A Ponferradina e o Celta Fortuna empataron a cero no encontro de ida da final de ascenso a 2ª división, deixando a resolución da eliminatoria para o partido de volta. Neste sábado o Galicia en Goles tamén contou a loita polo título no fútbol sala feminino e os posibles ascensos nas dúas categorías.

O Liceo consigue o primeiro punto da loita polo título tras golear ao Igualada por 8 a 2.

Tarde de ledicias no Galicia en Goles, que contou o ascenso do Leyma Coruña á ACB e a clasificación do Celta Fortuna para a final do ascenso a segunda división. Asimesmo o Compostela venceu ao Arteixo e será o representante galego que buscará unha praza na 2ª RFEF.

Na matinal do domingo o Atlético de Madrid gañou o Torneo Ourense Termal organizado polo Pabellón CF tras vencer na final ao Real Madrid. Mentres na OK Liga o Liceo venceu en Calafell no cuarto partido das semifinais e pechou o seu pase á gran final polo título.

A final four de ascenso á Liga ACB centrou o Galicia en Goles do sábado, que contou o triunfo do anfitrión, o Leyma Básquet Coruña ante Palencia. Posteriormente, na segunda semifinal, o Estudiantes fixo valer a súa condición de favorito para derrotar ao Oviedo e citarse cos laranxas na final deste domingo.

Previa da fin de semana deportiva galega con Paco Santos. Tamén contaron a derrota do Liceo en Calafell e o triunfo da selección española feminina ante Inglaterra

A pesar de caer ante o Las Palmas na derradeira xornada da liga regular, o Deportivo desfrutou xunto a súa xente do ascenso a Primeira División na previa do encontro, no post sobre o terreo de xogo e logo en Catro Camiños. Un ascenso que tamén celebrou a UD Ourense tras vencer ao Conquense a domicilio e chegar, por primeira vez, á 1ª RFEF. Desa categoría quere escapar o Fortuna, que empatou a un gol anteo Europa na ida das semifinais polo ascenso, desputada en terras catalás. No polideportivo outra boa nova foi a salvación do Cangas na Liga Asobal.

Na matinal do Galicia en Goles contaron o segundo punto da eliminatoria de semifinais da OK Liga que conseguiu o Liceo tras derrotar ao Calafell. Tamén estiveron no Ponte dos Brozos para contar o triunfo por dous goles a un do Arteixo ante o Compostela na ida da final da fase galega de ascenso a 2ª RFEF.