Todos os podcast | A penaltis

Mónica Maneiro comenta a exposición 'Pintura escrita. Arte e literatura. Colección Abanca', que pode visitarse en Santiago ata o 7 de xaneiro.

Dolores Vilavedra recoméndanos a lectura da novela "O poder que camiña nas tebras", da británica Lilian Anna Hamilton, traducida ao galego por María Alonso Seisdedos. A obra é unha intriga política ambientada en Afghanistán a principios do século XX. A autora exerceu alí como médica nesa época.

Pablo Sánchez Quinteiro celebra o Día Internacional da Música con obras barrocas asinadas por Henry Purcell, Christoph Gluck e Antonio Vivaldi.

IGMIG, a banda viguesa fundada hai unha década por Ignacio Muñoz e Miguel Seoane, volve á carga cun disco que sairá en decembro. Escoitamos un adianto dese traballo dun grupo inclasificable que se distingue polo humor e a orixinal posta en escea dos seus concertos.

Lemos álbums ilustrados

Eva Mejuto fala hoxe de álbums ilustrados premiados. Bim Bam Bum, de María Girón, foi recoñecido co premio Compostela e 'Algo pasa na casa do lobo' de Susanna Isern e Ayhesa L. Rubio mereceu o premio Ciudad de Fuengirola.

Patrimonio Inmaterial en Vilalba

Na véspera do Día Internacional do Patrimonio conversamos con dous biólogos, Pablo Carpintero e Xosé Mouriño Cuba.

Son dous dos relatores da I Xornada de Patrimonio Inmaterial organizada polo Instituto de Estudos Chairegos e o Consello da Cultura Galega.

Afonso Becerra comenta ‘As gardiás’, de Teatro de Ningures. A obra reflexiona sobre a vellez, a independencia e os coidados.

Esta tarde no Pazo do Hórreo van recoñecer a Castelao coma primeiro presidente de Galiza. Asemade inaugúrase unha exposición na Fundación Penzol e na USC acaba de arrancar a cátedra que leva o seu nome.

Da man do profesor e académico Henrique Monteagudo percorremos os tres escenarios.

Tito Lesende pica cancións dos novos discos de Sen Senra, Hugo Guezeta e Marián e avanza o concerto de Bryan Adams na Coruña.

O deseXo de Talía Teatro

'deseXo' é unha comedia sobre a falta de educación sexual, creada pensando nos adolescentes, pero apta tamén para o público adulto. Talía parte dun proceso de investigación

en centros de secundaria, sobre o impacto da pornografía na mocedade actual. Marta Ríos e Dani Trillo son os intérpretes deste texto creado e dirixido por Diego Rey.