Niemer het me dra glaubt aber tatsächlich probiere mers nomol. Jenni ond Carin sind weder doh. Mer bringe euch echli ufe neusti Stand ond verzelle vo eusne Higlights usem Johr 2022. D Folg esch daher au es bezeli länger als gwohnt, aber mer hoffe das stört euch ned. Mer händ usem letschte mol glehrt aber mer wörde gern weder chli öfters Folge ufneh, wäge dem säge mer zwar ned wenn genau, aber sicher scho mol bis bald 👋

Es get lüt die schniide sich d Hoor ab, es get lüt die chaufe sich en Hund ond de gets d Anna wo für die nöchste 5 Mönet mitem Velo durch Europa wet fahre. En riese Herusforderig aber sicher au es mega cools Erlebnis. D Anna verzellt eus vo ihrne Erwartige, Ängst ond vo Solarpanels.

Ich glaube während de Folg wird bereits alles gseit was gseit muess werde. Mer entschuldige eus nomol für die echli längeri Pause, aber Life oder? Hoffentlich händ ihr Spass mit de neue Folg ond mir ghöre eus sicher bald irgendwenn vellech weder… glaubs.

Mir sind weder zrug! Jedefalls Vorübergehend. Be eus weiss me ja nie. De simer plötzlich weder für es paar Woche verschwunde ond tauche irgendwenn weder uf. Umso schöner esches wenns de weder en neui Folg geht. Vel Spass.

Höt hämer zwoi Creepypastas für euch vorbereitet, wobi eini defo leider ned ganz eso Creepy esch... Das passiert halt weme ned so ganz vorbereitet esch fürs Ufneh vomene Podcast. Naja... mir hoffe ihr händ trptzdem vell Freud ah eusem Gelaber :D

Oftrige, ach du schöns Oftrige... oder ebe au ned. Werom s de grössti Fehler vo euchem Läbe esch in Oftrige z wohne erfahret ihr ide hötige Folg.

Für es paar Täg sind Jenni ond Carin verscholle gsi... imene chline Kaff namens Orvin. Was sie det alles erlebt händ ond was das mitem erste Schueltag vode Jenni ztue het müender selber Usefinde.

Nach (ned eso) grosser Afrog hämer eus höt mol weder mit es paar "Wer würde eher?" Froge beschäftigt. Ond mit eus meine mir Jenni. Wer vo eus eher es Restaurant eröffne oder wer de Severus Snap nacheme Date froge wörd erfahre dir unter anderem ide hötige Folg.

Höt rede mir öber die berüehmt beröchtigte 18 Geburtstäg vo eusne Kollege. Achtung: Mir möchte demet niemert zum Alkoholkonsum animiere. Es handlet sich doh immerno um en Droge mit dere me ned Liechtfertig söt umgoh! (Bildigsuftrag erfüllt :D)

Ide Sternstunde Podcasts gömer jewils uf eis bestimmts Sternzeiche iih. Natüerlich glaube mir ned ah wörkli ah alles wo mir i dem Podcast Vorlese, aber mängisch gets au es paar Sache wo perfekt zuetreffe.