The New City Church Podcast - Telugu

పరిశుద్ధాత్మ అగ్ని - విశ్వాసి యొక్క ఆయుధం మరియు హృదయవాంఛ

ఈ పెంతెకొస్తు ఆదివార ప్రసంగంలో, పాస్టర్ అర్పిత కొమానపల్లి గారు పెంతెకొస్తు దిన ప్రాముఖ్యతను, దేవుని వాక్యానికి మరియు ఆయన ఆత్మకు మధ్య ఉన్న అవినాభావ బంధాన్ని మరియు అన్య భాషల్లో మాట్లాడే రుజువుతో పరిశుద్ధాత్మతో నింపబడి, తిరిగి నింపబడవలసిన ఆవశ్యకతను తెలుపుతున్నారు.

మీరీ సందేశాన్ని వింటూండగా, పరిశుద్ధాత్మ సన్నిధి మీలో వెలిగింపబడి, దేవుని మహిమార్థమై రోగులను స్వస్థపరచుటకు, దయ్యములను వెళ్ళగొట్టుటకు, చనిపోయిన వారిని లేపుటకు మీరు శక్తినొందుదురు గాక.

లోకము మీ ద్వారా అందరినీ దేవుని ప్రేమ మరియు శక్తితో వెలిగించు పరిశుద్ధాత్మ యొక్క రూపాంతర శక్తిని చూచును గాక. యేసు నామములో, ఆమేన్!

ఈ సందేశంలో పాస్టర్ బెన్ కొమానపల్లి జూనియర్ గారు విమోచన మనకు దేవుని ఆశీర్వాదమనే ద్వారంగా ఎలా మారుతుందో తెలుపుతున్నారు. ఇక్కడ వారు శాపాలు, ఆశీర్వాదాల గురించి మాట్లాడుతూ, శాపాలు కాదు కానీ, ఆశీర్వాదాలే మన పట్ల దేవుని ప్రణాళిక అని మనకు తెలియజేస్తున్నారు. దేవుడు మన క్షేమాన్నే కోరి, మనలను ఆశీర్వదిస్తాడు.

క్రీస్తు మనలను శాపము నుండి విమోచించి, మనము ఆశీర్వదించబడునట్లుగా తానే శాపముగా మారాడు. 

ఒక విశ్వాసి ఏ శాపగ్రస్తమైన పరిస్థితి లేదా సందర్భము కింద జీవించాల్సిన అవసరం లేదు. ఈ సత్యాన్ని విశ్వాసమే తెరుస్తుంది.

కేవలము నమ్ము. సుళువుగా పొందుకో. 

ఈ సందేశములో పాస్టర్ బెంజమిన్ జూనియర్ గారు క్రైస్తవ జీవనము గురించిన ఒక ఆవశ్యకమైన విషయాన్ని జ్ఞాపకం చేస్తున్నారు: దేవునికి ఇష్టులైయుండుటకు విశ్వాసం ద్వారానే మనము నడవడం తప్పనిసరి.

మీరీ వాక్యము ద్వారా ప్రేరణ పొంది, క్రీస్తు కథను అతి క్షుణ్ణంగా అభ్యసించి ఆయన మాదిరిని సాధన చేయడానికి నిర్ణయించుకోవాలని మరియు ఏది ఏమైనా సరే విశ్వాసం ద్వారానే స్థిరంగా నడుస్తూ ఉండాలని మేము ప్రార్థిస్తున్నాము.

దేవుని మహిమ కొరకు మీ విశ్వాస జీవితం ఇతరులకు ఒక మాదిరిగా ఉండుగాక. ఆమేన్!

మాతృత్వము: ఒక ధన్యకరమైన పిలుపు 

పాస్టర్ బెంజమిన్ జూనియర్ గారు మాతృ దినోత్సవం సందర్భంగా ఒక హృదయపూర్వకమైన సందేశాన్ని పంచుకుంటున్నారు. తమ పిల్లల విశ్వాసాన్ని రూపొందించడంలో మరియు క్రైస్తవ విశ్వాసంలో ఉన్న ఇతర యవ్వన స్త్రీల ఆత్మీయ వృద్ధిని పెంపొందించడంలో క్రైస్తవ తల్లులకున్న కీలక పాత్రను ఆయన నొక్కి చెబుతున్నారు.

మీరీ వర్తమానాన్ని వింటూండగా గతంలో ఎదుర్కొనియున్న ఏదైనా గాయం నుండి మీరు స్వస్థత పొందాలని మరియు దేవుని కృప ద్వారా మీరు ముందుకు సాగడానికి శక్తి పొందాలని మేము ప్రార్థిస్తున్నాము.

