Falamos do "efecto café", eses pequenos gastos recorrentes que lastran os nosos petos. O economista Venancio Salcines aconséllanos como reducilos. Luis Castro, propietario da tenda Doctor Panush, cóntanos que xogos de mesa están de moda. Visitamos unha tenda de ultramarinos que leva funcionando cen anos na localidade ourensá de Palmés. Facemos unha escapada rural a Friol. Disque Vigo é a cidade de Galicia cos alugueiros máis caros. Preguntámoslle por que a un experto, Pablo Campos. Mónica Maneiro fálanos da retrospectiva de Maruja Mallo do Centro de Arte Reina Sofía de Madrid. Raquel C. Pico introdúcenos no mundo da escritora Jane Austin. Elena Cueto preséntanos o seu libro sobre a mitoloxía nórdica. Coñecemos o programa de apoio a empresas agroalimentarias da Fundación Juan de Vega. Maximino Pérez danos consellos para reducir o sobreconsumo do coche no inverno.

Paco Cerdeira, Pakolas, estrea connosco o seu novo videoclip "Caldo de repolo". Felicitamos a Belem Tajes, tras recibir o premio Narf, que outorga a Deputación da Coruña. Anxos Padín sae en Vigo á procura do desaparecido"Dinosebe". Coñecemos ao ourensán Pablo González, un enxeñeiro que traballa como deseñador para Lego. Imos ata unha clínica veterinaria sen ánimo de lucro que abre as súas portas no bario coruñés de Xuxán. En Lugo abordamos o problema dp peche dos centros sociais. Iván Carril alértanos sobre os riscos de expoñer aos menores nas redes sociais. Falamos con turistas e hosteleiros sobre a implantación da Taxa Turística en concellos como Redondela ou Santiago. Sumámonos á XXV edición da Festa do Cine falando co xerente dos Multicines Norte de Vigo, Pablo Vázquez. Comentamos coa mariscadora do Grove María Fontán, o video que gravou dun xabarín correndo pola praia.

Coñecemos a tres mulleres inmigrantes que crearon en Compostela unha cooperativa de costura, Costurearte. O antropólogo Íñigo Sánchez guianos pola instalación que montou no Gaiás "Arqueoloxía da festa". Mar Comín preséntanos o seu documental "Sacar peito", que protagoniza con outras sete doentes de cancro de mama. Saúdamos á cantante Haydee Milanés, que actúa na Coruña. O sicólogo Manuel Castro explícanos por que cada persoa reacciona de xeito diferente ante unha visita á súa casa. O chef Pepe Vieira recíbenos na churrasquería que abriu nun antigo comercio do centro de Pontevedra. O doutor Proupín fálanos das enfermidades que chegan coa friaxe.

Sorprendeunos ver o nome dun gato na esquela dunha muller falecida na Coruña. Preguntámoslle a Jorge Balado, presidente da Federación Galega de Servizos Funerarios, se é frecuente atopar curiosidades coma esta. Martín Vilas, do viveiro Adoa, cóntanos como van as vendas de flores de cara ao Día de Defuntos. José Elias de la Puente fálanos dun edificio da Coruña que cumpre un século e que foi o máis alto de España cando se construiu, a antiga sede do Banco Pastor. Chega aos cines "Leo & Lou" e conversamos co seu director, Carlos Solano, e cun dos seus protagonistas, Manuel Manquiña. O escultor Pablo Barreiro coméntanos a exposición que acaba de abrir na galería Nordés da Coruña. Coñecemos o traballo do clube de atletismo de Lourenzá. Sonia González preséntanos os cinceiros portátiles que fabrica a súa empresa Cabicheira. A doutora Xiana Pousa explícanos a relación dos problemas periodontais con outras enfermidades.

