Como de difícil é aprender a nosa lingua para un estranxeiro? Cóntanolo un irlandés que a fala perfectamente, Craig Patterson. Ollamos a lúa da colleita co astrónomo Enrique Alonso. Visitamos Lamardevan unha empresa coruñesa dedicada á transformar furgonetas en autocaravanas. Coñecemos a asociación Al-Anon y Alateen, que atende a familiares de alcoólicos. Tamén recollemos as inquietudes dunha agrupación que atende a persoas con enfemidades mentais, a Fundación Salma, que preside Ana González. O director do Museo Reina Sofía, Manuel Segade, coméntanos a exposición que lle dedica o centro a Maruja Mallo. Mónica Maneiro fálanos das Residencias ArtLab, que organiza o Instituto Galego de Física de Altas Enerxías (IGFAE). Antonio Mercero traenos o seu novo libro, "Está lloviendo y te quiero". Saltamos no trampolín cunha campioa, Melania Rodríguez.

Abordamos o problema do aluguer de vivenda en Galicia coa presidenta da Asociación Galega de axencias inmobiliarias, Enma Martínez. Entrevistamos á deseñadora viguesa que se ocupou do vestiario da serie "Xogo de tronos", Arantza Vilas. A nosa colaboradora Andrea Jamardo trae da man á premiada escritora Erika Esmorís, que acaba de puiblicar tres novos libros. Animamos ao cantante Cristian Silva, que comeza xira. Contamos en que consiste a campaña da Deputación da Coruña para incentivar o comercio local dos concellos pequenos. Iván Carril fálanos da lei contra a violencia dixital que prepara a Xunta de Galicia. Rafael Quintiá explícanos que son os lobishomes. Raul Villares traládase á Limia para ver como vai este ano a colleita de cereais e Alberte Ribero pregúntase pola proliferación de mascotas en Galicia.

É rendible utilizar "famosos" como gancho de eventos? Responde á pregunta o responsable da axencia Corre LOLA corre, Carlos Fernández. O director do festival de maxia Galicia Ilusiona, Dani Polo, debúllanos o seu programa. Coñecemos a unha arpista que constrúe instrumentos de corda en Soutomaior, Lorena Reinaldo. Visitamos o Salón de Minerais de Compostela. Preocupámonos polos problemas de financiamento da Cociña Económica da Coruña. Perfecto Carballo ábrenos as portas do cine máis antigo de Galicia en Seixo-Marín. O carniceiro de Burela Enrique Pérez proponnos probar a carne de poldro. Falamos do documental "Lola", un conmovedor testemuño da represión franquista realizado por Antón Caeiro.

Marcus Fernández ensínanos a programar no noso móbil os teléfonos de emerxencias. Imos á inauguración da Festa do Marisco no Grove e alí mesmo asistimos ao Foro dos Recursos Mariños e a Acuicultura para falar cos seus organizadores, Manuel Rey e Jacobo Fernández. Sheila Patricia traenos un adianto do seu próximo disco e conversamos cunha viguesa, Lina de Sol, que tamén prepara lanzamento musical. Coñecemos como a Fundación Enki traballa na Coruña a prol da inclusión a través do deporte. Felicitamos á flamante Premio Nacional de Danza, Janet Novás. Visitamos o estudo doutro galego premiado, Joel Martínez Acuña, o mellor carpinteiro de España. Pasamos pola apertura do Foro "La Toja" e temos as seccións de Tito Lesende e Nusca Chousa.

O farmacéutico Iago Regueira cóntanos todo o que debemos saber do colesterol. Co doutor Norberto Proupín abordamos o "andazo" de miopía entre os rapaces. Conversamos co xove arquitecto pontevedrés Manuel Bouzas, premio Princesa de Girona. Luz Gabás preséntanos a súa nova novela "Corazón de oro". Pablo Marela convídanos ao Murallón de Son de Bandeira. Tentamos saber o por que do boom da construcción de piscinas en Galicia falando con Aitor Romero, da empresa Aguasport de Carral. Despedimos unha ferretería centenaria da Coruña. Coñecemos a policías condecorados por participar no salvamento de inmigrantes que naufragaron. O panadeira Rafael Cabaleiro danos a receita da empanada de fabas de Lourenzá e escoitamos o último traballo de Fernando Barroso.

