Balsámica vitoria do Racing de Ferrol en Lezama moitas xornadas despois. O conxunto dirixido por Guillermo Fernández Romo venceu ao Athletic B cun solitario tanto de Chema. No polideportivo as vitorias do Parrulo, Guardés e Ensino deixaron unha moi boa mañá para o deporte galego.

Non faltou á súa cita co deporte galego o Galicia en Goles deste sábado. Contaron os triunfos do Bergantiños en Oviedo e do Noia na casa ante o Alzira. Pola contra houbo que lamentar a derrota do Leyma Coruña en Fuenlabrada. No arrinque do espazo o Gran camiño e a última tirada con chegada en Santa Trega foi o protagonista. Na parte final do programa narrouse a final da Copa do Rei de fútbol, co triunfo da Real Sociedad.

O Galicia en Goles deste venres contou a recta final da vitoria do Celta Fortuna ante o Cacereño. Asimesmo tivo especial relevancia o baloncesto, cun novo derbi. No Sar o Obradoiro mallou no COB e da un paso de xigante cara o ascenso directo.

Non foi unha boa xornada para os equipos galegos do fútbol profesional. O Celta estragou unha boa oportunidade de ascender á quinta posición e caeu goleado por cero a tres ante o pechacancelas, o Oviedo. Pola súa banda o Deportivo deixou escapar dous puntos no minuto noventa, logo do empate do Huesca tras un erro de Patiño. A mellor nova chegou na 1ª RFEF coas vitorias do Fortuna e do Pontevedra, e o empate a domicilio do Arenteiro.

Intensa xornada matinal a que viviu o Galicia en Goles co triunfo do Fabril ante a UD Ourense, que vale un ascenso. Tamén houbo tres encontros da 3ª RFEF e o Ensino - Xirona, que necesitou unha prórroga para deixar coma vencedor ao equipo catalán.

Cos dous equipos galegos do fútbol profesional tendo as súas citas esta fin de semana o domingo, o sábado do Galicia en Goles quedou moi baloncestístico. Porque o Coliseum viviu o derbi polo ascenso entre Leyma e Obradoiro, con triunfo para os composteláns, que dan un paso de xigante para estar na ACB. Nesta categoría, o Breogán caeu no Pazo ante Andorra. De volta ao fútbol, outro derbi, desta vez no Couto, caeu do lado local, co Ourense CF goleando ao Lugo. No último prato do día, o Rácing de Ferrol segue co seu via crucis e perdeu ante o Castilla por cero tantos a cinco.

Este venres, á par que se vivía o Real Madrid- Xirona, chave na loita polo título de Liga, o Galicia en Goles analizou toda a xornada galega desta fin de semana, centrada non só no fútbol senón no resto de disciplinas deportivas.

Retransmisión e comentarios do partido de cuartos de final da Europa League entre Friburgo e Celta

Un gran segundo tempo permitiulle ao Celta gañar en liga tras moitos anos en Mestalla. Venceu ao Valencia e queda a un punto da zona de champions league. Non houbo tanta sorte na 1ª RFEF, coas derrotas do Lugo na casa e do Ourense CF en Avilés. No baloncesto o Breogán caeu en Valencia e o Obradoiro mallou no Palencia.