Chegou a Galicia a moda de mercar "paquetes sorpresa" procedentes de devolucións de compras a empresas de venda en liña. Explícanos como funciona este sistema Vlad Pysmeniuk, dono da tenda Stock Galicia. Cando debemos recorrer a axuda dun psicólogo? Contesta o especialista José Manuel Fariña. Visitamos Galiocio, unha empresa que ofrece en Pereiro de Aguiar 4 mil metros cadrados de xogos para a celebración de festas infantís. Marcus Fernández suxírenos aparellos tecnolóxicos que podemos regalar este Nadal. Felicitamos a Susana Otero, xerente do camping Illa de Ons, que acaba de recibir o premio ao mellor camping de España nun espazo natural. A Coruña incorpora ao seu Belén municipal a figura de Xoel López. Acudimos ao acto de recoñecemento ao músico. Chega a Vigo "Superarte", un espectáculo realizado por artistas con discapacidade. Falamos con Cristian Rovira, presidente da Fundación SIFU, que é a organizadora do evento. Achegámonos ao mundo da pandeireta galega coa axuda dun experto, Suso Vaamonde, e da pandeireteira Mercedes Autrán. Preparámonos para o Campionato Mundial de Dardos Electrónicos que se desenvolverá na Coruña coa axuda do seu organizador, Ángel Cabana. O doutor Proupín fálanos do Parkinson.

O podólogo Nabor Pereira explícanos os problemas que podemos sufrir se non levamos un calzado axeitado. Óscar Villar, xerente do centro Xestión Ética do Abandono, advírtenos das precaucións que debemos ter coas nosas mascotas durante as festas de Nadal. Anxos Padín lévanos a proba-los ducias de variedades de turrón que ofrece en Vigo La Formigueta. Andrés Díaz preséntanos a carreira San Silvestre da Coruña. Davide Pérez fálanos dos carballos da sementeira de Bande. Santiago Díaz convídanos a ler a súa novela "Jotade". O grupo Tona publica o seu primeiro disco, "Cruseiro". Conversamos con dous membros da banda, Miguel Cernadas e Tomás Ageitos. Imos a Vilalba para saber como se crían os capóns e a Carral para que o seu alcalde, José Luis Fernández, nos leve de tapas. Mónica Maneiro comenta a exposición de Arturo Álvarez "Öxido". Maximino Pérez aborda a polémica sobre a limitación do acceso de vehículos ás zonas de baixas emisións das cidades.

Gonzalo Gómez, da floristería Fiuncho, danos ideas para decorar a casa no Nadal. Visitamos no Páramo a gandería Quintián, onde se elaboran queixos artesanais e leite sen homoxeneizar. O trío Sumrrá presenta novo disco, "Revoluti8n", e del nos fala o contrabaixo Xacobe Martínez Antelo. Imos á administración de lotaría La Favorita da Coruña para saber como van as vendas de Nadal. O responsable de innovación de Delikia, Marcos González, fálanos do concurso que convoca a empresa entre estudantes de hostalería para escoller o mellor emparedado do mundo. Clara Dies descúbrenos prantas usadas tradicionalmente polo home e agora en desuso. Coñecemos as queixas dos veciños de Lourizán aos que se lles asolaga a rúa cada vez que chove con intensidade. Ivan Carril explícanos por que a radiación solar afectou ao software dos avións A320. Andrea Jamardo comenta a novela xuvenil coa que Rosa Aneiros gañou o premio Reina Lupa e Rafael Quintía descúbrenos persoaxes mitolóxicas do Nadal.

Comezamos a xornada bailando coa directora de Unidance Vigo, Alexandra Teixeira. Xoan Taboada explícanos como se traballa en Meteogalicia. A presidenta da Fundación Andrea, Charo Barca, cóntanos a que se dedica esta organización. Falamos cos promotores das xornadas "V de viñetas", Óscar Pérez e Francisco Barreiro. Pulsamos o ambiente do Venres Negro na Coruña. Facemos unha escapada ao balneario de Laias co director de comunicación de Caldaria, Alberto Canal. A veterinaria da Asociación de Criadores de Porco Celta, Cruz Castro, dinos como podemos seguir a trazabilidade deste produto. Coñecemos a música de Rubén Gutiérrez, "Peito escuro". Noa Persán guíanos pola súa exposición "Unha retrospectiva noirica" en Lugo. Acudimos ao acendido das luces de Nadal na Coruña.

Somos agradecidos? Preguntámosllo aos nosos oíntes. O profesor na escola de negocios OBS, Eduardo Irastorza, explícanos por que España é un dos paises que máis diñeiro gasta no Venres Negro. Cúmprense dez anos do pasamento de Xosé Neirta Vilas. Lembramos a vida e obra do escritor coa axuda de Dolores Vilavedra e Fernando Redondo. Pasamos por varias administracións de lotaría para saber como van as vendas dos sorteos de Nadal. Visitamos a exposición de beléns que cada ano organiza Afundación en Vigo na véspera de que abra as súas portas ao público. Mercedes Prado fálanos da expectación que xerou a visita de Bebeto á Coruña para asinar exemplares da súa biografía. Coñecemos unha tenda aberta en Ourense por inmigrantes sirios. Ana Merino preséntanos o seu libro "El camino que no eliges". Falamos con Belén González e Laura Velasco, as duas estudantes da Escola Politécnica de Ferrol que participaron no Sustainable Challenge 2025, un encontro de innovación e creatividade na moda que se desenvolve en Barcelona. Daniel Rodríguez cóntanos como vai ser a Gala Benéfica contra o Cancro de Ourense. E ademais temos as sessións de Tito Lesende (novidades musicais) e Nusca Chousa (horta)

