Carlos Crespo tráenos a Noelia Perpetuo, que acaba de sacar o seu primeiro traballo: ‘Bolboreta’

Na compaña de Diego Seoane, ex xogador de varios equipos galegos, igual que Adri Armental, e con Pablo Lede, xogador do Portonovo.

Na sección de motor falaron con tódolos protagonistas do Rally de Ourense, cuarta proba do Supercampionato de España. Venceu o coruñés Álvaro Muñiz.

Imnos saber como recibiu a poeta Eva Veiga a noticia da homenaxe que lle tributan na súa terra, en Pontedeume. Fernando Fernández Rego desvélanos cousas que quizais non sabiamos de Andrés Dobarro, o cantante do que acaba de piblicar unha biografía. O artista lalinense Misha Bies Golas axúdanos a interpretar a súa exposición no Centro Galego de Arte Contemporánea. Despedimos do festival Surfing The Lérez co seu organizador durante 15 anos, Marcos Rivas.

Afonso Becerra recomenda ‘Bio Construción’, de Ibuprofeno Teatro. Con Marián Bañobre e Santiago Cortegoso. A obra decorre entre o surrealismo e o absurdo para relexionar sobre o fracaso, o cambio climático, a crise da vivenda e a estupidez humana na sociedade contemporánea.

Tito Lesende pica o novo de Igloo, ‘La gente que quieres’: un adianto do que será o seu oitavo disco. Tamén a 'Santa Ferreña’ de Belém Tajes Ademais, repasa a axenda de concertos do festival “Aquí tamén se fala”, que terá lugar mañá na Coruña. E pon o ramo con El último de la fila, que actúan o sábado no Monte do Gozo.

Moncho Lemos comenta ‘El día de la revelación’, a nova película de ciencia ficción producida e dirixida por Steven Spielberg.

Malores Villanueva comenta dous poemarios: ‘Primeiro espello’, de Olalla Cociña e ‘Pai’, de Miguel Louzao.