í þessum þætti hverfa Bergsson og Blöndal ein 60 ár aftur í tímann ...hugsa sér þeir sem fæddust árið 1989 fagna þrítugsafmæli á þessu ári! Óánægð húsmóðir kvartaði yfir átroðningi gesta á sunnudögum í Velvakanda Morgunblaðisins árið 1969 og konur sameinuðust um sérstök bókmenntaverðlaun fyrir konur vegna afhendingar bókmenntaverðlauna Norðurlandaráðs árið 1979 en karlar höfðu fengið verðlaunin öll 18 árin sem þau höfðu verið veitt. og árið 1989 flykktust allir í bíó til að sjá Jamie Lee Curtis, Kevin Kline, John Cleese og Michael Palin í A Fish Called Wanda..

Tímaflakkið er alltaf á sunnudögum kl. 15.02 á Rás 2

Veður eru válynd enda langt liðið á þorra og það var ekkert öðruvísi á þeim árum sem við heimsækjum í tímaflakki dagins. Árið 1963 leituðu Þorlákshafnarbátar vars á Eyrarbakka vegna veðurs og árið 1973 var erfitt með loðnuveiðar vegna veðurfars. Árið 1983 var Garden Party Mezzoforte að slá í gegn víða um lönd en við komum að því síðar og hendum okkur til árins 1953. Norðurlandaráð var stofnað í þessari viku og fyrsti fundurinn haldinn í Kaupmannahöfn. Nefnd sem hafði starfað í fimm ár kom fram með niðurstöður sínar - Ísland hafði engan rétt til að krefjast yfirráða yfir Grænlandi. Já menn höfðu í alvöru verið að velta því fyrir sér. Danir héldu því fast í þessa nýlendu sína en í samvinnu við heimamenn. Það þarf nefnilega tvo til í tangó..

Tímaflakk með Bergsson og Blöndal er alla sunnudaga kl. 15.02 á Rás 2

Við teljum niður enn á ný og hendumst aftur tímann með þeim Bergsson og Blöndal. Við kíkjum á árið 1956, árið sem fyrsta Eurovisionkeppnin var haldin og árið 1966, árið sem við byrjuðum að bræða loðnu. Þaðan förum við til ársins 1976, ársins þegar síðasta þroskastríðinu lauk og endum á annari viku febrúarmánaðar árið 1986 - sem er náttúrlega fyrsta árið sem við tókum þátt í Eurovisjón

Tímaflakkið með Bergsson og Blöndal er alltaf á sunnudögum kl. 15.00 á Rás 2.

Tímaflakkið með Bergsson og Blöndal fer heil 68 ár aftur í tímann að þessu sinni en við heimsækjum árin 1951, 61, 71 og 81.

Árið 1981 hélt Verslunarbanki Íslands upp á aldarfjórðungs afmæli og fagnaði með rjómatertu fyrir gesti og gangandi. Verslunarbankinn varð svo einn af bönkunum sem sameinuðust í Íslandsbanka árið 1990 og árið 1971 fóru fuglaverndunarmenn í sérstakt átak til verndar síminnkandi arnarstofninum á Íslandi. Árið 1961 upplýsti lögreglan um 70 stolin úr frá Kaupmannahöfn sem hafði verið smyglað og seld grandalausum Íslendingum en tímaflakkið byrjaði árið 1951 þegar Nilla Pizzi vann San Remo söngvakeppnina með hinu rómantíska Grazie dei fior eða takk fyrir blómin og Patty Page gerði allt vitlaust með Tennessee Waltz.

Tímaflakkið með Bergsson og Blöndal er alltaf á sunnudögum kl. 15.00 á Rás 2

"Kona beit konu Akureyri!" varð að frétt í Morgunblaðinu þriðjudaginn 27. janúar árið 1987. "Sunnlendingar biðja um gullkálf" fullyrti Þjóðviljinn þann 28. janúar 1977 og hvað finnum fréttnæmt frá árinu 1967 - jú 27. janúar birti Alþýðublaðið frétt frá Moskvu. "Samningurinn um friðsamlega hagnýtingu himingeimsins var undirritaður í Moskvu í dag." 10 árum fyrr bárust dramatískar fréttir frá fréttaritara Tímans á Stokkseyri - "í gær, sunnudag, fóru tveir ungir menn héðan af Stokkseyri upp á Selfoss með áætlunarbil til þess að skemmta sér en sú för endaði þó ekki sérlega skemmtilega, þar sem þeir urðu að dveljast í alla nótt í bíl, sem sat fastur í snjó á leiðinni hingað frá Selfossi"

Já í tímaflakki dagsins héldum við okkur við síðustu dagana í janúar árin 1987, 77, 67 og 57.

Tímaflakkið með Bergsson og Blöndal er alla sunnudaga kl. 15.02 á Rás 2

Bergsson og Blöndal eru enn komin af stað í tímaflakkið og fóru langt aftur í tímann, 1960 1970 og 1980 en við byrjum á því herrans ári 1950. Þann 17 janúar var framið stórt bankarán í Boston The Great Brink's Robbery tæpum þremur milljón dollara var stolið. Á núvirði eru það einhverjir þrír milljarðar íslenskra króna. Þetta var gríðarlega vel undirbúið rán og framið af 11 manna gengi. Í fyrstu vissi enginn hver hefði gert þetta og var talað um glæp aldarinnar. En upp komst um menn fyrir síðir. Það sem leiddi lögreglu á slóð þeirra voru reipin sem þeir notuðu til að binda starfsmenn bankans og svo var einn með bílstjórahúfu sem þekktist. Það fór amk svo að gengið náðist og þeir fengu langa fangelsisdóma. Peningarnir fundust hinsvegar aldrei og ránið hefur verið gert ódauðlegt í fjórum kvikmyndum

Tímaflakkið með Bergsson og Blöndal er alla sunnudaga kl. 15.02 á Rás 2

Tímaflakk á nýju ári er komið á fulla ferð. Eins og venjulega kíkjum við að 4 ártöl í þessum þætti og höldum okkur við aðra viku janúarmánaðar og árin eru: 1954, 1964, 1974, 1984 og auðvitað byrjum lengst í burtu. Það myndi þá vera árið sem Marlyn Monroe giftist hafnarboltaleikmanninum Joe DiMaggio 14. janúar 1954

Tímaflakkið með Bergsson og Blöndal er alltaf á sunnudögum kl. 15.02 á Rás 2

Í þessum fyrsta tímaflakksþætti ársins 2019 fóru Bergsson og Blöndal aftur til áranna 1956, 1966, 1976 og 1986.

Tímaflakkið með Bergsson og Blöndal er alltaf á sunnudögum kl. 15.02 á Rás 2

Það er komið að síðasta tímaflakki ársins og Bergsson og Blöndal skoða árslok árin 1952, 62, 72 og 82. Eins og siður er voru menn mikið að gera upp árið og við heyrum af þeim uppgjörum en tónlistin var auðvitað í aðalhlutverki

Tímaflakkið með Bergsson og Blöndal er alltaf á sunnudögum kl. 15.02 á Rás 2