O Deportivo volveu gañar en Riazor. Pero tivo que sufrir para facelo. Un gol de Mulattieri na recta final do encontro permitiulle aos coruñeses manter a posición de ascenso directo unha xornada máis. Na 1ª RFEF o Pontevedra e o Ourense CF empataron a cero goles e no polideportivo destacou o pase do Liceo á final da Copa do Rei de hoquei sobre patíns, e o triunfo do Guardés ante o Elx na ida dos cuartos de final da European Cup de balonmán.

O Galicia en Goles do venres contou o derbi da Primeira Federación entre oi Arenteiro e o Celta Fortuna, que rematou en empate a un gol, grazas a un tanto anotado polo filial celeste no tempo extra. Tamén contaron o encontro da Primeira FEB entre o Leyma Básquet Coruña e o Tizona, con clara vitoria coruñesa.

Transmisión do partido de Europa League Olimpic de Lyon-Celta, ao mando de Roberto Carlos Carballo.

O Celta mantén o pulso co Betis pola quinta posición tras empatar co conxunto sevillano a un tanto e seguir a tres puntos de diferencia co average igualado. Mentres, na 2ª RFEF, o Bergantiños e a Sarriana venceron coma locais e a UD Ourense caeu en Langreo

O Deportivo Abanca caeu con dignidade por cero a dous ante O Barcelona no partido máis difícil da temporada. O Galicia en Goles na matinal do domingo estivo centrado tamén nos 4 partidos da 3ª galega e no polideportivo, co empate do Liceo ante o Noia.

O sábado foi intenso en toda a extensión do Galicia en Goles, que comezaba con ata tres partidos de 1ª RFEF. Un deles, o Arenas - Pontevedra, non se puido desputar polas choivas caídas en Getxo. Nos outros dous o Ourense CF e o Rácing de Ferrol empataron no Couto e o Arenteiro caeu en Zamora. Logo chegou a goleada do Castilla ao Lugo no Anxo Carro. Na parte final do programa quedaba o máis salientable, o encontro do Deportivo en Ceuta e do Breogán en Bilbao. Pois caeu cara para uns e cruz para outros. Os coruñeses gañaron cun golazo de Altimira na prolongación ante o Ceuta e os lucenses perdían tras un mal último cuarto en terras vascas.

O Galicia en Goles do venres estivo centrado en Balaídos, no encontro que desputaron os dous primeiros clasificados do grupo 1 da 1ª RFEF. Un gol no tempo de prolongación do líder, o Tenerife, impediu ao Celta Fortuna achegarse na clasificación. O resultado final foi de empate a un tanto. Tempo houbo tamén para repasar a ampla axenda deportiva galega desta fin de semana.

Narración do partido de ida dos oitavos de final da Europa League, comentarios e reaccións.

Con todo de cara para rematar a xornada en postos de ascenso directo, trala derrota do Castellón o sábado, o Deportivo volveu dar a de area. Caeu de maneira xusta en Riazor por cero goles a dous e confirma as malas sensacións das últimas semanas.

A edición matinal do Galicia en Goles tivo ao baloncesto como prato forte con dous encontros: a malleira do Barcelona no Pazo ante o Breogán, no regreso tras dúas semanas da ACB, e o triunfo do Basket Coruña ante Alacant no Coliseum, que reforza o liderato dos coruñeses. No fútbol houbo tres encontros da terceira RFEF que foron tamén protagonistas, asi como a Carreira da Muller de Ourense.