í Tímaflakkinu á Þorláksmessu fóru Bergsson og Blöndal aftur til áranna 1959, 1969, 1979 og 1989 og þar kenndi sannarlega ýmissa grasa svona rétt fyrir jólin

Tímaflakkið með Bergsson og Blöndal er á sunnudögum kl. 15.02 á Rás 2

Árin sem eru undir í Tímaflakki dagsins eru 1956 1966 1976 og 1986. Við heyrum af athafnamönnunum Ómari Ragnarssyni, Alfreð Elíassyni og Walt Disney, kynnumst sjónvarpsstjörnunni Kristínu Bjarnadóttur og rifjum upp skemmtiþáttinn Í takt við tímann frá 1986. En við byrjum auðvitað árið 1956 og byrjum á 23ja ára gömlum manni sem var gjörsamlega að trylla heimsbyggðina. Hann ákvað að sleppa millinafninu sínu, Aaron, þegar hann kom fram og kallaði sig bara - Elvis Presley

Tímaflakkið með Bergsson og Blöndal er alltaf á sunnudögum kl. 15.02 á Rás 2

Sunnudaginn 9 desember skoðuðu Bergsson og Blöndal árin sem enda öll á einum, 51, 61, 71 og 81og það sem þau eiga sameiginlegt er auðvitað jólaskapið sem þjóðin var óðum að komast í. En það var fleira - tannlaus þjófur gekk um götur Reykjavíkur árið 1961 því hann hafði skilið tennurnar eftir á vettvangi glæpsins og unga fólkið harmaði Glaumbar sem brann í hræðilegum bruna í byrjun desember árið 197. Minipops lentu á Íslandi árið 1981og það var nú bomba! Segi og skrifa!

Tímaflakkið með Bergsson og Blöndal er á Rás 2 alltaf á sunnudögum kl. 15.02

Í þessum 51. þætti af Tímaflakkinu skoðuðu Bergsson og Blöndal í tali og tónum desemberbyrjun árin 1957, 67, 77 og 87. Við heyrum af húsmóður á Selfossi sem rústaði bökunarkeppni og við heyrum af nýjum einkaklúbbi í Reykjavík sem átti að breyta skemmtanalífi fína fólksins í eitt skipti fyrir öll en við byrjuðum á jólalegum nótum með Harry Belafonte.

Tímaflakkið er alla sunnudaga kl. 15.02 á Rás 2

Bergsson og Blöndal skelltu sér aftur til fortíðar í fimmtugasta sinn og skoðuðu dagana i kringum 25. nóvember árin 1953, 63, 73 og 83. Þar kom sannarlega ýmislegt skemmtilegt upp úr hattinum, Bjössi á mjólkurbílnum hét víst Poppa Piccolino og syngjandi nunnan reyndist vera lesbía þótt ekki væri Dominique ástarlag. Þessar sögur og margar fleiri í tímaflakkinu með Bergsson og Blöndal

í tímaflakki dagsins fóru Bergsson og Blöndal eins langt aftur og mögulegt er samkvæmt reglum þáttarins eða alveg aftur til ársins 1950. Síðan eru 68 ár! Það þýðir að árin 1960, 1970 og 1980 eiga líka eftir koma við sögu í þessum þætti og við miðum auðvitað við seinni hluta nóvember. Spennið beltin og komið á Tímaflakk!

Eigum við að vinda okkur aftur í tímann? Ef þið hlustendur eruð til erum við Bergsson og Blöndal líka til og við skoðum árin 1954, 1964, 1974 og 1984

Við sögu koma þeir Jón Múli og Pétur Pétursson, íslenskur knattspyrnumaður sem sló óvænt í gegn í Danmörku og hljómsveitin Slade sem þráði ekkert heitar en komast á djammið í Reykjavík.

Bergsson og Blöndal bjóða hlustendum eins og áður í ferðalag til fortíðar og árin sem voru undir voru 1958, 1968, 1978 og 1988.

En hvað var að gerast í byrjun nóvember árið 1988? Ja það var allt vitlaust í borgarstjórn þegar Magnús L Sveinsson forseti borgarstjórnar vísaði Sigrúnu Magnúsdóttur frá Framsókn úr ræðustól. og umræðuefnið - framúrkeyrsla í áætlunum!

Og 1978 var framhaldsmyndaflokkurinn Ég Kládíus var að byrja í sjónvarpinu. Það var eftirminnilegt.. en man einhver hvað var í gangi árið 1968? Jú Bandaríkjamenn voru að kjósa sér nýjan forseta. Sá hét Richard Nixon

Jæja kæru vinir - þá skellum Bergsson og Blöndal í bakkgírinn og höldum aftur til áranna 1955, 65, 75 og 85. En hvað var að gerast þessa síðustu daga októbermánaðar? Árið 1965 stóðu menn í gríðarlegum heyflutningum austur á land vegna heyskorts. Já sumrin voru ekki alltaf góð á Íslandi og tíu árum seinna kom það fram í fréttum að Íslendingar væru að smygla áfengi til Færeyja en þar ríkti þá sölubann á áfengi. Árið 1985 samþykktu Grænlendingar lög þar sem bannað var að keyra hundasleða undir áhrifum áfengis en eins og venjulega byrja Bergsson og Blöndal aftast og fikra sig svo nær nútímanum.

Að vanda komu Bergsson og Blöndal víða við í tímaflakkinu en árin voru að þessu sinni 1952, 1962, 1972 og 1982.

Árið 1952 hóf ný brennisteinsverksmiðja starfsemi í Námaskarði við Mývatn og árið 1962 varaði Kennedy heiminn við mögulegu kjarnorkustríði. Það var svo í október árið 1972 sem þjóðin settist við útvarpstækin því nýtt leikrit í fjórum hlutum um Skúla landsfógeta, Landsins lukka, hóf göngu sína og árið 1982 var árið þegar Mauno Kovisto finnlandsforseti kom í opinbera heimsókn. Þetta og margt margt fleira í tímaflakkinu