Narración do partido de ida dos oitavos de final da Europa League, comentarios e reaccións.

Con todo de cara para rematar a xornada en postos de ascenso directo, trala derrota do Castellón o sábado, o Deportivo volveu dar a de area. Caeu de maneira xusta en Riazor por cero goles a dous e confirma as malas sensacións das últimas semanas.

A edición matinal do Galicia en Goles tivo ao baloncesto como prato forte con dous encontros: a malleira do Barcelona no Pazo ante o Breogán, no regreso tras dúas semanas da ACB, e o triunfo do Basket Coruña ante Alacant no Coliseum, que reforza o liderato dos coruñeses. No fútbol houbo tres encontros da terceira RFEF que foron tamén protagonistas, asi como a Carreira da Muller de Ourense.

Co groso do fútbol profesional entre venres e domingo, e a gran parte do protagonismo galego da 1ª RFEF tamén para a xornada dominical, o sábado quedou nun man a man entre os partidos do Lugo e do Arenteiro. Ambos colleitaron sendos empates, o Lugo na casa do líder e os carballiñeses no Espiñedo ante o Castilla. No polideportivo caeron boas novas no triunfo a domicilio do Obradoiro e tamén do Cangas na liga Asobal.

O Galicia en Goles do venres tivo un prato principal en Balaídos, co desputado encontro que enfrontou ao Celta e ao Real Madrid. Nun igualado partido, un gol no minuto 95 dos merengues privou aos vigueses de sacar algo positivo. Asimesmo, no polideportivo destacou a xornada na liga feminina de baloncesto, con dobre derrota galega, do Uni na Malata ante o Avenida, e do Ensino na cancha do Jairis.

Celta e Deportivo conseguiron triunfos a domicilio na tarde do domingo. O equipo vigués remontou en Montilivi e venceu ao Xirona por un a dous, colocándose a tan só tres puntos da quinta posición. Pola súa banda os coruñeses tamén lle deron a volta ao marcador en contra, e grazas a un gol de Soriano no desconto remataron derrotando á Real Sociedad B por dous a tres. O Deportivo iguala agora a puntos cos postos de ascenso directo. Mentres no polideportivo destacou o triunfo do Uni Ferrol en Badalona e a derrota do Cangas ante o Barcelona.

A edición matinal contou as vitorias galegas do Liceo e Uni Ferrol e estivo en dúas citas do polideportivo: na Media maratón e 5K da Coruña e na primeira proba da Transgalaica de maratón BTT en Ames.

O Galicia en Goles deste venres comezou desfrutando da vitoria do CD Lugo no Anxo Carro ante o Athletic B, que o sitúa en postos de playoff. A cara amarga chegou no futsal, coa derrota do Noia, tras sufrir a remonta do San Coloma. Houbo tempo para falar cos pilotos do Rally da Coruña e coa gala VigBay. Por suposto Roberto Carlos Carballo analizou a última hora dos equipos galegos de cara a esta fin de semana.

Previa, retransmisión e entrevistas do partido de volta da Europa League, Celta-Paok