Na edición deste venres o Galicia en Goles analizou a fin de semana deportiva galega, cos compromisos a domicilio de Celta e Deportivo, a despedida do 2025 do fútbol da federación e pos suposto con todo o polideportivo que se celebra na nosa terra.

O Celta por fin gañou en Balaídos esta temporada, derrotando ao Athletic por 2 a 0. Na 1ª RFEF o Rácing e Pontevedra afianzan posto de playoff tras gañar a Unionistas e Arenas respectivamente. E na 2ª RFEF, vitorias de Coruxo e Bergantiños en Asturias e empate da Sarriana na Ribela.

Boa mañá, en xeral, para os equipos galegos neste domingo. O Celta Fortuna remontou en Lezama en inferioridade e segue en postos de playoff. Non lle foron tan ben as cousas ao UD Ourense que caeu en Segovia. Mentres, no polideportivo, as mellores novas chegaron en Riazor co triunfo do Liceo e no Pazo coa vitoria do Ensino. Pola contra o Baxi Ferrol caeu en Alcantarilla.

Non foi, en xeral, un bo sábado para o deporte galego. O Deportivo sufriu a segunda derrota consecutiva, a segunda na casa, ante a Real Sociedad B por un claro cero a tres. Antes, no Pazo de Lugo, o Breogán caía ante o Tenerife. No fútbol da Federación o Arenteiro venceu en Ponferrada, o Lugo empatou a cero en Tajonar e o Ourense CF deixou escapar dous puntos do Couto. A mellor nova do día chegou no voleibol, coa clasificación do Emevé para a Copa da Raíña.

Este venres Roberto Carlos Carballo e todo o seu equipo do Galicia en Goles contaron cómo lle foi ao Cangas na Liga Asobal en Irún e avanzaron os acontecementos deportivos máis salientables da nosa terra.