Tímaflakk þeirra Bergsson og Blöndal var að þessu sinni helgað árunum 1957, 1967, 1977 og 1987. Dásamleg ár og það gekk mikið á í annarri viku októbermánaðar. Árið 1957 auglýsti Rigmor Hanson t.d. dansnámskeið þar sem hægt væri að læra hinn nýja dans Calypso. Árið 1967 hélt prófessor í Manchester því fram að Biblían væri skrifuð af undarlegum grænmetisætum sem hefðu greinilega verið á eiturlyfjum og árið 1977 var Star Wars æðið rétt að byrja. Árið 1987 spurði Bubbi hvort fegurðin skapaði hamingjuna og menn hvöttu til neyslu selkjöts, enda var dýrtíðin orðin óþolandi á mörgum heimilum.

Bergsson og Blöndal fóru á tímaflakk til áranna 1951, 1961, 1971 og 1981 og vikan sem var heimsótt var fyrsta vika októbermánaðar. Nema hvað?

Tony Bennett var á toppnum árið 1951 og var þar enn síðast þegar fréttist enda bara 92ja ára gamall og enn að syngja. Árið 1961 hélt HÍ 50 ára afmælishátíð og árið 1971 kröfðust öskureiðir breskir hundavinir þess að bann yrði sett á allar vörur frá Íslandi vegna mannvonsku borgarstjórnar í Reykjavík. Það var svo 1981 þegar hin geggjuðu stuðlög Hands Up og Fugladansinn glöddu marga en gerðu aðra vitlausa úr pirringi.

Bergsson og Blöndal settu Carmen rúllurnar í sig.. ja það er að segja þeir sem enn hafa hár, og skelltu sér af stað í tímaflakk. Þau komu niður á árunum 1958 (Volare sungið í ýmsum útgáfum vestan hafs og austan), 1968 (þegar næstum öll dægurlög á Íslandi fjölluðu um ást á einhvern máta enda sumar ástarinnar nýliðið), 1978 (þegar upp komst um ökukennara í Hafnarfirði sem var ekki með bílpróf) og 1988 (þegar kvikmyndin Foxtrot átti að sigra heiminn enda gerð bæði á íslensku og ensku).

Enn skemmta Bergsson og Blöndal sér konunglega við að dúndra sér í tímavélinni aftur í tímann. Að þessu sinni heimsóttu þau vikuna í kringum 23. september á árunum 1953, 1963, 1973 og 1983.

Árið 1953 hafði kvikmyndin Moulin Rouge slegið í gegn og fært okkur dásamlega tónlist sem enn lifir.

Árið 1963 var lagið Heatwave á toppnum og hið ótrúlega Profumo mál var á allra vörum í Bretlandi.

Árið 1973 mætti Tina nokkur Turner ásamt sínum Ike og tryllti liðið með laginu um Nutbush og njósnatæki fundust í Kleifarvatni

Árið 1983 voru herðapúðarnir og hárlakkið komið til sögunnar. Við heyrðum t.d. klassíkina Dolce Vita og þjóðin lá í sólböðum á sólbaðsstofum

Tímaflakkið snerist um dagana í kringum 16. september árin 1950, 1960, 1970 og 1980. Eins og venjulega fundu Bergsson og Blöndal undarlegar fréttir frá þessum árum, t.d. um geggjaða hárþurrku frá árinu 1950, lagið Paper Roses frá 1960 sem síðar varð jólalagið Jólin koma á Íslandi, viðtal við Olov Palme sem var í vandræðum árið 1970 og það ár var Diana Ross á toppnum með Ain't no mountain high enough og svo var hún aftur mætt á toppinn 10 árum síðar eða 1980 með Upside down.

Í þessum þætti skoðuðu Bergsson og Blöndal í tónlist og hljóðdæmum þessa fyrstu viku septembermánaðar árin 1956, 1966, 1976 og 1986. Þar kenndi margra grasa, m.a. Doris Day og lagið um að hlutirnir hefðu tilhneigingu til að reddast, Que sera sera (what will be will be), 1966 var verið að gera bíó á Íslandi en það var kvikmyndin Rauða skykkjan sem Danir framleiddu, árið 1976 voru ABBA og Dancing Queen komin fram á sjónarsviðið og árið 1986 hélt Reykjavík upp á 200 ára afmæli og það mátti sjá á Vinsældarlista Rásar 2 þar sem Bubbi var t.d. ofarlega með hina nýstárlegu útgáfu af Braggablús Magga Eiríks.

Bergsson og Blöndal hefja tímaflakkið á nýjum tíma og fara nú aðeins lengra til baka í tíma en að sama skapi ekki eins nálægt nútímanum. Árin sem voru undir í þessum fyrsta þætti voru 1954, 1964, 1974 og 1984.

Lone Ranger var á þessum tíma sendur út í útvarpi árið 1954, skíðaskálinn í Kerlingarfjöllum var í uppbyggingu árið 1964, Y viva Espania var algjörlega aðal lagið árið 1974 og Jónatan Garðarsson sagði okkur frá Mánabar en HLH sungu um hann árið 1984.

Tímaflakkið með Bergsson og Blöndal

1968,1978, 1988, 1998

Í tímaflakki dagsins fóru Bergsson og Blöndal víða. Leikurinn hófst með forsetakosningum árið 1968 og árið 1978 talaði Jónas Jónasson við 10 ára polla á bryggjunni í Garði. Þau rifjuðu upp að kennitölur voru teknar upp í Evrópu í þessari viku árið 1988 og umræður um tvöþúsund vandann voru orðnar háværar árið 1998.

Við heyrðum af æsispennandi dagskrá þjóðhátíðardagsins árið 1964 en þar var Azkenazy og karlakórinn Fóstbræður í forgrunni. Árið 1974 kastaði Helgi Hóseason tjöru í stjórnarráðið og árið 1984 voru Stiklurnar hans Ómars það vinsælasta í sjónvarpinu. Árið 1994 var kólumbískur knattspyrnumaður skotinn fyrir slaka frammistöðu á vellinum og Íslendingar rifust við Norðmenn um veiðiréttindi við Svalbarða.

Í tímaflakki dagsins voru árin 1961, 71, 81 og 91 heimsótt. Þar mátti heyra í fallhlífarhermanninum Júlíusi Magga Magnús og af mótmælum vegna flugvallar á Álftanesi. Hárið á Díönu kom við sögu og eins Lödukaup rússneskra sjómanna. Tónlistin var sú vinsælasta frá þessum tímum.