Cal é esa canción que non aturas escoitar máis? Preguntómosllo aos oíntes e ao músico Marcos Mella. Na parrilada Gardel de Arteixo organizan un concurso de comer chuletón. O seu propietario Raul Gutiérrez dinos en que consiste. En Becerreá levaban catro anos sen panadería. Acaban de abrir unha e visitámola. Falamos con toda unha artista da decoración con papel, Cristina Velasco. Celebramos a reapertura en Vigo de Diversum, unha cafetería atendida por persoas discapacitadas. En Lugo falamos con Pepe Vázquez, terceira xeración de churreiros. Comentamos co xerente da Orquestra Sinfónica de Galicia, Juan Antonio Cuellar, os concertos de balde que ofrecerá a formación na Coruña. Tamén na Coruña abordamos coa axente inmobiliaria Isabel Cotelo o problema do encarecemento da vivenda. Mónica Maneiro fálanos da exposición de Alberto Ardid na galería Trinta e Maximino Pérez da reforma dos exames de conducción.

Falamos das primeiras citas e a experta en protocolo Margarita Murillo explícanos como preparalas. Presentamos "Caras no lume", o primeiro disco do trio vigués Lontras. Facémonos eco da convocatoria da bola Ensaia para talentos galegos que emprendan na nosa comunidade. Audiencio González, un reloxeiro de Tui cóntanos por que están de moda os reloxos vintage. Tomamos un café en "Cáscará café", o establecemento que abriron dous trotamundos en Compostela. Escoitamos as queixas da Asociación de Vivendas Turísticas de Galicia. Andrea Jamardo recoméndanos o libro de Antonio Manuel Fraga "Ningunha estrela levaría o meu nome". Un dos fundadores de SC Robotics, Xavier Crespo, explícanos a que se dedica esta empresa viguesa de novas tecnoloxías. Iván Carril ponnos ao día sobre as novidades que chegan no ámbito dos procesadores nos ordenadores e con Rafael Quintiá lembramos as lendas de mouros na cultura galega.

Preguntámoslle aos oíntes que farían se se achegase a fin do mundo e ao escritor Carlos Fernández por que abondan as predicións apocalípticas sobre a fin da humanidade. Comeza o Ourense Film Festival coa proxección de "Playa de lobos". Falamos co director da película, Javier Veiga. José María Vázquez, especialista no exterminio de vespas velutinas, alértanos sobre a probable chegada a Galicia da vespa asiática xigante. Coñecemos a Lito, un tomiñés cunha colección de máis de cen mil chisqueiros. Acudimos en Vigo aos actos organizados co gallo do Día da Policía e explicamos o traballo dos equipos que vixían o subsolo das cidades. En Galicia temos un especialista en física de partículas, o profesor da USC Xavier Cid, con quen conversamos. O astrónomo Borja Tosar cóntanos curiosidades sobre saturno.

O programa está cheo de músicas. Falamos co director artístico do OUR FEST, David Jiménez; festexamos con Guillermo Castro, o rei galego da bachata, o premio que lle acaban de outorgar; os amigos da ópera da Coruña preséntannos a segunda montaxe da súa tempada lírica, "La finta semplice"; buscamos con Mario Diz voces e instrumentisatas para a Orquestra da Universidade de Santiago e Tito lesende repasa connosco a axenda de concertos da fin de semana. Ademais conversamos coa investigadora Verónica Bolón sobre o bo uso da Intelixencia Artificial. Noelia Muiños introdúcenos no mundo da caligrafía. Imos a Redondela para que Paula Amoedo nos fale da obra que está a facer para homenaxear ás alfombristas das festas da Coca.

Falamos cun experto en olores e perfumes, David Gigirey. A viguesa Raquel Davila explícanos en que consiste a "danza aerea". Asistmos á apertura do Festival Maré en Compostela e conversamos con duas das súas protagonistas, Felisa Segade e a cantante de Carabelas, Ana Moas. A creadora de banda deseñada Ilu Ros preséntanos a súa obra "Una casa en la ciudad". Visitamos unha tenda en Vigo atendida por Magdalena Leal, unha muller con síndrome de Down. A investigadora Cristina Gallego cóntanos como conseguiu converte-la pel do atún en film biodegradable. Coñecemos como funciona a horta terapéutica do Complexo Hospitalario de Santiago. Preguntámoslle á presidenta da Asociación de Autoescolas de Lugo, Mónica Pérez, por que hai tantos atropelos en Galicia. Enrique Camoeiras, da Asociación de Amigos das Termas de Ourense, denuncia o mal estado da fonte do tinteiro. A xornalista Teresa Rocamonde fálanos da súa serie sobre a diáspora galega "A gran epopea de Galicia".