Todo sobre as picaduras de mosquito co médico Norberto Proupín. A enxeñería eólica utiliza a intelixencia artificial para solucións que eviten o dano dos molinos ás aves, con Xesús Beltrán, enxeñeiro electrónico. Gandeiros do Xistral alerta de que o lobo acaba coas bestas e que se cruzan con este depredador a plena luz do dia. Roteiro de terrazas e chiringuitos sen perder o norte, co noso colaborador viaxeiro, Pablo Vázquez. O cantautor ourensán Emilio Rúa presenta a súa xira de "Espazos Singulares". 11 efectivos da Unidade de Cabalería da policía, con sede en Madrid, desprázanse durante os meses de verán a Galicia para reforzar a presenza policial en espazos naturais. O talento galego con Yeray Folgar, biólogo e divulgador de ciencia en redes sociais. Na cultura visitamos o festival "Abre a fiestra" na casa de Rosalía en Padrón celebra o vindeiro domingo unha xornada de portas abertas arredor da lembranza da nosa escritora máis universal. Na nosa sección "Con nome de muller" acompáñanos Eilún do Pazo Moa, autora do artigo "Elisa Patiño "Chichana".

Unha experta en oratoria ofrécenos consellos para falar en público. Entrevista co arquitecto lugués Víctor Cageao, director das Coleccións Reais de Patrimonio Nacional e da Galería de Coleccións Reais.No talento galego falamos co bailarín José Cibreiro. O festival SeaFest regresa aos xardíns vigueses de Montero Ríos para promocionar o consumo de peixe nun ambiente festivo. O financeiro David Sánchez Tembleque premiado pola Asociación de Empresarios de Galicia en Madrid. O xornalista e escritor Valentín Carrera presenta "El mundo desde abajo", un libro de viaxes dedicado ó misioneiro tudende Rosendo Salvado galardonado co premio Altair de Literatura de Viaxes. Con nome de muller convida hoxe a Ángeles Ríos, empresaria e directora da asociación galega de empresas de ascensores (AEGA).

Enfermar antes dunha cita ou evento importante. José María Tobío, xerente da Grupo de Desenvolvemento Rural de Pontevedra-Morrazo fálanos do enoturismo coa "Ruta dos Viños Oceánicos". Ortigueira volve ser a capital internacional da música celta entre o 8 e o 12 de xullo.O farmacéutico Iago Regueira fálanos dos antiácidos e suplementos para a dixestión. Hoxe exploramos o taleno galego coa deseñadora de moda Laura Villar. 10 anos do caso "A Manada"; analizamos a percepción actual da violencia sexual na sociedade. No espazo cultural achegámonos á fundación Neira Vilas da man do seu presidente. A profesora da Universidade da Coruña, Ana Dorotea Tarrío achéganos á figura da matemática María Wonenburger.

Inflúe o cambio climático nun produto tan desexado como o chocolate? O cacao, que cotiza nos mercados de futuros, acabará sendo un produto de luxo? Coincidindo co Día Mundial do Chocolate conversamos co dono e terceira xeración de Chocolates Expres, unha empresa coruñesa fundada hai case 100 anos. Aurelio Fernández cóntanos de que países ven o cacao que utilizan, do incremento dos prezos desta materia prima e de cómo foi evolucionando a elaboración do chocolate.

Falamos do abandono de mascotas co xerente de Xestión Ética do Abandono, unha entidade galega que traballa para evitar a desatención de cans e gatos. En 2025, case 300.000 animais acabaron en centros de acollida, pero Oscar Villar asegura que hai un lixeiro descenso e que se nota un cambio de mentalidade entre os cazadores. Tamén nos fala dunha ferramenta de axuda cando xa non se pode atender ás mascotas. En Talento Galego descubrimos a Cris Basanta, unha artista que convirte o plástico reciclado en pezas de arte, pezas que levan o selo de Artesanía de Galicia. O liño, un cultivo e un tecido que se remonta á época exipcia, estivo a piques de desaparecer do campo galego. Conversamos coa presidenta de Amigos do Liño, de Zas, unha das entidades implicadas no proxecto para reactivar esta materia téxtil. Carmen Riveiro cóntanos detalles da historia desta planta e explícanos as cualidades do tecido que se fai en Galicia.

