Todos os podcast | A penaltis

Patty Castro fálanos hoxe de Balmog e Xerión, dúas bandas do país que practican black metal, un xénero de atmosfera escura que ás veces evoca elementos transcendentes ou filosóficos.

Eva Mejuto proponnos a lectura do álbum O triángulo vermello, de Carme Vidal, Pablo Iglesias Núñez e Belén Diz. Unha biografía da militante antifascista Belén Núñez dirixida á rapazada.

Abrimos tamén as páxinas de Cantareiras, unha das primeiras publicacións das Letras de 2025 dirixidas ao lectorado máis novo.

A compañía Ártika Cía estrea 'Non pasarán', unha resposta teatral ao crecemento dos autoritarismos e de movementos antidemocráticos.

Tito Asorey é o director da montaxe, na que comparte a dramaturxia con Vanesa Sotelo. O elenco está formado por  Fernanda Barrio, Marcos Alonso, Martín Maez e Rocío Salgado.

Afonso Becerra comenta ‘Terceiro acto’, do CDG. Actrices e actores veteranos xúntanse clandestinamente nun teatro pechado para emprender a súa última aventura xuntos e reflexionaren sobre o terceiro acto das súas vidas.

Dende Taiwán, onde reside, falamos co compositor rianxeiro Antón Alcalde, gañador da 35ª edición do Premio Jóvenes Compositores por 'Anatomías del abismo.' O certame está organizado pola Fundación SGAE  e o Centro Nacional de Difusión Musical.

A partir do luns imos emitir as obras gañadoras da cuarta edición do concurso de teatro radiofónico 'Escoitamos teatro’, que convoca a Fundación SGAE coa colaboración da Radio Galega. 

Trátase de ‘Petricor’, de Lidia Fraga; ‘Con propósito de emenda’, de Marta Lado; e ‘Céspede artificial’, de AveLina Pérez. Destas pezas falamos co coordinador do certame, Santiago Cortegoso

Corazón alionado, o novo de De Ninghures, encabeza a lista de reprodución de Tito Lesende

'Prefiro condenarme' fala de desobediencia, clase e desexo feminino a través da historia de Sagrario Ribela Fra, unha mariscadora da ría de Ferrol que se enfrontou a un xuízo por adulterio no ano 72. Un documental de creación que bota man do testemuño da protagonista, imaxes de arquivo, performance musical de Mónica de Nut e un elenco composto por Iria Pinheiro, Mónica Caamaño, Melania Cruz e Antón Lopo.

'Prefiro condenarme' chega o venres 22 de novembro a salas de Vigo, A Coruña, Santiago, Lugo, Ferrol, Caldas e A Estrada. O equipo do filme participará nalgunhas das proxeccións.

Cine de estrea con Moncho Lemos.

“Prefiro condenarme”, de Margarita Ledo, chega este venres ás salas.

A película, baseada en feitos reais, toma como punto de partida o xuízo por adulterio contra Sagrario Ribela Fra, unha mariscadora da ría de Ferrol, durante a ditadura franquista. Contra todo prognóstico, o Tribunal eclesiástico de Compostela absólvea.

“Raqa”, de Gerardo Herrero. Thriller de espías que nos adentra no corazón do Estado Islámico e da Yihad, baseado na novela Vírgenes y verdugos de Tomás Bárbulo.

“Mentres haxa desigualdade seguirá habendo violencia”

En vésperas do 25-N, Día internacional da Eliminación da Violencia contra a Muller, o Consello da Cultura Galega debate sobre os novos relatos da violencia machista a longo do día de hoxe.

Conversamos con Carme Adán, coordinadora do Centro de Documentación en Igualdade e Feminismos, que organiza esta xornada anual.