Einn, tveir og ?. við hoppum aftur til fortíðar og drekkum í okkur minningarnar af mikilli ástríðu. Ártölin okkar í dag enda á sex 56, 66, 76 og 86 og meðal þess sem kemur við sögu er prófraun ástarinnar og hjónabandmiðlun í Hafnarfirði. Svo ætlum við að minnast vinar okkar og þjóðargersemar sem féll frá í vikunni, Ragga Bjarna. En við byrjum á því á að staldra við á sjötta áratugnum

Tímaflakk með Bergsson og Blöndal er alla sunnudaga kl. 15.02 á Rás 2

Það er ekki um að villast - við brunum aftur til fortíðar. Hendumst 67 ár aftur í tímann og skoðum hvað var að gerast þessa febrúarviku,og já árin sem við skoðum eru 1953 - þá tilkynntu þeir James Watson og Francis Crick að þeir hefðu náð að skilja DNA strúktúrinn en það er auðvitað kjarnsýran sem myndar erfðaefni í öllum lífverum og sumum veirum. 1963 sem var ekkert smá ár! Árið sem Bítlarnir gáfu úr sína fyrstu plötu í Bretlandi, Please, please me og svo er það árið 1973. Einhver myndi kannski reyna að halda því að fram að það ár sé merkilegast fyrir það að þá var hljómsveitin Kiss stofnuð. Ekki ætlum við að draga úr því en það er líka árið sem Brekkukotsannáll var gerður að sjónvarpsmynd og frumsýndur í sjónvarpi allra landsmanna og svo endum við á árinu 1983 og í febrúar það ár flykktist fólk í bíó til að sjá skyggnilýsingar. Já Með allt á hreinu kom í bíó fyrir jólin 1982 og var enn í bíó. Þegar yfir lauk sáu rúmlega 100 þúsund manns myndina í bíó en við byrjum auðvitað á árinu sem er fjærst okkur, 1953.

Tímaflakk með Bergsson og Blöndal er alla sunnudaga kl. 15.02 á Rás 2

Komiði sæl kæru tímaflakkarar. Við vonum að þið séuð búin að spenna beltin því við ætlum 70 ár aftur í tímann eða til ársins 1950 en í febrúar það ár strandaði vélarvana olíuskipið MS Clam við Reykjanes. Af 50 mann áhöfn drukknuðu 27 en grindvískir björgunarsveitarmenn unnu mikið afrek og björguðu hinum 23. Flestir skipverjar voru frá Kína. Big Ben í London hljóðnaði skyndilega árið 1960 þegar hann hafði slegið nokkur slög á miðnætti 12 febrúar. kom í ljós að vírar höfðu slitnað og þurfti að hafa hraðar hendur því enginn vill að Big Ben hljómi ekki yfir stórborgina.. Árið 1970 kom fyrsta breiðskífa Black Sabbath út. Síðan eru liðin 50 ár og sjálfsagt einhverjar tunnur af viskíi og talandi um viskí þá lést söngvari AC/DC Bon Scott í febrúar 1980 eftir svakalegt djamm í London. Hann fannst látinn í bíl í miðborg Lundúna og er dánarorsökin talin áfengiseitrun og ofkulnun. En við höldum okkur við öld sakleysisins og heyrum ljúfa rödd Nat King Cole frá 1950

tímaflakk með Bergsson og Blöndal er alla sunnudaga kl. 15.02 á Rás 2

Þá höldum við á tímaflakkið okkar og rennum okkur inn í annað hundraðið. Þetta er 101 þátturinn og við lítum til áranna 1957, 1967, 1977 og 1987. Í Helgarpóstinum litu menn á stjörnukort Steingríms Hermannsonar árið 1987 og þar mátti sjá að árið yrði rólegt hjá forsætisráðherranum en 1988 yrði erfiðara þar sem Úranus færi í mótstöðu við sól! Árið 1977 mótmæltu bændur í Eyjafirði hugmyndum um fyrirhugað álver auk þess sem sjá mátti í Degi á Akureyri hina stórkostlegu grein sem síðar hefur oft verið vitnað í en hún ber fyrirsögnina - Negri í Þistilfirði og 1967 leit leikarinn og grínistinn Þorsteinn Guðmundsson dagsins ljós fyrsta sinni. Hann fæddist þann 4. febrúar. En við byrjum auðvitað árið 1957 en þá héldu Breiðholtsbúar fund og “víttu bæjarstjórnaíhaldið harðlega fyrir sleifarlag í lóðamálum“ eins og það var orðað í Alþýðublaðinu og Fats Domino söng um breiðholtið í laginu Blueberry Hill.

