Wenns dosse immer chüeler wird ond de Schnee immer höcher scheeit erinneret me sich doch gern ah die Ziite zrugg wo das ned de Fall gsi esch. Darum rede mir höt öber euse Churztrip is wunderschöne Holland mit no schönere Mönsche. (Für de Titel esch ganz allei d Jenni verantwortlich LG Carin)

Höt verzelle mir euch was me im Winter alles so ahstelle chan. Da mir immerno zemli igschränkt sind chame die meiste Sache halt immernoni mache oder söt me ned mache, aber de Winter chonnt ja immer weder.

Ide letschte Folg vom Johr 2020 fasse mir alles nomol chli zeme. Am Schloss rede mir au no chli öber kommende Johr wo hoffentlich chli schöner wird als das...

Nach ere chorze chli längere Pause hämer eus ändlich weder zeme gfonde zum en neui Folg ufzneh. Zu gegebenem Alass verzelle mir euch gratis es paar Tipps wie me de Lockdown öberlebt.

Ide Sternstunde Podcasts gömer jewils uf eis bestimmts Sternzeiche iih. Natüerlich glaube mir ned ah wörkli ah alles wo mir i dem Podcast Vorlese, aber mängisch gets au es paar Sache wo perfekt zuetreffe.

Nach langer Ziit endlich mol weder en Teil Suufgschichtli. Achtung: Mir möchte demet niemert zum Alkoholkonsum animiere. Es handlet sich doh immerno um en Droge mit dere me ned Liechtfertig söt umgoh! (Bildigsuftrag erfüllt :D)

Herbst esch de Carin eri Lieblingsjohresziit. Es esch zwar no so warm wie im Sommer, aber d Wälder sind vell bunter. Wie chame de Herbst ned liebe?! I dere Folg bringe mir euch es paar Vorschläg was me i dere Ziit alles mache cha.

Nach 22 Folge esch eus ufgfalle das mir eus eigentlich no gar nie Vorgstellt händ. Lieber spät als gar nie. Have Fun mit dere ganz komische ond random Folg.

Morgenstund hat Gold im Mund oder wie ide Jenni ihrem Fall de 8. Platz bemene Turnier. Höt erkläre mir euch wie me en Party während Corona Ziite organisiert.

Die ersti Folg be dere mir eus ned direkt gegenüber ghocket sind... Mir entschuldige eus nomol für alli Technische fähler wo passiert sind. Mir versueche eus immer wiiter zverbessere ond so guet wies goht euch s best Mögliche Hörerlebnis zbereite. Trotzdem Vel Spass :)