Að þessu sinni skoðum við dagana í kringum 12. maí á þeim árum sem enda á fimm. Vissuð þið t.d. að í þessari viku árið 1985 lagði lögreglan hald á 1300 lítra af bruggi sem fannst í íbúð í miðborg Reykjavíkur og að árið 1975 var fyrsti bankinn opnaður í Breiðholtinu? Það var Verslunarbanki. Þann 14 maí árið 1965 var leikritið Sú gamla kemur í heimsókn frumsýnt í Iðnó. En við byrjum 12 maí árið 1955 þegar Morgunblaðið greindi frá því að fyrstu kríurnar væru komnar í Tjarnarhólmann. Það var kalt. norðangarri og þriggja stiga hiti. Ætli greyin hafi velt því fyrir sér að snúa aftur við?

Tímaflakkið með Bergsson og Blöndal er alla sunnudaga kl.15.02 á Rás 2

Vorið er komið og grundirnar gróa og við skellum okkur á tímaflakk. Við byrjum árið 1953 þegar tilkynnt var að 52 sænsk skip yrðu við síldveiðar við Ísland þá um sumarið. Tyllum svo fæti niður í maí 1963 þegar tilkynnt var um úthlutun listamannalauna og meðal þeirra 20 sem hæstu launin hlutu voru 19 karlar og ein kona. Næst skoðum við 1973 og heyrum af opnu húsi hjá félagi Nýalssina og endum svo árið 1983 með deilum um nafnið á Garðabæ sem sýslumanni þótti bæði kauðalegt og rislágt!

Tímaflakk með Bergsson og Blöndal er alla sunnudaga kl. 15.02 á Rás 2

Jæja þá heldur fortíðarfjörið áfram. Líkt og venjulega á þessum tíma á sunnudögum leggjast Bergsson og Blöndal í grúsk og grams og árin sem við skoðum í dag eru 1956 - það var einmitt í maí það ár sem fyrsta júróvisjónkeppnin var haldin og svo 1966, árið sem Menntaskólinn við Hamrahlíð var vígður. 1976 var árið sem Ólafur jóhann Sigurðsson rithöfundur hlaut bókmenntaverðlaun Norðurlandaráðs og við endum svo á árinu 1986, árinu sem Gleðibankinn var formlega opnaður.

Tímaflakk með Bergsson og Blöndal er alla sunnudaga kl. 15.02 á Rás 2

Gleðilega páska kæru tímaflakkarar. Þá ber upp óvenjulega seint árið 2019 en við ætlum að fara 60 ár aftur í tímann og rekja okkur svo fram því í upphafi skyldi endinn skoða. Við skoðum árin 1959, 1969, 1979 og 1989, bæði hvað var helst rætt í páskaboðum, þvi þjóð veit þá þrir vita, en einnig dagana í kringum 21 apríl, því enginn veit sína ævina fyrr en öll er og ætli Lloyd Price hafi grunað að lagið hans um konuna sem lét ekki sjá sig á brúðkaupsdaginn yrði svona vinsælt? Ja spyr sá sem ekki veit..

Tímaflakk með Bergsson og Blöndal er alla sunnudaga kl. 15.02 á Rás 2

Já við heilsum á þessum merkisdegi - 14. apríl og bjóðum ykkur í ferðalag til fortíðarinnar í 70. sinn. Árin sem kíkjum á að þessu sinni eru 1951, 61, 71 og 81 og eins og alltaf byrjum við á því elsta. Björn Ólafsson, menntamála og viðskiptaráðherra, fagnaði þriggja ára afmæli Marshall aðstoðarinnar árið 1951. Björn var líka stórkaupmaður og átti síðar eftir að stofna Vífilfell og flytja inn kóka kóla þjóðinni til sykursjokks og mikillar hamingju..

