Xa son oito os partidos que leva disputados o Celta coma local e non conseguiu ningunha vitoria. Este domingo foi o Espanyol o verdugo dos celestes, cun tanto na recta final do partido.

A boa nova chegou co filial, que venceu a domicilio ao Avilés por un gol a dous e xa é segundo do seu grupo da 1ª RFEF. Mentres na 2ª RFEF o Bergantiños caeu na casa e a Sarriana e o Fabril empataron no derbi da Ribela.

A mañá do domingo tivo a gran nova da goleada do Coruxo no Anexo ante Valladolid Promesas por cero a tres. Mentres Galicia empatou a dous ante Castela e León na fase das rexións UEFA desputada en Palencia. No baloncesto houbo xornada da Liga Feminina co Baxi visitando Gran Canaria e o Ensino Xirona.

O Deportivo da Coruña venceu con solvencia en Albacete e segue líder da Segunda división nun sábado no que a gran maioría dos equipos galegos tiveron cita. Dende a tolemia no Couto con vitoria do Ourense CF, pasando polo empate do Pontevedra en Pasarón, as derrotas de CD Lugo e Arenteiro e rematando coa tensa igualada do Rácing de Ferrol na Malata ante o Mérida.

Este venres o Galicia en Goles foi máis variado que nunca. Con conexións en Ferrol e A Coruña para estar no acendido de luces navideñas a cargo de Carreras e Bebeto respectivamente, nunhas charlas de protocolo deportivo, na festa Recalvi de Vigo, previas de boxeo e de moitos eventos máis que terán llugar esta fin de semana en Galicia e máis alá dos Ancarese o Courel.

Riazor viviu a vitoria do Deportivo ante o Ceuta por dous goles a un en horario do xantar. Os tres puntos permítenlle ao Deportivo seguir invicto na casa e manter o liderato da segunda división. Na 1ª RFEF o Rácing caeu en Barakaldo mentres que na 2ª RFEF a UD Ourense venceu ao Bergantiños e o Coruxo goleou ao Sámano.

No polideportivo houbo unha de cal e outra de area. O Parrulo venceu 3 a 5 en Tudela e o Uni Ferrol perdeu ante IDK na Malata.

O Celta Fortuna derrotou á Ponferradina por dous a cero no único partido da 1ª RFEF. Na xornada de baloncesto, houbo pleno de vitorias galegas co triunfo do COB en Burgos, e o Obradoiro a Palma. A mala nova foi a derrota do Ensino en Lugo ante Jairis.

Intenso Galicia en Goles do sábado, que comezou coa quinta vitoria a domicilio do Celta, entre Liga e Europa. Desta vez foi en mendizorroza, cun solitario tanto de penalti de Aspas. A xornada pechouse da mellor maneira posible, coa malleira do Breogán no Pazo ante o Burgos. Entremedias, dous derbis galegos na 1ª RFEF. Por unha banda o Lugo derrotou un a cero ao Pontevedra e o Ourense CF asaltou Espiñedo vencendo por cero a dous ao Arenteiro.

Este venres Roberto Carlos Carballo analizou gran parte da xornada deportiva dos equipos galegos, achegouse ao novidoso mundial feminino de fútsal e, por suposto, estivo con Unicef na Semana coa Infancia.