O Celta situase sexto na clasificación tras vencer ao Mallorca por dous a cero, nun partido que tivo a Iago Aspas coma protagonista. No resto da xornada futbolística, o Ourense CF perdeu en Guadalaxara e a UD Ourense empatou a tres no Couto ante o Raio Cantabria. No polideportivo destacou a vitoria do Ensino sobre o Uni Ferrol no derbi galego desputado no Pazo e o importante triunfo do Cangas en Huesca.

Ampla despregadura do Galicia en Goles na mañá de domingo para contar o triunfo do Fabril ante o Numancia, o do Coruxo ante a Sarriana no derbi do Vao e o empate do Bergantiños en Segovia. na 3ª RFEF o Gran Peña gañou na casa ao Estradense, o Arteixo asaltou A Madalena e a gran sorpresa chegou na Grela, coa derrota do Compostela ante o Silva.

A vitoria do Deportivo en Riazor ante o Eibar seguen mantendo aos coruñeses na zona noble da clasificación. Pero o xogo non foi bo e iso afeouno a grada e recoñeceuno o propio cadro de xogadores e corpo técnico. Na 1ª RFEF o Pontevedra e o Lugo empataron nun intenso derbi mentres que o Arenteiro perdeu co líder por culpa dun penalti no tempo extra.

O venres estivo marcado polo intenso derby que se desputou na Malata, correspondente á 1ª RFEF entre Rácing de Ferrol e Celta Fortuna, con vitoria celeste na prolongación. Asimesmo houbo un trascendental Leyma - Estudiantes, con vitoria coruñesa no Coliseum.

O Deportivo da Coruña perdeu a oportunidade de acadar postos de ascenso directo tras caer na casa dun rival directo, o Castellón, por dous tantos a cero. Agora os coruñeses están a catro puntos da segunda posición.

Na 1ª RFEF houbo unha de cal e outra de area para os conxuntos galegos. O Lugo gañoulle na casa ao Guadalajara mentres que o Arenteiro caeu na súa visita ao Talavera. Peor foron as cousas na 2ª RFEF, onde perderon tódolos conxuntos da nosa terra a excepción do Fabril ,que empatou pero perdeu o liderado.

Na matinal do domingo a única boa nova chegou en Balaídos co triunfo do Celta Fortuna ante o Avilés por catro goles a dous. Peores resultados tiveron os dous equipos galegos na 2ª RFEF. A UD Ourense caeu en Soria e a Sarriana na Ribela ante a Ximnástica Segoviana.

Longo Galicia en Goles o do sábado, que comezou ás 13:45 co encontro do Celta en Cornellá. Con alternativas no marcador e polémica arbitral incluída, o equipo celeste empatou a dous co Espanyol no desconto. Á mesma hora o Pontevedra rachaba a súa xeira positiva caendo en Cáceres. Mellor sorte tiveron o Ourense CF, que venceu ao Mérida, e o Rácing de Ferrol, que asaltou a casa do líder, o Tenerife.

Roberto Carlos Carballo analiza con tódolos protagonistas os partidos e acontecementos deportivos máis importantes da fin de semana.

Tras case dosus meses e medio, o Deportivo volve sorrir na casa. Venceu por dous a un ao Albacete e segue na zona alta da clasificación. Na 1ª RFEF o Fortuna empatou en Ponferrada e no derbi de Coles houbo empate entre UD Ourense e Coruxo.