O longo Galicia en Goles que tivo lugar o sábado deixou ao Celta un ano máis na Europa League. A vitoria ante o Sevilla contada dende Balaídos provocou un post partido festivo que se alongou ata a unha da madrugada. Non tivo tal final feliz a última xornada da 1ª RFEF, co descenso do Oureense CF e a surrealista 'non clasificación' do Pontevedra para os playoff de ascenso, en detrimento do Castilla, por unha inexplicable norma de dobre sentido no regulamento da RFEF. No polideportivo o Breogán caeu en Málaga e o Liceo venceu en Lleida e xa está en semifinais da OK Liga.

O Menorca sorprendeu ao Básquet Coruña no terceiro partido dos cuartos de final do ascenso á Liga ACB e forzou o cuarto partido que se desputará o vindeiro domingo, na mesma cancha balear.

Foi un longo Galicia en Goles que comezou co sufrimento do Deportivo para gañar ao Andorra e quedar a tan só unha victoria en dous partidos do ascenso directo. Logo a xornada unificada da 1ª RFEF non clarexou nada pero deixa moi tocada a permanencia do Ourense CF. O prato forte chegou ás 19h co Athletic - Celta que rematou en empate e a clasificación dos olívicos para competición europea. No polideportivo tamén chegaron boas novas no balonmán, coa vitoria do Guardés na ida da final da EHF Cup, o ascenso do Celta Baloncesto e o segundo triunfo do Leyma nos cuartos de final de ascenso á Liga ACB.

Sábado de playoffs con bo sabor de boca para os equipos galegos. Por unha banda a UD Ourense clasificouse para a final de ascenso a 1ª RFEF tras derrotar no Couto ao Reus. Comezou tamén a fase galega de ascenso a 2ª RFEF con partidos moi igualados. No polideportivo o Breogán completa unha semana perfecta vencendo ao Girona no Pazo e o Celta busca o ascenso á Liga Feminina tras gañar nas semifinais a Melilla.

Este venres Roberto Carlos Carballo atendeu ás citas dos conxuntos galegos desta fin de semana, facendo unha previa de todos e cada un deles.

O Galicia en Goles comezou contando a derrota do Lugo na casa e o triunfo a domicilio do Fortuna ante o Ourense CF. Logo viviuse unha última xornada de infarto na 3ª RFEF co ascenso do Arousa e a clasificación do Rácing Vilalbés e Estradense para os playoff. Logo a mala nova chegou coa goleada sufrida polo Coruxo na ida das semifinais de ascenso a 1ª RFEF. Coma postre, o Clásico do fútbol español deparou unha vitoria do Barcelona e a consecución do título de liga por parte dos culés. Pero unha das mellores novas chegou no baloncesto co histórico triunfo do Breogán a domicilio ante o Real Madrid.

Con Rodrigo Pérez Pardo, o matinal do Galicia en Goles repasou os resultados galegos do sábado e fixo unha previa do emocionante domingo que lles agarda.

O conxunto olívico deu a badalada no encontro estrela do sábado no Galicia en Goles. Derrotou ao Atlético e aproveitou o picazo do Betis en Anoeta para acehgarse ao quinto posto que da acceso á maxima competición continental. Tamen soña en grande o Pontevedra, que goleou ao Athletic B e depende de si mesmo para pechar o posto de playoff de ascenso a 2ª división.

Foi un longo e emocionante Galicia en Goles o que se viviu dende as 19:30 ata a unha da mañanciña. Contaron a agónica pero importante vitoria do Deportivo en Cádiz que permite aos coruñeses durmir en postos de ascenso directo. Tamén coma prato principal estivo o baloncesto e o regreso do Obradoiro á Liga ACB, que se viviu nunha festa non só no Sar senón na pantalla xigante fóra do recinto. E no fútbol de 1ª RFEF, o Rácing de Ferrol empatou en Getxo.,