O Convivir vai ao mosteiro de Santa María para resaltar a figura de Antonio Cid Cortés, xogador de boccia con seis medallas paralímpicas e medalla de prata ao mérito deportivo do CSD.

Converteuse nun mito superando os grandísimos impedimentos que tiña vivindo no rural.

Coñeceremos o parakarateca Marcos Movilla, que comezou neste deporte aos 22 anos tras sufrir un grave accidente de tráfico. No fútbol, conversamos cos responsables da A.D.F. Molgas, que recolleu o testemuño do desaparecido C.D.Molgas. E saudaremos unha promesa do ciclismo, Sabela Rodríguez, un portento da BTT con só nove anos.

O día de Reis temos un Convivir deportivo diferente: ao aire libre, dende o corazón do Ribeiro, na parroquia de Santo Estevo de Nóvoa, concello de Carballeda, onde se conserva un tesouro, a bugalliña, do que nos fala a especialista Manuela Vázquez Coto.

Alfonso Pardo viaxa a Cualedro, no sur da provincia de Ourense, para visitar, entroutros o aínda récord galego de triplo salto, José Alfonso Palomanes. Ademáis, xúntanse no programa dous ben coñecidos técnicos do fútbol: Fran Justo, ex do Ourense CF ou do CD Lugo, e Miguel Álvarez, con traxectoria por Arabia, Asia e Oceanía. Os dous son veciños da vila.

O programa vai ao concello de Piñor, no interior de Galicia, onde coinciden varios xeitos de facer deporte e gozar da natureza: o sendeirismo, agora chamado tamén 'trail', a bicicleta de montaña, ben sexa na disciplina de XMC ou na de BTT; e probas de motor como o Rallysprint de Galicia e a Liga Galega de Moto de Campo.

Imos ao interior de Lugo para coñecer a traxectoria da S.D. Monterroso, fundada en 1974 e herdeira dun primeiro club federado xa en 1949. Agora ten nove equipos e acaba de crear unha escadra feminina de fútbol sala. Na bici, o Club Ciclista San Miguel vive a súa segunda etapa, despois dunha pausa de dez anos, e agora o deporte que chegou con forza é o pádel, que a cotío renúne nas pistas do municipio entre 120 e 130 persoas.

Alfonso Pardo visita o norte da provincia de Ourense para conversar do pasado e do presente do Sporting Vilamarín, convidando ao seu fundador e a súa actual presidenta e co gran Chuchi Hidalgo, que acode en persoa ao auditorio municipal. Na segunda parte do programa aprendemos de doma con algunha das amazonas do Centro Ecuestre.

O Club Covelo Patinaxe Artístico fundouse hai 19 anos con só catro patinadores. Dende entón, esfórzanse por promover o deporte das rodas, sobre todo entre a rapazada. Antía Pimentel, primeiro patinadora e agora adestradora, é unha das convidadas deste sábado.

Alfonso Pardo visita o interior de Galicia para presentarnos a Saúl Rodríguez, un rapaz emerxente na xinmasia de trampolín. Ademais fala cos responsables do club de fútbol da vila