మీ పిల్లల కొరకు మీరు దైవిక వారసత్వాన్ని వదిలి వెళ్లి, వారు మీ నిస్వార్థ ప్రేమ, అంకితభావం మరియు విశ్వాసాన్ని కృతజ్ఞతతో కొనియాడుదురు గాక. యేసు నామంలో, ఆమేన్!

యోధుని చేతిలో బాణములు 

తల్లిదండ్రులు మరియు సంరక్షకుల కోసమైన ఈ అమూల్యమైన సందేశంలో, పాస్టర్ బెంజమిన్ జూనియర్ గారు దైవిక పెంపకం గురించి ముఖ్యాంశాలను పంచుకుంటున్నారు. ప్రత్యేకముగా దృష్టి సారించాల్సిన ముఖ్యమైన రంగాలను నొక్కి చెబుతూ, భావోద్వేగపరంగా స్థిరంగా ఉండే పిల్లలను పెంచడానికి ఆచరణాత్మక మార్గాలు మరియు పిల్లల పెంపకములో నివారించాల్సిన సాధారణ లోపాలను తెలియజేస్తున్నారు.

మీరీ సందేశాన్ని వింటూండగా తల్లిదండ్రులుగా మీ విశేషాధికారాన్ని స్వీకరించి, పదునుపెట్టబడి, చక్కగా రూపింపబడి మరియు శిక్షణ పొంది, పూర్తిగా సన్నద్ధమై ఈ లోకములోనికి ప్రవేశపెట్టబడిన పిల్లలను పెంచడానికి మీరు కట్టుబడి ఉంటారని మేము ప్రార్థిస్తున్నాము.

క్రీస్తు పునరుత్థానము - దేవుని శక్తి కార్య రూపం దాల్చుట

ఈ ఈస్టర్ సందేశములో, పాస్టర్ బెంజమిన్ జూనియర్ గారు యేసు యొక్క పునరుత్థానము యొక్క ప్రాముఖ్యతను మరియు దాని వలన మనపై ఈ నాడు ఉన్న ప్రభావాలను తెలుపుతున్నారు. 

మీరు ఈ వర్తమానాన్ని వింటూండగా, దేవుని పునరుత్థాన శక్తిలో మీరు నడచుట మీ కోరిక కావాలని, తద్వారా దేవుని రాజ్యం కోసం మీరు ప్రభావవంతంగా జీవించాలని మేము ప్రార్థిస్తున్నాము.

ఈ పునరుత్థాన శక్తి మీపై తుడిచివేయబడలేని శాశ్వతమైన ముద్రగా ఉండును గాక. ఆమేన్!

రాజు, ఆయన రాజ్యం

ఈ మట్టలాదివార సందేశంలో, పాస్టర్ బెంజమిన్ జూనియర్ గారు యేసు క్రీస్తు రాజరికాన్ని నొక్కి చెబుతూ దేవుని రాజ్యంలో భాగం కావడం వల్ల మనకు కలిగే పరివర్తనాత్మక ప్రయోజనాలను తెలుపుతున్నారు. పౌరులుగా మనం క్షమాపణ, నిత్యజీవము, పుత్రత్వము, శాంతి, ఆనందం, జ్ఞానం మరియు మరిన్నింటిని ఎలా ఆస్వాదించవచ్చో ఇక్కడ కనుగొనండి.

మన రాజు యొక్క సర్వాధిపత్యము మరియు ఆయన త్యాగాన్ని ధ్యానిస్తుండగా మీరు దేవుని సంపూర్ణతలో నడుస్తూ ఆయనను ఘనపరిచే జీవితాన్ని జీవించుదురు గాక. ఆమేన్!

ఈ వర్తమానంలో పాస్టర్ బెన్ గారు పంటను కోయుటకు కీలక అంశాలు తెలియజేస్తుండగా మనము విందాం.

విత్తుట మరియు కోయుట అనే నియమాన్ని ఆయన ఇక్కడ నొక్కి చెపుతున్నారు. మనమేమి విత్తుతామో, అదే పంట కోస్తాము.

విత్తడము, కోయడము మన బాధ్యత, పంటను అభివృద్ధి పరచుట దేవుని బాధ్యత. 

మీ జీవితములో దేవునికి ప్రాధాన్యతనిచ్చి, విధేయత చూపించి మరియు ఆయనను సేవిస్తూ ఉంటే, దేవుని సమకూర్పును, అభివృద్ధిని మీరు అనుభవిస్తారు. 

ఆశీర్వదింపబడండి!!