Bergsson og Blöndal eru Margrét Blöndal og Felix Bergsson. Og þau eru föst í fortíðinni,

Það er kominn 22 desember og við ætlum að skoða þennan dag árin 1953, 1963, 1973 og 1983. Tónlistin er í aðalhlutverki en einnig raddir liðinna áratuga og fréttir og auglýsingar sem okkur finnst gaman að rifja upp. En hefjum leik árið 1953 og leyfum hinum geysivinsæla Guðmundi Jónssyni ásamt Karlakór Reykjavíkur að koma okkur í karlmennskugírinn...

Tímaflakk með Bergsson og Blöndal er alla sunnudag kl. 15.02 á Rás 2

Já við erum föst í fortíðinni og ætlum að þessu sinni að fara til áranna 1960, 1970, 1980 og 1990. Árið 1990 var sagt frá því að 11 manna sendinefnd frá Reykjavíkurborg væri á leið í heimsókn til listamannsins Erró í París og árið 1980 kvartaði lögreglan yfir því að partý hald í Reykjavík hefði verið svo svakalegt þá um helgina að helst hefði mátt jafna því við Gamlárskvöld! Þrisvar á einni nóttu þurfti að reka drukkið fólk upp úr Vesturbæjarlauginni. Árið 1970 nam Franco á Spáni úr gildi stjórnarskrárvarinn rétt borgaranna til handtöku án dóms og laga og 1960 bað austur þýskur sjómaður af togara í Reykjavíkurhöfn um pólitískt hæli á Íslandi.

Tímaflakk með Bergsson og Blöndal er alla sunnudaga kl. 15.02 á Rás 2

Komiði sælir ágætu hlustendur. Þá hefjum við för okkar til fortíðar á þessu 2 sunnudegi í aðventu árið 2019 og við ætlum 65 ár aftur í tímann því við byrjum árið 1954 en þá stóð barátta Joseph McCarthy gegn kommúnistum í Bandaríkjunum sem hæst og sumir töluðu um nornaveiðar. Því næst höldum við til þessarar viku árið 1964 en þá stofnuðu vaskir Akureyringar samtök um varðveislu Davíðshúss. Við vippum okkur svo til 1974 þegar gríska þjóðin hafnaði konungi sínum í þjóðaratkvæðagreiðslu og kaus lýðræði og við endum svo yfirreiðina árið 1984 þegar DV sló því upp að 25 kauptún á Íslandi væru nú án læknis!

Tímaflakk með Bergsson og Blöndal er alla sunnudaga kl. 15.02 á Rás 2

Já þau Bergsson og Blöndal eru föst í fortíðinni og þangað skal nú haldið. Við heyrum allskyns fréttir, hljóðbrot og tónlist frá árunum 1951, 1961, 1971 og 1981. Byrjum árið 1951 en 30 nóvember það ár mátti sjá á forsíðu morgunblaðsins mynd af Georg konungi og barnabarni hans Karli ríkisarfa sem var þá nýlega búinn að fagna þriggja ára afmæli sínu. Í fréttinni er sagt frá því að Georg sé risinn af sjúkrabeði en það var skammgóður vermir því hann lagðist aftur skömmu síðar og lést í febrúar 1952 og dóttir hans og móðir Karls, Elísabet, tók við. Hún situr enn við völd. Þessa sögu má sjá í þáttunum um krúnuna sem menn liggja yfir á Netflix þessa dagana.

Tímaflakk með Bergsson og Blöndal er alla sunnudaga kl. 15.02 á Rás 2

Við vonum að þið séuð búin að stilla radíóið og koma ykkur vel fyrir í stássstofunni því tímaflakkið bíður okkar með öllu sínu gúmmelaði. Við ætlum til dæmis að fara til 1968 og heyra af sambandslausu Íslandi. Svo rennum við okkur til 1978 þegar rætt var um giftingar innan ríkisútvarpsins við Ingibjörgu Þorbergs. Að lokum heyrum við svo af bongóblíðu árið 1988 en byrjum auðvitað á því herrans ári 1958 og það er 24 nóvember..

Tímaflakk með Bergsson og Blöndal er alla sunnudaga kl. 15.02 á Rás 2

Komiði sæl kæru tímaflakkarar. Við vonum að þið séuð til í tuskið því við förum með ykkur aftur til 1985 en þann 14 nóvember var Hólmfríður Karlsdóttir kjörin ungfrú heimur og Garrí Kasparov varð heimsmeistari í skák! Við heimsækjum líka nóvember árið 1975 en þá varð Jóhann Karl 1 konungur Spánar og 21 nóvember árið 1965 fæddist í Reykjavík lítil stúlka sem átti eftir að heilla heimsbyggðina svo um munaði. Hún var nefnd Björk Guðmundsdóttir. En eins og venjulega byrjum við á sjötta áratugnum og Steinka Bjarna dregur okkur til ársins 1955

Tímaflakk með Bergsson og Blöndal er alla sunnudaga kl. 15.02 á Rás 2

í Tímaflakki dagsins fóru þau Bergsson og Blöndal til áranna 1957, 1967, 1977 og 1987. Við heyrum af ævintýrum Elvis Presley og lærum um Flatey á Skjálfanda, förum í tjúttið í Rokkveitu ríkissins með Rúna Júl og kíkjum í heimsókn til Hemma Gunn. Já og fáum fullt af skemmtilegri tónlist sem var vinsæl í nóvember þessi ár.

Tímaflakk með Bergsson og Blöndal er alla sunnudaga kl. 15.02 á Rás 2

Í Tímaflakki með Bergsson og Blöndal taka þau Margrét Blöndal og Felix Bergsson fyrir þessa viku á völdu ári á sjötta áratugnum og flakka svo í tímavélinni 10 ár fram í tímann þar til komið er inn á níunda áratuginn. Í dag byrja þau árið 1957 og taka svo fyrir 3. nóvember árið 1967, 1977 og 1987

Tímaflakk með Bergsson og Blöndal er alla sunnudaga kl. 15.02 á Rás 2

Við höldum af stað, föst í fortíðinni, og skellum okkur til loka október áranna sem enda á níu. Árið 1969 voru fyrstu skilaboðin send á Arpanetinu en það var forfaðir internetsins sem við getum ekki án verið í dag. Árið 1979 tók minnihlutastjórn Alþýðuflokksins undir forsæti Benedikts Gröndal við völdum. Stjórnin sat þó einungis í fjóra mánuði og árið 1989 var Borgarleikhúsið formlega vígt. Hugsa sér að það séu orðin 30 ár!

Tímaflakk með Bergsson og Blöndal er alltaf á sunnudögum kl. 15.02 á Rás 2

1953, 1963, 1973 og 1983 eru árin í tímaflakkinu að þessu sinni. Við heyrum af umboðsmanni í Hollywood árið 1963 og lærum heilmikið um fjölskylduhagi Osmond fjölskyldunnar árið 1973. Árið 1983 munum við svo heyra af nýrri íslenskri kvikmynd sem verið er að klippa og auðvitað mun tónlist tímabilanna leika stórt hlutverk en byrjum á því að festa okkur í fjarlægri fortíð árið 1953

Tímaflakk með Bergsson og Blöndal er alla sunnudaga kl. 15.02 á Rás 2