Todos os podcast | En xogo motor

Anunciamos qur Eva Veiga é o premio de honra nos Mestre Mateo.

Isabel Freire fala con Antón Castro, comisario da exposición pictórica ´ Barreiro, o silencio que chove luz na xanela¨. A mostra adicada ao pintor de Forcarei, José María Barreiro, está na Cidade da Cultura ata finais de abril.

A nosa experta en poesía, Loli Vilavedra, fálanos da antoloxía comentada de Román Raña ´Poesía das diversidades (O poemario que lemos en 2020)´.

O investigador Carlos X. Ares publica 'Animalario do Entroido. Mito e tradición', un dos estudos que se presentará nas Xornadas sobre o Entroido que organiza SAGA, a Sociedade Antropolóxica Galega, en Pontevedra.

Na sección de voces expertas, Estíbaliz Espinosa fala do Día Internacional da Muller e da Nena na Ciencia. Buscamos auga no sistema solar e preparamos follas de limón con Álvaro Cunqueiro.

"Cremos que é unha obra importante que co tempo vai gañar máis, se vai entender máis". Gonzalo Hermo coordina o volume 'Nocturno de verán e outros poemas' que reúne poemas inéditos e recupera outros textos do escritor Francisco Cortegoso.

Neste Diario Cultural temos un novo episodio de 'Escoitamos Teatro'. O capítulo 'Interior dun coche fúnebre' narra a historia de dous empregados dunha funeraria que transportan un cadaleito pola autoestrada. Un deles, traballador modélico, reflexiona sobre a súa vida ante o outro, contratado en prácticas e fillo da dona. É unha creación da autora e actriz Eva María Gontad. Na sección de voces expertas, Estíbaliz Espinosa fala do Día Internacional da Muller e da Nena na Ciencia.

"Cremos que é unha obra importante que co tempo vai gañar máis, se vai entender máis". Gonzalo Hermo coordina o volume 'Nocturno de verán e outros poemas' que reúne poemas inéditos e recupera outros textos do escritor Francisco Cortegoso.

Nas horas previas a entrega dos Goya conversamos con Álvaro Gago, candidato a premio como director novel polo filme Matria.

Tamén con Janet Novás, aspirante como actriz revelación polo seu papel na pelicula O Corno.

E Lorena Ares directora da fita de animaición para nenos Hanna e os monstros.

"Queremos que a lingua e a cultura galega sexan transversais, que estean en todos os ámbitos". A nova Fundación Xistral proporcionará ferramentas para “conservar, enriquecer e difundir” a cultura galega. Falamos con Carlos Blanco, un dos responsables.

Fernando Freire é xastre. Aroa e Saúl aprenden con el a facer unha chaqueta de traxe. Este curso de xastrería tradicional forma parte do programa 'Aprender a tradición. Oficios e técnicas', que promove a Fundación Artesanía de Galicia para apoiar a remuda xeracional.

Na sección de voces expertas, Eva Mejuto recomenda lecturas para todas as idades coas que desfrutar do Entroido e da gastronomía. Neste Diario Cultural lemos 'Formigas. Misión Entroido', de Pere Tobaruela e Andrés Meixide, publicado na editorial Xerais. Tamén lemos 'Comer e ler en galego', unha iniciativa do CIFP Paseo das Pontes da Coruña.