Os códigos QR xa non se aplican só en restaurantes, tendas, produtos..., en Galicia hai un cemiterio, o de San Vicente de Cerponzóns, en Pontevedra, onde xa se comezou a colocar este dispositivo nas lápidas. Juan José Esperón, secretario da Asociación de Veciños O Cheleiro, cóntanos por qué incorporou un código QR ó panteón familiar. Esperón asegura que esta medida tecnolóxica facilita que os descendientes ou calquera persoa poida achegarse á historia dos difuntos, refrescando e mantendo viva a memoria do lugar. O festival Clownbados, celebrado estes días en Cambados, acolle o novo espéctaculo da compañía Circus Nova. O seu director, Brandan Corredoira, explica que na función "Aura" mexturan maxia, humor, acrobacias, poledance, música e proxecccións realizadas con IA; un cóctel para entreter e reflexionar sobre cómo a tecnoloxía pode facernos perder as emocións, a risa e os soños. En Enchendo o bandullo, o chef Javier Barba coméntanos a historia do ovo na cociña, o prezo e as propiedades deste alimento supercompleto, que aporta vitaminas, minerais e colina. O chef detalla os tempos e trucos para preparar ovos pasados por auga, ovos mollet, cocidos e fritidos.

En Talento Galego coñécemos cómo se formou, as referencias e os plans da banda emerxente Kafé de pota, que xa está subindo os seus temas ás redes.

Co noso colaborador Manuel Rial achegámonos ó Parque Arqueolóxico de Arte Rupestre do Campo Lameiro, que recrea a paisaxe da Idade de Bronce e conta cunha das maiores concentracións de petrófligos de Galicia. Rial apunta as posibles interpretacións dos círculos concéntricos, labirintos e cervos debuxados nas rochas e lanza algunhas recomendacións para visitar este lugar.

Trasladámonos a Sergude, concello de Boqueixón, para asistir a oitava edición de GALIFOREST Abanca, un certame centrado no sector da madeira que nesta oitava edición conta coa participación de 125 expositores e na que están representadas case 400 empresas de 31 países. O director da Axencia Galega da Industria Forestal, Alfredo Fernández Ríos, acláranos que non se debe demonizar ningunha especie, que a superficie do eucalipto está acorde coa demanda aínda que avoga por valorizar outras especies, como as frondosas. Fernández Ríos suliña os avances en automatización e robotización, o que mellora o rendemento do sector e as condicións de traballo. Falamos con varios expositores e tamén con autónomos do sector e con alumnos de obradoiros do forestal, que observan e comproban o manexo da maquinaria máis moderna: dende procesadoras a grúas intelixentes.

Moita xente prevé viaxar ó estranxeiro este verán e, dependendo do destino, resulta crucial contratar un seguro de cobertura sanitaria. O voceiro da OCU, Enrique García, aconsella contar cunha cobertura de ata medio millón de euros se nos desprazamos a países como Estados Unidos ou Xapón, onde non existe asistencia pública e a sanidade privada ten elevados custes. Recomenda revisar a letra pequena e comprobar a cantidade destinada a repatriación. Pablo Vázquez, colaborador e autor dun blog de viaxes, fálanos do éxito de Galicia como destino turístico, con 8 millóns de viaxeiros o pasado ano. Vázque recomenda ós visitantes cambiar horarios e madrugar, buscar paraisos alternativos ós lugares máis trillados, descubrir recunchos do interior e, sobre todo, coidar os lugares que visitan.

Un estudo realizado por investigadores da Universidade de Santiago de Compostela e a Misión Biolóxica de Galicia permitiu analizar a resposta das aves despois do megaincendio rexistrado na Serra do Courel en 2022 e, en consecuencia, comprobar qué factores inflúen na recuperación do ecosistema. Fernando García, do departamento de Zooloxía, suliña a importancia da "memoria do bosque", isto é, as condicións previas ó incendio determinarán a reparación da zona. Asegura que fronte os megalumes cada vez máis frecuentes é necesario recuperar a heteroxeneidade da paisaxe e rachar co abandono do rural. O síndrome confusional o delirium é un trastorno de alteración da atención e da conciencia, agudo e fluctuante, que sofren moitas persoas maiores cando están hospitalizadas. Pablo López, internista do CHUO, e Paula González, médica de Familia no mesmo hospital, comentan cómo se manifesta este síndrome, qué factores inflúen e dan recomendacións para evitalo: acompañar, conversar e manter a estas persoas activas. Abrimos a sección "Os consellos de Isa Villanueva" falando do coidado do cabelo no verán. Esta influencer recomenda cubrir a cabeza na praia, evitar o champú tódolos días, apostar pola hidratación e utilizar gorros ou almofadas de seda ou satén para evitar a fricción. Tamén ofrece fórmulas caseiras. En Talento Galego conversamos con Marcos Souto, que hai 6 anos cambiou a enxeñería pola creación de sombreiros inspirados no rock e no heavy. Dende a tenda Blake Hats, de Cedeira, realiza encargos para moitos artistas e recolle un gran éxito en redes.

