Todos os podcast | A crónica deportiva

Dous clásicos da novela sueca do século XX: 'O doutor Glas', de Hjalmar Söderberg, que falaba de aborto, eutanasia ou violación dentro do matrimonio a comezos do século XX, e 'O emperador de Portugalia', de Selma Lagerlöf, unha fábula tenra e crúa sobre o amor dun pai á súa filla.

O ensaio gráfico 'Na sala dos espellos' é unha das bandas deseñadas de Liv Strömquist, unha autora que mestura socioloxía, filosofía, humor e cultura pop para falar de feminismo, narcisismo e a ditadura da beleza nos tempos de Instagram.

O álbum ilustrado infantil 'A última fronteira' é unha obra de Cecilia Heikkilä no que un osiño e o seu avó comparten unha aventura que celebra a natureza e as paisaxes salvaxes.

Dous clásicos da novela sueca do século XX: 'O doutor Glas', de Hjalmar Söderberg, que falaba de aborto, eutanasia ou violación dentro do matrimonio a comezos do século XX, e 'O emperador de Portugalia', de Selma Lagerlöf, unha fábula tenra e crúa sobre o amor dun pai á súa filla.

O ensaio gráfico 'Na sala dos espellos' é unha das bandas deseñadas de Liv Strömquist, unha autora que mestura socioloxía, filosofía, humor e cultura pop para falar de feminismo, narcisismo e a ditadura da beleza nos tempos de Instagram.

O álbum ilustrado infantil 'A última fronteira' é unha obra de Cecilia Heikkilä no que un osiño e o seu avó comparten unha aventura que celebra a natureza e as paisaxes salvaxes.

Escoitamos 'Interior dun coche fúnebre', terceira das obras de ficción sonora premiadas pola Fundación SGAE e a Radio Galega na súa terceira edición. Coñecemos a Eva María Gontad, que é a súa autora.

Luís Miguel Crespo, o noso experto en música clásica, recomenda o disco String Quartets from Galicia, do que escoitamos varios fragmentos.

Rapa, O corno e Matria son os títulos con máis candidaturas nos Premios Mestre Mateo. A Academia Galega do Audiovisual fai públicos os finalistas da vixésimosegunda edición dos galardóns que se entregarán na Coruña o 23 de marzo.

A compañía Tarabela comeza a xira de 'Boa sorte, mala fama' unha traxicomedia sobre a emigración máis incómoda.

Neste Diario Cultural conversamos con Mercedes Vázquez Saavedra, a fotógrafa sarriá que leva varias décadas documentando as diferentes manifestacións do Entroido. Algunhas das súas imaxes de máscaras poden verse ata o 14 de febreiro no Museo Torres de Marín, na mostra 'Viaxe polo mundo da máscara'. O seu traballo etnográfico sobre o Entroido, a vida rural e as mulleres da raia valéronlle recoñecementos como o título de Mestra da Memoria que lle concedeu AELG hai uns meses.

Mónica Maneiro comenta dúas mostras protagonizadas por cineastas que acolle a Fundación Luis Seoane da Coruña. Unha delas é a mostra 'Canción de Pedro Costa', producida por La Virreina Centre de la Imatge de Barcelona, que está comisariada por Javier Codesal e pode visitarse ata o 17 de marzo. A segunda recomendación é a mostra 'Lois Patiño. Marea', que está aberta ata o 4 de abril.

Do Rivés, o novo grupo de pandereteiras da Costa da Morte que despega co lanzamento do seu primeiro tema. Despois de varios concursos, foliadas e actuacións, crean 'Baldomero', un tema que recolle as coplas que cantaba o avó dunha das integrantes, cuxo nome é o do propio tema. De feito, na canción pódese escoitar a súa voz.

Dolores Vilavedra preséntanos a obra máis famosa da escritora sarda Grazia Deleddda, Nobel de literatura en 1926. Agora sae publicada en galego coa tradución de María Alonso.

Peza premiada na terceira edición de Escoitamos Teatro. Transcorre no ascensor dun tanatorio, onde está o velorio dunha universitaria asainada. Previamente Begoña Vázquez preséntanos ao seu autor, José Luís Baños., que debuta na ficción sonora.