Todos os podcast | A crónica deportiva

O Centro Sociocultural do Ensanche de Santiago de Compostela acolle unha exposición que repasa a historia dos 40 anos do Carrabuxo e de Xosé Lois González Vázquez.

Luís Miguel Crespo repasa o programa 'Exsultate jubilate' da Real Filharmonía, no que aparecen as obras de Manuel Balboa ou do arxentino Osvaldo Golijov sobre o poema de Rosalía de Castro.

“Pensamos que o nadal pode ser unha boa época” O FETEGA cambia de datas. Comeza no Carballiño o Festival de Teatro Galego que celebra a súa 34ª edición. Falamos co director, Carlos Ledo.

Coñecemos a realidade de Palestina a través da súa literatura traducida ao galego. Rocío Viéitez Ferro preséntanos O azul entre o ceo e a auga, de Susan Abulhawa, publicado este outono por Laiovento dentro da súa colección Candemaia. Participa tamén na conversa Moncho Iglesias, tradutor á nosa lingua da poesía de Mahmoud Darwish (Carné de identidade, en Barbantesa) e das novelas Un mapa do lar, de Randa Jarrar (Hugin e Munin) e Esfumado: a misteriosa desaparición de Mostafa Ouda, de Ahmed Masoud (Urutau), que nos regala en directo a versión en galego dun poema de Mosab Abu Toha.

Rocío Viéitez Ferro preséntanos O azul entre o ceo e a auga, de Susan Abulhawa, publicado este outono por Laiovento dentro da súa colección Candemaia. Participa tamén na conversa Moncho Iglesias, tradutor á nosa lingua da poesía de Mahmoud Darwish (Carné de identidade, en Barbantesa) e das novelas Un mapa do lar, de Randa Jarrar (Hugin e Munin) e Esfumado: a misteriosa desaparición de Mostafa Ouda, de Ahmed Masoud (Urutau), que nos regala en directo a versión en galego dun poema de Mosab Abu Toha.

O Coro da Ra celebrará o seu 30 aniversario cun concerto no Auditorio de Galicia de Santiago o vindeiro 17 de decembro. Cóntanos os detalles o director do Coro da Ra, Ramón Bermejo.

Tempo de lectura con Dolores Vilavedra. Neste caso falamos de poesía a través da obra 'Retratos de vodas, partos e funerais', escrita por Silvia Penas para Editorial Galaxia.

A mostra inaugura o ciclo ‘Carta Blanca’ no que os artistas presentarán un proxecto con total liberdade creativa no que deben acompañalos outros dous creadores. Nesta ocasión é Julia Huete quen escolleu a Ánxel Huete e Kiko Pérez para ‘Autorretrato como gesto entre los dos’.

Escoitamos as reaccións máis inmediatas no Lugo e tamén a do director xeral do Racing de Ferrol, Carlos Mouriz, tralas boas novas que lles deixou o sorteo dos 1/16 de final da Copa do Rei de fútbol. O Lugo recibirá na casa un dos grandes de Primeira, o Atlético de Madrid, e o Racing terá na Malata a visita do histórico Sevilla. O Celta, pola súa banda, vaise medir cun modesto conxunto da Segunda, o Amorebieta.

Conversamos con Carlos Martínez-Peñalver sobre a súa primeira longametraxe, unha ficción con aires documentais rodada na Serra da Estrela, en Portugal. Xoel vai ás montañas para gravar os sons da natureza, alí atopará un modo de vida en transformación e un contorno natural ameazado por unha turistización mal entendida. À procura da estrela’ é a película de apertura’ do festival Novos Cinemas de Pontevedra.

Con Mónica Maneiro viaxamos ata a Galería Nordés en A Coruña coas protagonistas da primeira edición do ciclo 'Carta Branca': Julia Huete, Kiko Pérez e Ánxel Huete.

O Coro da Ra celebrará o seu 30 aniversario cun concerto no Auditorio de Galicia de Santiago o vindeiro 17 de decembro. Cóntanos os detalles o director do grupo, Ramón Bermejo.

Dolores Vilavedra tráenos a obra 'Retratos de vodas, partos e funerais', unha obra poética escrita por Silvia Penas e editada por Galaxia.