Rimos hoxe das mesmas cousas que hai 40 anos? Qué pasa coas redes sociais e o humor? Na véspera do Día Mundial do Chiste, conversamos co humorista Pablo Meixe, que fai rir coas súas expresións faciais tanto nas súas actuacións en directo como nos reels que crea. Fala das posibilidades que abriron as redes sociais ós humoristas, da improvisación, do humor branco, de facer humor sen ferir e dos seus referentes. En Talento Galego descubrimos a Miguel Barcia, un director de videoclips que fixo traballos para o galego West Srk, pero tamén para músicos de fora de Galicia como Yassir ou Sinde. Asegura este comunicador visual que un videoclip ten que causar emoción e conexión co espectador; tamén resulta fundamental a coherencia entre as imaxes e a mensaxe da canción. Abrimos a sección "A botica de Iago" resolvendo dúbidas sobre os protectores solares. O farmacéutico Iago Regueira explica que é o factor de proteccion, as diferencias entre protectores físicos e químicos e cando se pode utilizar un produto do ano anterior. Este experto insiste en que tódalas persoas debemos usar protección solar ó longo do ano, tamén nos días nubrados, con especial atención ós máis pequenos. Coñecemos máis sobre o fútbol gaélico, deporte que se xoga principalmenbte en Irlanda, con Juan Luís Fernández Pérez, doutor en Ciencias do Deporte, adestrador do equipo Turonia de Gondomar e autor do libro "Futebol gaélico. Historia, regras, tácticas de xogo e técnicas de adestramento".

Por qué continúa esixindo unha diferencia tan marcada de roupa polo xénero? Aínda hai moita xente que amosa sorpresa cando ve determinadas modas de vestir? Víctor Manuel Oujo, asesor de imaxe e influencer coñecido como Vimanstyle, asegura que falta a implicación da industria téxtil e que a xente nova se arrisque máis coa roupa. Este asesor é partidario das prendas clásicas e atemporais, sen atender a modas puntuais; tamén de seguir os códigos de vestimenta en determinadas cerimonias. Chega o verán e multiplícanse os riscos de saúde para as mascotas. Marcos Fernández, veterinario de AniCura Navia Hospital Veterinario, en Vigo, explica cómo previr, cómo detectar e cómo responder ante un golpe de calor nos cans, un problema que pode derivar en morte na metade dos casos. Este experto en animais de compañía tamén lanza recomendacións para evitar picaduras de pulgas, garrapatas e dos mosquitos que transmiten a Leishmaniasis. José Tomé Roca, alcalde de Monforte de Lemos, adiántanos a oferta da quinta edición do Festival do Viño da Ribeira Sacra, entre o 3 o 5 de xullo: dende catas e clases maxistrais ata postos de gastronomía, música e actividades para os máis pequenos. Conversamos con Julio Alonso, profesor no Conservatorio Superior de Música de Galicia, sobre a muiñeira e a súa evolución ata converterse nun símbolo identitario de Galicia; un estudo que recolle no seu libro "Do baile da gaita á muiñeira", publicado por Editorial Galaxia.

Comezamos a tempada de verán con novas seccións. Javier Barba vainos falar de gastronomía no espazo "Enchendo o bandullo con coitelo e forquita". Para abrir o apetito traenos un dos pratos senlleiros da cociña galega, o polbo. Manuel Rial achegaranos o patrimonio do pais. Para principiar lévanos ao castelo de Vimianzo. Moncho Lemos lembraranos as cancións do verán e recuperamos a sección "Talento galego" coñecendo o grupo de post hardcore Acouga. Ademais neste programa Clay Cornejo, do estudo Etham Clay, ensínanos como se fan os piercings e dinos cales son os máis demandados. O catedrático de Ciencias da Educación e o Deporte, Carlos Lago, fálanos do modelo informático creado na Universidade de Vigo para analizar o rendemento dos equipos que participan no Mundial de fútbol. Coñecemos como é o traballo dun localizador de exteriores conversando con Daniel Villalba. O músico Anxo Pintos convídanos ao Encordass Fiddle Fest, que se vai desenvolver na illa de San Simón e que está dedicado este ano a Escocia. O responsable de Innovación do Centro Tecnolóxico da Innovación de Galicia, Ángel Dacal, preséntanos a Viriato, o robot humanoide ao que están adestrando para facer tarefas nocivas ou perigosas para os humanos. José Ángel Docobo, catedrático de astronomía na USC fálanos da primeira astrónoma galega, a ourensá Antonia Ferrín Moreiras.