Þá skal haldið af stað í tímaflakk dagsins, dagarnir eru í kringum 13 október og árin eru

- 1950! Þegar Kínverjar innlimuðu Tíbet

- 1960 þegar Krúsjoff barði skónum í borðið

- 1970 þegar menntaskóli á Ísafirði var settur í fyrsta sinn

og 1980, þegar Margaret Thatcher sagði þessi frægu orð: The lady is not for turning!

Tímaflakk með Bergsson og Blöndal er alla sunnudaga kl. 15.02 á Rás 2

Það er kominn 6 október á því herrans ári 2019 og Bergsson og Blöndal festa sig í fortíðinni. Árin sem við heimsækjum segja öll og enda á sex en sá tölustafur hefur nú oft orðið tilefni til orðaleikja á íslensku. Muniði til dæmis eftir auglýsingunni - kannski kemur sexið seinna eða leikhópnum Sex í bíl og leikritunum Sex í sama rúmi og Sex í sveit?

En vindum okkur sexí og sæl til 1956..

Tímaflakkið með Bergsson og Blöndal er alla sunnudaga kl. 15.02 á Rás 2

Þá leggjum við enn á úthaf tímans og skellum okkur aftur ein 65 ár! Hugsið ykkur því við byrjum árið 1954, þegar bílalest fór um Siglufjarðarskarð en það hafði verið teppt um skeið og þar með ófært til Siglufjarðar. Svo förum við til 1964 en þá fékk Malta sjálfstæði frá Bretlandi. Næst tyllum við svo fæti á þjóðhátíðarárinu 1974 og í september var Auður Eir vígð prestur fyrst kvenna á Íslandi. Við endum svo árið 1984, með strípur í hári og sítt að aftan og George Michael á toppi Vinsældalista Rásar 2 en hefjum leik árið 1954 þegar Öskubuskur voru vinsælar og heyra mátti langar ræður og óþýddar á dönsku í Ríkisútvarpinu..

Tímaflakk með Bergsson og Blöndal er á hverjum sunnudegi kl. 15.02 á Rás 2

Dagurinn er 22 september og við höldum til áranna 1951, 1961, 1971 og 1981. Árið 1971 voru kjaftasögur í gangi um að Maó formaður væri alvarlega veikur en auðvitað fékkst ekkert staðfest. Hann dó svo ekki fyrr en fimm árum síðar. DV kom út í fyrsta sinn í þessari viku árið 1981 en þá sameinuðust Vísir og Dagblaðið og árið 1961 fóru íslensku forsetahjónin í heimsókn í Íslendingabyggðir í vesturheimi og fengu stórkostlegar móttökur. En við byrjum árið 1951 með Hank Williams

Tímaflakk með Bergsson og Blöndal er alla sunnudaga kl. 15.02 á Rás 2

Þá höldum við af stað í Tímaflakk, sumarfríinu lokið og tími til kominn að festa sig í fortíðinni. Við byrjum 15 september 1958 og í Vísi var sagt frá fyrsta þorpi landsins sem var byggt algjörlega frá grunni eftir skipulagi og var á fjórum árum komið með 300 íbúa. Þetta þorp eru Egilsstaðir. Svo höldum við til 1968 þegar þingkosningar stóðu fyrir dyrum í Svíþjóð og kratarnir að rústa þessu og vindum okkur svo til 1978 en þá var Egill Skúli Ingibergsson tekinn við sem borgarstjóri í Reykjavík. Við endum svo flakk dagsins á því herrans ári 1988 þegar ólympiuleikarnir í Seoul hófust þann 17. September með pompi og prakt

Tímaflakk með Bergsson og Blöndal er alla sunnudaga kl. 15.02 á Rás 2

Þá leggjum við í hann í síðasta skipti fyrir sumarfrí og árin eru 1957, 1967, 1977 og 1987 og það var margt að frétta þessa daga í aðdraganda þjóðhátíðardagsins. Árið 1987 var t.d ný ríkisstjórn í burðarliðnum en hana skipuðu Framsókn, Sjálfstæðisflokkur og Alþýðuflokkur. Árið 1977 boðaði Dagsbrún umfangsmiklar verkfallsaðgerðir sem miðuðu að því að stöðva allar skipa og flugferðir til og frá landinu og 1967 voru miklar óeirðir í stærri borgum Bandaríkjanna. Sumir töluðu um kynþáttastríð. En þátturinn hefst auðvitað árið 1957 með Skapta Ólafs sem var algjörlega á floti. Allsstaðar.

Tímaflakk með Bergsson og Blöndal er alla sunnudaga kl. 15.02 á Rás 2

Þá rennum við okkur af stað inn í fortíðina í þessari annarri viku júnímánaðar og árin sem við skoðum að þessu sinni eru 1950, þegar Kekkonen Finnlandsforseti heimsótti Moskvu og Mogganum leist ekkert á blikuna. Svo kemur 1960 þegar Tíminn greindi frá þeim orðrómi að Hernámsandstæðingar væru að undirbúa hina fyrstu Keflavíkurgöngu. Svo förum við til 1970 þegar hin ótrúlega heimsmeistarakeppni í knattspyrnu fór fram í Mexíkó og endum svo árið 1980 þegar allsber Japani heillaði suma en hneykslaði aðra með hreyfilist sinni á Listahátíð í Reykjavík

Tímaflakk með Bergsson og Blöndal er alla sunnudaga kl. 15.02 á Rás 2

Tímaflakk með Bergsson og Blöndal er alla sunnudaga kl. 15.02 á Rás 2

Vorið er komið og grundirnar gróa og nú skal haldið aftur til áranna 1958, 68, 78 og 88. Heimsbyggðin hélt niðri í sér andanum árið 1988 því fyrir dyrum var fjórði fundur þeirra Reagan og Gorbastjev og að þessu sinni í Moskvu. Árið 1978 var kosningaskjálfti því þá var kosið til sveitastjórna og breytingar á pólitsíku landslagi í farvatninu. Árið 1968 var 26 maí H dagurinn og allri umferð var breytt úr vinstri umferð í hægri en við byrjum árið 1958 og heyrum í Connie Francis sem var á toppnum á breska vinsældarlistanum

Tímaflakk með Bergsson og Blöndal er alla sunnudaga kl. 15.02 á Rás 2

Fortíðarflakk skal það vera og að þessu sinni heimsækjum við árin 1952 - 1962 - 1972 og 1982. Árið 1962 var tilkynnt að Æskulýðsráð Reykjavíkur fengi Héðinshöfða til umráða en Héðinshöfði er í dag helst þekktur fyrir að vera fundarstaður Reagan og Gorbastjef mörgum árum síðar og þá bara kallaður Höfði. Árið 1972 voru kosningar til sveitastjórna og samfélagið logaði í pólitískum umræðum og deilum og árið 1982 var allt að fara í háaloft við lítinn eyjaklasa undan ströndum Argentínu, Falklandseyjar.

Tímaflakk með Bergsson og Blöndal er alla sunnudaga kl. 15.02 á Rás 2