి జీవనశైలిగా ఉండుటకు ఉద్దేశించబడలేదని బోధిసున్నారు. మీ పరిస్థితులను పెద్దవిగా చూడటానికి బదులుగా దేవునిపై ఎలా నమ్మకం ఉంచాలో ఇక్కడ తెలుసుకోండి. చింతను జయించి, మీ పరలోక తండ్రి ఎల్లప్పుడూ మిమ్మల్ని కనిపెట్టుకొని ఉన్నారనే ధైర్యంతో జీవించడానికి సహాయపడే ఆచరణాత్మకమైన బైబిలు సూత్రాలను ఈ సందేశంలో తెలుసుకోండి.

దీనిని విని, ప్రతి సవాలుకు మీ ప్రతిస్పందనను భయం కాదు, విశ్వాసమే నిర్దేశించేలా అనుమతించండి.

దేవుడు విశ్వాసులకు అన్య భాషలలో మాట్లాడే వరాన్ని ఎందుకు ఇచ్చాడో ఎప్పుడైనా ఆలోచించారా?

ఎంతో ఙ్ఞానము ఇమిడియున్న ఈ సందేశంలో, పాస్టర్ బెంజమిన్ కొమానపల్లి జూనియర్ గారు కొందరు విశ్వాసులు ఎందుకు భాషలలో మాట్లాడడానికి దూరంగా ఉంటారో వివరించి, భాషలలో మాట్లాడుటకు సంబంధించిన బైబిలు ఆధారమైన కారణాలను మరియు ప్రయోజనాలను తెలియజేస్తున్నారు.

ఈ అమూల్యమైన వరాన్ని స్వీకరించి, మీ పరలోక తండ్రితో మీ సంబంధాన్ని మరింతగా బలపరచుకోండి. క్రీస్తులో దేవుడు మీ కొరకు దాచియుంచిన మర్మాలను ముందుకు సాగి స్వతంత్రించుకోండి. భాషలలో మాట్లాడుటను అభ్యసించుటలో మీరు మరింతగా ఎదుగుదురు గాక.

మీరు పరిశుద్ధాత్మతో నింపబడ్డారా?

ఈ సందేశంలో, పాస్టర్ బెంజమిన్ కొమానపల్లి జూనియర్ గారు పరిశుద్ధాత్మ అంతర్నివాసం మరియు నింపుదల మధ్య ఉన్న తేడాను స్పష్టంగా వివరిస్తున్నారు.

దేవుని అతీతమైన శక్తిలో ఎలా నడవాలో, పరిశుద్ధాత్మతో నింపబడుటకు సంబంధించిన రెండు కీలక సత్యాలను, అలాగే అన్యభాషలలో ప్రార్థించేందుకు పరిశుద్ధాత్మ ఎలా వాక్ శక్తి  అనుగ్రహిస్తాడో ఇక్కడ తెలుసుకోండి.

మీ జీవితంలో పరిశుద్ధాత్మ కార్యానికి మీరు ఎన్నటికీ అపరిచితులుగా ఉండక, ఆత్మలోను, మనస్సుతోను ప్రార్థించే సంపూర్ణ అనుభవాన్ని మీరు పొందుదురు గాక.

మీ భవిష్యత్తు, మీరు ఎవరిని వివాహం చేసుకుంటారు, ఐదేళ్ల తర్వాత ఎక్కడ ఉంటారు, లేదా మీ వ్యాపారం విజయవంతమవుతుందా అలాంటి విషయాలు మీకు తెలుసా? లేక ఇవన్నీ ఇప్పటికీ మీకు మర్మముగానే ఉన్నాయా? ఆ మర్మాలను ముందుగానే మీకు తెలియజేయగల ఒకరు ఉన్నారని మీకు తెలుసా?

ఈ సందేశంలో, పాస్టర్ బెంజమిన్ కొమానపల్లి జూనియర్ గారు మర్మాలను బయలుపరచుటలో నిష్ణాతుడైన పరిశుద్ధాత్మ గురించి బోధిసస్తూ, మర్మాల గురించి మూడు కీలక సత్యాలను, అలాగే పరిశుద్ధాత్మ మనలో ఎలా అంతర్నివసిస్తారో విస్తరిస్తున్నారు.

ఏ విషయమూ మీకు మరుగై ఉండకుండా, ఇప్పటికే మీలో ఉన్న దైవిక జ్ఞానాన్ని నిరంతరం మీరు చేదుకుంటూ, సమయాన్ని వృథా చేయకుండా, దేవుడు మీ కొరకు సిద్ధపరచిన మహిమగల గమ్యాన్ని మీరు ముందుకు సాగి స్వాధీనపరచుకొందురు  గాక.