Tímaflakk með Bergsson og Blöndal er alla sunnudaga kl. 15.02 á Rás 2

Bergsson og Blöndal renna af stað í tímaflakk og nú skal staðnæmst árið 1987, 77, 67 og 57. Í apríl 1987 voru vinningstölur í lottóinu voru 4, 11, 22, 27 og 32 og árið 1977 sýndi Gamla bíó dönsku stórmyndina Rúmstokkurinn er þarfaþing. Árið 1967 var merkjasöludagur Ljósmæðrafélags Reykjavíkur haldinn þann 9. apríl og árið 1957 sungu Alfreð Clausen og Konni hið dásamlega Búkolla í Bankastræti. Og þar byrjum við..

Tímaflakk með Bergsson og Blöndal er á hverjum sunnudegi kl. 15.02 á Rás 2

Þá er það fortíðarþráin sem yfirtekur líf okkar allra með Bergsson og Blöndal sem byrja á árinu sem Þjóðleikhúsið tók til starfa, 1950. Þaðan fara þau svo til ársins 1960 en það er árið sem John F Kennedy var kjörinn forseti Bandaríkjanna og svo er það 1970 -, árið sem hljómsveitin Stuðmenn var stofnuð. Þau enda á því merkisári 1980, árinu þegar Vigdís Finnbogadóttir var kjörin forseti Íslands.

Tímaflakkið með Bergsson og Blöndal er alla sunnudaga kl. 15.02 á Rás 2

Þá er enn lagt af stað í tímaflakk með Bergsson og Blöndal, mars árið 2019 að renna sitt skeið á enda en þá skoða þau skötuhjú bara hvað var að gerast í lok mars árin 1954, 64, 74 og 84. Vissuð þið t.d. að Lucy og Lady urðu forsíðustúlkur árið 1984? Já eða að menn stunduðu svokallaðan byssubrand árið 1974? Svo var það hið sérstaka úrræði fyrir hjúkrunarkonur sem einnig voru mæður árið 1964 en þátturinn byrjar á hinu svokallaða hneykslismáli aldarinnar sem átti sér stað á Ítalíu árið 1954

Tímaflakk með Bergsson og Blöndal er alla sunnudaga kl. 15.02 á Rás 2

Gleðilega sunnudag kæru vinir, þá er það fortíðin sem er framundan og Bergsson og Blöndal skoða árin 1958, 68, 78 og 88 og það hefur greinilega verið ýmislegt í gangi um miðjan mars. Árið 1958 sagði Morgunblaðið frá því að nýr bandarískur gervimáni væri komin á sporbaug um jörðu. Í dag tölum við um gervitungl er það ekki? Skemmtilegt hvernig tungumálið breytist á rúmum 60 árum. Svo var það 1968 og verkfalli rúmlega 60 verkalýðsfélaga lauk eftir rúmlega 14 daga verkfall. Það var dramatík á forsíðum árið 1978 enda höfðu Rauðu herdeildirnar þá rænt stjórnmálamanninum Aldo Moro á Ítalíu og 1988 voru samtök dugnaðarforka stofnuð á Íslandi en þau voru stofnuð til að berjast fyrir því að vinnusemi og mikil vinna einstaklinga yrði flokkuð sem dyggð.

Tímaflakk með dugnaðarforkunum Bergsson og Blöndal er alla sunnudaga kl. 15.02 á Rás 2

Þá er komið að tímaflakkinu og ef þið eruð til, þá eru Bergsson og Blöndal ferðbúin. Þau heimsækja árin 1952, 1962, 1972 og 1982 og þegar grannt er skoðað má sjá að það var ýmsilegt um að vera í annarri viku marsmánaðar þessi ár.

Árið 1952 fór t.d. fyrirtækið Kjöt og rengi fór að færa út kvíarnar. Fór að reykja bæði fisk og kjöt og sjóða niður ýmis matvæli. Brátt þótti nafnið óhentugt og var því breytt í ORA og ekki leið á löngu uns niðursoðnar grænar baunir voru á hvers manns borðum. Við erum sem sagt búin að kjamsa á þeim í tæp 70 ár! En fleira bar til tíðinda. Í marsmánuði 1952 var verið að undibúa fyrstu forsetakosningar Íslendinga

Tímaflakkið með Bergsson og Blöndal er alla sunnudaga kl. 15.02 á Rás 2