Novidades no Deportido. O post do Celta-Friburgo, con Raúl Blanco, canterán celeste do Alcorcón e curmán de Iago Aspas, Migui Fernández, da U.D. Ourense e Cheri, do Ribadumia.

Moncho Lemos recomenda o documental ‘Landa’, dirixido por Gracia Querejeta e Miguel Olid, e a película ‘La mujer más rica del mundo’, de Thierry Klifa. A fita está inspirada en Liliane Bettencourt, a herdeira de L'Oréal e protagonista na súa senectude dun dos escándalos máis célebres de Francia.

Malores Villanueva comenta ‘As Humidades’, a estrea literaria de Alba Tomé, finalista do premio Illa Nova de Narrativa 2025.

O Deportivo galeguizará o seu nome. Hoxe acompáñanos o adestrador do Fabril-Deportivo, Manuel Pablo. Tamén con Fran Justo, Ander Vidorreta, do Pontevedra e Dani Pedrosa vs Áled Cabarcos na previa do Estradense-Somozas

Mónica Maneiro comenta a exposición fotográfica 'A natureza das cousas. CHEMA MADOZ', comisariada por Oliva María Rubio na sede de Afundación en Santiago de Compostela. Ata o 29 de agosto.

Carlos Crespo tráenos a Tapa D’Orella, o novo proxecto musical de Willow GHZ e Pappaquino, que mestura música urbana, electrónica e unha estética moi ligada á cultura dixital do noso país. O dúo vén de publicar o seu segundo sinxelo, ‘Punto de Mira’.

A derrota do Celta e o empate do Deportivo con David Rochel, canteirán deportivista e ídolo en Tailandia como xogador, Sergio Benito, do Ourense CF e David Rosón, do Compostela.

Andrea Jamardo tráenos hoxe dúas propostas: a novela ‘Pantasmadas’, de Andrea García Martínez. De nove anos en diante, en Edicións Xerais; e o álbum ilustrado de primeiras lecturas: ‘ Parchís’, de María Girón. Traducido ao galego por Iago Nicolás para Kalandraka

Na edición do motor deste domingo conversaron co piloto de montaña lucense José Antonio Alonso Liste sobre o seu novo proxecto para esta temporada. Tamén recibiron as experiencias de Edgar Vigo e Fátima Ameneiro dende Nova Zelandia, trala primeira proba do Campionato Asia Pacífico.