Prestamos atención ao Día Internacional de Eliminación da Violencia da Muller. Falamos cunha vítima de malos tratos e co policía que a protexía sobre os erros do sistema Cometa que controla a aplicación de as ordes de alonxamento dos agresores. Conversamos coa directora do Centro de Información á Muller de Coirós, Raquel Montero. Juan Bonhome explícanos como se conciencia aos escolares sobre a necesidade de expresar consentimento nas relacións sexuais. Temos máis protagonismo feminino. Falamos con Begoña Pernas, presidenta dunha cooperativa de estibadoras en Burela. Marisa Castro preséntanos o seu libro "Soño de liberdade" e Mónica Maneiro comenta a exposición "She is unusual", das artistas Lula Goce, Lara Pintos, Cristina Fernández e Ana Jarén. Ademais o bailador Artur Puga explícanos en que consiste o seu proxecto "As pegadas do baile". Suso Maseda dinos como incorporar o exercicio físico a nosa vida. Abrimos o libro "Os rótulos da nosa vida" en compaña de dous dos seus autores, Jorge Lens e Ana Cocho. Escoitamos a nova versión do tema "4 almas", de Dani Costas. O avogado Luis Garnil asesóranos sobre as repercusións fiscais dos sorteos de cestas de Nadal e Maximino Pérez aborda os riscos que supón a proliferación de furgonetas de reparto nas estradas.

As celebracións de Nadal chegan cada ano con máis anticipación. Que opinan os nosos oíntes sobre esta moda de adiantar as festas? Ademais falamos cun instalador de alumeado navideño, Abel Vázquez, e cunha familia de Vigo que decorou unha árbore de 20 metros de altura para reivindicar que o Concello coloque alumeado navideño na súa parroquia, Comesaña. Coñecemos a Mingos, o derradeiro zapateiro de Verín. Contamos a historia dunha cerería de Pontecesures fundada en 1844. Visitamos a exposición de Annie Leivovitz na Coruña. O chef Álvaro Villasante explícanos en que consiste a iniciativa "Cociña +60", que busca promover a alimentación saudable das persoas maiores. Sara, Gala e Noelia, da asociación cultural Pesquedellas, explícannos en que consiste o proxecto "Bailadoras do Turreiro. Unha foliada comentada para a posteridade". A Asociación Pro Minusválidos de Ortegal pon en marcha un musical interpretado por persoas con discapacidade intelectual. Sobre el falamos coa xerente de Apromor, Araceli Blanco e co autor da obra, Quico Bouza. Eloi Fernández busca activistas xuvenís polos colexios de Galicia para defender a natureza, o feminismo ou loitar contra o racismo e a xenofobia. Fálanos do proxecto "Activistas polo mundo", que el coordina. Iván Carril explícanos a que se dedica a empresa Cloudflare e Rafael Quintía quen é A Vella na mitoloxía galega.

Falamos en directo con Papa Noel en Vigo. Descubrimos en Silleda as novidades da Feira do transporte de Viaxeiros por Estrada, Expobus. Despedimos a Areta Bolado, Noelia Castro e Ailén Kendelman, as actrices da Panadaría, antes da derradeira función da compañía. Comentamos co economista Venancio Salcines a afirmación de Elon Musk de que nun futuro próximo o traballo será opcional. O presidente do Colexio Profesional de Enxenería en Informática de Galicia, Fernando Suárez, danos algúns consellos para non ser vítimas de cibercalotes no Black Friday. Pedro Volta convídanos á novena edición do Festival Internacional de Ilusionismo de Galicia. Pasamos polo mercadiño benéfico que se instalou no Cantón da Coruña para recadar fondos para a cociña económica. Falamos da seguridade das mantas eléctricas e o astrónomo Borja Tosar explícanos como traballan os taikonautas, os astronautas chineses.

Vai de museos curiosos. Visitamos o Museo da Maxia de Galicia acompañados de Eloi Martínez e o Museo da Cervexa de Petín con Javier Gómez. Celebramos o Día Internacional do Profesorado de Francés con Sabrina Bermúdez, da Alianza Francesa da Coruña, e o Día Mundial da Infancia coa actriz Lucía Regueiro, colaboradora de Unicef. O podólogo Nabor Pereira explícanos que calzado é o idoneo para o outono. Asistimos ao Modiña Lab, o congreso de Moda de Galicia, onde atopamos a David Suárez; e tamén pasamos por TIPICO, o Taller de Infeccións e vacinas do que nos fala o doutor Federico Martinón. Noa Pais convídanos ao Facom Fest, que organiza a Facultade de Ciencias da Comunicación da USC. O vocalista da banda viguesa Moon Cresta, Daniel Vázquez, preséntanos o seu disco "Zadym". E ademais contamos coa colaboración de Nusca Chousa.

Os oíntes cóntannos anécdotas da mili. Falamos co pontevedrés Alberto Pérez antes de que parta cara a Xapón para participar no Campionato Mundial de Breaking. Pulsamos o mercado dos xoguetes de cara á campaña de Nadal. O guitarrista de Señor Salvaje, Guillermo Vistoso, convídanos ao concerto co que o grupo remata a súa xira "Vuela" en Santiago. A RAG organiza un simposio en Muxía sobre "As cantareiras e a poesía popular oral". Conversamos con dous musicólogos que participarán nas charlas, Xulia Feixoo e Sergio de la Ossa. Asistimos á festa preparada polo ximnasio Máis que Auga de Vigo para celebrar os seus 15 anos de funcionamento. Probamos as tapas que participan na vixésima edición do concurso de Lugo. Julio Quiroga, da empresa Ouro de Quiroga, cóntanos como vai a colleita de aceite de oliva. O doutor José Ferreras explícanos as causas dos ronquidos e da apnea do sono e o doutor Propupín como combater a artrite.