O endocrinólogo Manuel Botana explícanos como influen as hormonas no noso estado de ánimo. Recibimos ao premio Nadal, Jorge Fernández. Manuel Cacheda, do proxecto Placton, cóntanos que atopa nas praias cando as vai limpar. Coñeceremos como se propón rexenera-los bancos marisqueiros a Confraría de Ferrol. Xoan Rubia fálanos da súa experiencia como "practicante rural". A nosa colaboradora Ana Camiña lémbranos as normas relativas á limpeza das fincas e Maximino Pérez desvélanos o que recadou a DGT coas multas de tráfico.

Agustín Martínez, un dos tres escritores que publican baixo o pseudónimo de Carmen Mola, preséntanos a súa novela en solitario “El esplendor”, un thriller psicolóxico.

Exploramos co sociólogo Jorge García como afronta a sociedade actual o reparto de tarefas no fogar. Joaquín Enríquez fálanos da nova edición de "O talentiño", o certame de novos talentos artísticos que organiza o Concello de Ferrol. Tamén coñecemos con Ana Jariño en que consiste o X Talento Challenge da Fundación ONCE. Dende Vigo fálanos da campaña "A compra da túa vida" da Asociación Española contra o Cancro. Descubrimos moitas curiosidades do obelisco da Coruña con Javier Rodríguez. Iván Carril alértanos sobre actuacións neglixentes no uso da banca dixital. Conversamos co escritor Agustín Martínez sobre a súa novela "El esplendor" e o doutor Norberto Proupin diserta sobre as fracturas de cadeira.

“ O código postal marca a saúde”

Falamos coa endocrinóloga Cristina Tejera do seu libro “Afrontar la diabetes”, que explica os diferentes tratamentos e a importancia da alimentación e o exercicio para xestionar a enfermidade. Inclúe tamén trucos para o día a día, saúde mental, suplementos ou as últimas investigacións na materia.

Na véspera do Día Mundial do Cine falamos da sétima arte con Moncho Lemos e os oíntes. Francisco Narla desvélanos curiosidades do bispo Xelmírez e a catedral de Santiago. Desprazámonos a Allariz para ver esculturas de chocolate. A actriz Lucía Veiga cóntanos que prendas deseñadas en Galicia vestirá na gala dos Goya. Agustín Vázquez proponnos coñecer grandes chairas en distintos continentes. Presentamos a serie "A arte de ser mal pai" co seu creador, Óscar Cruz. Falamos de diabetes coa endocrinóloga Cristina Tejera. A presidenta do Consello Regular Mel de Galicia, Ester Ordóñez, explícanos os cambios nas normas de etiquetado do mel. Borja Tosar clarexa se chocará ou non coa terra o asteroide 2024 YR4.

O cardiólogo André González claréxanos se é bo para a saúde botar a sesta e canto debe durar. Celebramos con Manuel Iglesias "Lesmes" a concesión do premio Goya de Fotografía Profesional. Coñecemos con Diana Lameiro a Fundación Lingoreta. Paula Bouzas explícanos como podemos colocar de balde unha mensaxe de amor nun valado publicitario da Gran Vía de Vigo. Coa escritora Susana Fortes falamos da relación entre Camus e María Casares. Conversamos sobre balneoterapia co doutor Juan Gestal. Pulsamos a opinión dos coruñeses sobre o traslado a Abegondo da sede do Depor. Miguel López Crespo comenta a nova normativa do goberno sobre os menús escolares e Nuska Chousa abre o seu consultorio sobre a horta.

Contamos chistes con Diego Vieito, "o capitán Sabrosura". Comezamos a saborea-lo entroido con Mónica Prego, que nos ensína a facer as mellores orellas. Preparamos a Festa das Filloas de Lestedo falando cun dos seus organizadores, Xosé Manuel Lobato, e coa pregoeira, Isabel Pichel. Comentamos a próxima gala dos Goya conversando con Julia González, que será a encargada de peitear a algúns dos participantes. Coñecemos a Paula Madero, cantante viguesa que opta a representar en Eurovisión a San Marino. A presidenta do Colexio de Xestores Administrativos de Galicia, Pilar Otero, axúdanos a coñecer o traballo destes profesionais. Preocupámonos da introdución do fentanilo en Galicia entrevistando a Alex Rodríguez e rematamos falando dos "santos avogosos" de Galicia co antropólogo Rafael Quintiá.

Cristian Romero axúdanos a saber máis sobre o negocio de compra-venda de ouro. A directora da feira ecolóxica Biocultura, Ángeles Parra, infórmanos sobre a próxima edición do certame que se desenvolve en marzo na Coruña. O doutor Navor Pereira explícanos por que as persoas que van ser sometidas a un tratamento de quimioterapia deben acudir antes a un podólogo. Nieves Herrero acode ao programa para falarnos do seu libro "Luna Roja". Roberto Sueiro presenta o concerto solidario en beneficio de "Stop leucemia" que se celebra o venres en Vigo. E ademáis a avogada na Camiña ponnos ao día sobre a normativa que regula os pisos turísticos e saimos á rúa para saber que pensa a xente da redución da xornada laboral.

Galicia ten un cento de refráns relativos ao tempo e unha morea de palabras para describilo. Falamos delas cun experto, Fernando Groba. Quique Magdalena recolleu as opinións dos primeiros usuarios do treito da A-54 entre Palas de Rei e Melide. Acudimos á sede de Érguete en Vigo para falar dos seus 40 anos de traballo. Iván Carril alértanos sobre as estafas telefónicas. O grupo Doctor Snob prepara novo disco. Escoitámolo co seu cantante Ricky Rodríguez. O autor do libro "No lo pienses. Hazlo ya", Sergio Luque, explícanos como superar os nosos medos e o doutor Norberto Proupín cóntanos que é a sarna e como se combate.

Temos curiosidade por saber que chega ás oficinas de obxectos perdidos. Cóntanolo Melisa Orbán, funcionaria do Concello de Pontevedra. O alcalde de Vila de Cruces, Luis Taboada, convídanos á XXXII Festa do Chourizo. Camiñamos despois ata Lalín para coñecer con David Liñares os preparativos da Feira Apícola "Alvariza". O avogado Juan Franco explícanos como están tramitando os tribunais as demandas relativas a abusos hipotecarios. Agústín Vázquez lévanos de viaxe a China. A neumóloga Isaura Parente fálanos das causas do aumento de casos de cancro de pulmón en mulleres. Triun Arts dinos "toda a verdade" sobre o caso Daniel Sancho. O astrónomo Borja Tosar ilústranos sobre a carreira espacial de China.