Saiunos un programa moi gorentoso. Antonio Sanmartín, da pastelería Minela da Estrada, fálanos dos doces do Samaín. Pasamos por unha churrería senlleira da Coruña e acudimos en Vigo á apertura dunha franquicia de productos sen glute. A actriz Fina Calleja explícanos como levar un ataque de risa sobre un escenario. Tamén é un programa de libros. Alfonso Goizueta preséntanos "El sueño de Troya"; a vasca Oihane Amantegui traenos a tradución ao galego da súa obra "Cayo Hueso" e Andrea Jamardo recoméndanos libros sobre o Samaín para os máis pequenos. Ademais explicamos en que consiste o traballo dos voluntarios nas zonas asoladas polos incendios. Iván Carril dinos para que envía satélites ao espazo o Ministerio de Defensa español. O antropólogo Rafael Quintiá evoca aos seres do alén da mitoloxía galega e o director de Curtas Festival do Imaxinario de Vilagarcía, Luis Miguel Rosales, acompáñanos por unha exposición de monstros do cine.

A perruqueira María Martínez desvélanos se está de moda deixar de tinguir as canas. Falamos con Miguel Blanes, un ourensán cunha colección e máis de 20 mil pezas de Star Wars. Coñecemos o espazo de lectura de Gondomar. O cociñeiro Samuel Moreno, do restaurante Campanario de Luintra, prepáranos o prato co que gañou o IV Campionato de Tapas de Pinchos de Galicia. Escoitamos as queixas dos veciños de Trasmañó, en Redondela, polo estado no que quedou o acceso á súa parroquia tralas obras executadas por Audasa. David Catá explícanos en que consistiu a intervención artística que realizou no vello faro de Burela. Belén regueira preséntanos a María da Brea e ao equipo Chaira, gañadores dos Premios Mestrs da Memoria que outorga a Asociación de Escritores en Lingua Galega. O astrónomo Borja Tosar fálanos da inventos da NASA que se aplican en aparellos que usamos a diario.

Infiltrámonos no operativo que preparou a Unidade de Intervención da Policía para manter a seguridade no partido da Liga Europa entre o Celta e o Niza. O inspector xefe, Felipe Bruno, explícanos como se preparou. A marinense Lucía Solla prséntanos o seu libro "Comerás flores". Estreamos a canción "Invencibles", de Dani Costas. Na Coruña recollemos as queixas dos veciños da contorna do conservatorio pola presenza de toxicómanos na zona. Lucía García danos pistas sobre o tipo de zapatos que se levarán nos próximos meses. Sabemos m´çais sobre "San Simón" a película de Miguel Ángel Delgado sobre o campo de concentración que funcionou na ría de Vigo. Ademais temos as habituais seccións de Nusca Chousa e Tito Lesende.

Descubrimos Acemelia, unha empresa de Vigo que elabora aceite de camelia e o vende por todo o mundo. Coñecemos a un panadeiro de Celanova que reparte os seus produtos polas aldeas e lles fai recados aos residentes e a uns veciños de Cervantes que se turnan para levar ao traballo a unha muller da localidade que quedou viuva. José Miguel Viñas preséntanos o seu Diccionario Meteorolóxico e Climático. Falamos con Alex Gándara e Roi Mira, dous dos organizadores da 5ª edición dops premios Fouciño en Zas. Asistimos na Coruña á xornada sobre novas tecnoloxías para a práctica da enfermería. Pedímoslle a Vanesa García, directora da Asociación Galega de ELA, a súa valoración trala aprobación do decreto que establece as axudas que recibirán os enfermos que padecen esa enfermidade. Comentamos o incesante incremento do prezo do café con José Carlos Cutiño, da OCU. Probamos as sobremesas con produtos galegos que ofrece o restaurante O Sendeiro. Contámoslles como funciona Arroupa, unha empresa de inserción laboral creada por Cáritas que recolle roupa usada e a vende en tendas espalladas por diversas localidades galegas. O doutor Norberto Proupín explícanos como actuar ante un atragoamento.