Tímaflakk með Bergsson og Blöndal er alla sunnudaga kl. 15.02 á Rás 2

Þá lokkum við ykkur aftur til fortíðar í 100 sinn og það er sannarlega af nógu að taka. Við höldum okkur við upphaf febrúarmánaðar og árin okkar í þessum þætti eru 1954 en þá hélt Repúblikanaflokkurinn upp á 100 ára afmæli. 1964 en það er árið sem Bókasafn Akraness varð 100 ára. 1974 og það ár voru liðin 100 ár frá stofnun Kvennaskólans í Reykjavík og svo er það árið 1984 - og hver fagnaði 100 ára afmæli það ár? Jú það gerði Listasafn Íslands sem var jú stofnað árið 1884 í Kaupmannhöfn af Birni Bjarnasyni sem síðar varð sýslumaður Dalamanna og alþingismaður.

Við höldum upp á 100 þáttinn með því að skella okkur aftur til ársins 1954.

Tímaflakk með Bergsson og Blöndal er alla sunnudaga kl. 15.02 á Rás 2

Þá höldum við enn af stað. Ship og hoj og allir mínir menn! Nú festum við okkur í fortíðinni! Árið 1958 voru bæjarstjórnarkosningar í Reykjavík þann 26. Janúar. Íhaldið vann stórsigur og fékk 10 borgarfulltrúa. Árið 1968 upplifðu Tékkar litla byltingu frelsis sem hófst 5 janúar en stóð bara í nokkra mánuði áður en hún var barin niður. Þetta var Vorið í Prag.

Við skoðum líka árin 1978 og 1988 en byrjum með Frank hinum bláeyga árið 1958. Hér skal haldið alla leið...

Tímaflakk með Bergsson og Blöndal er alla sunnudaga kl. 15.02 á Rás 2

Alveg er þetta makalaust, þrjár vikur þegar búnar af nýja árinu og við farin að undirbúa næsta partý, búin að setja í súr enda ekki seinna vænna því bóndadagurinn er á föstudaginn. Svona er þetta, ár eftir ár eftir ár, sumt breytist og annað ekki og næsta klukkutímann ætlum við Bergsson og Blöndal að skoða hvernig var umhorfs í íslenskri tilveru um miðjan janúar árin 1982, 1972, 1962 og 1952.

Tímaflakk með Bergsson og Blöndal er alla sunnudaga kl. 15.02 á Rás 2

Já ágætu hlustendur við festum okkur enn og aftur í fortíðinni og skoðum dagana í kringum 12 janúar á árunum 1955, 65, 75 og 85. Árið 1955 voru kvikmyndirnar 12 á hádegi með Gary Cooper og Litli Rauður með Robert Mitchum sýndar í Alþýðuhúsinu á Ísafirði og auglýstar í blaðinu Ísfirðingi. Á Írlandi bar það til tíðinda árið 1965 að ráðamenn á Írlandi og N Írlandi funduðu í fyrsta sinn í 43 ár. Árið 1975 sló Alþýðublaðið því upp að liðið fiskveiðiár væri það fjórða besta í sögu lýðveldisins Íslands og árið 1985 var hin goðsagnakennda rokkhátíð Rock in Rio þar sem Queen og Iron Maiden komu fram á fyrsta kvöldinu fyrir framan 350 - 500 þúsund manns en við byrjum á öðrum og miklu hógværari nótum. Hér eru Four Aces frá 1955

Tímaflakk með Bergsson og Blöndal er alla sunnudaga kl. 15.02 á Rás 2

Gleðilegt ár kæru hlustendur. Nú leggjum við enn í tímaflakk og árin sem við heimsækjum í þessum fyrsta þætti ársins eru 1959, 1969, 1979 og 1989. Hér kemur kvenfélagið Hringurinn og Haraldur Á Sigurðsson við sögu. Einnig stórbruni í hinu sjálfbæra samfélagi á Akureyri. Pink Floyd og ABBA láta ljós sitt skína..?og gott ef Nonni og Manni kíkja ekki í heimsókn og tala þýsku!

En hefjum leik með Kingston Tríóinu árið 1959.

Tímaflakk með Bergsson og Blöndal er alla sunnudaga kl. 15.02 á Rás 2

Gleðileg jól kæru hlustendur. Þá höldum við enn af stað í tímaflakk og þetta er síðasti þáttur ársins 2019. Við erum samt ekkert að dvelja við ársuppgjör því ef eitthvað er þá eru þessir tímaflakksþættir eitt stórt uppgjör við fortíðina. Í dag förum við aftur til ársins 1956 en það var árið sem fyrsta Eurovisionkeppnin var haldin. þaðan skellum við okkur til 1966 en á gamlársdag frömdu bíræfnir þjófar svakalegt listaverkarán í London. árið 1976 er næst og þá var Guðmundur Kærnested skipherra kosinn maður ársins og endum svo árið 1986 þegar Eðvarð Þór Eðvarðsson sundmaður var kosinn íþróttamaður ársins

Tímaflakk með Bergsson og Blöndal er alla sunnudaga kl. 15.02 á Rás 2