O sábado marcado pola deblace madridista no Clásico ante o Barcelona foi unha xornada exitosa para o fútbol galego nas categorías RFEF. Celta Fortuna goleou á Segoviana e o Ourense CF sumou o primeiro triunfo da temporada en Lezama. Na 2ª RFEF vitorias de Pontevedra, Fabril e Bergantiños e empate do Compostela. E no polideportivo chegou a gran nova coa malleira do Básquet Coruña ante o Zaragoza, no segundo triunfo coruñés na Liga ACB nesta temporada

Directo dos encontros Arenteiro- Unionistas de Salamanca da primeira Federación e do Real Valladolid - Obradoiro, da primeira FEB. Previa da próxima xornada para os equipos galegos de fútbol, baloncesto, fútbol sala e hockey.

Partido da segunda división entre o Levante e o Deportivo da Coruña con Roberto Carlos Carballo e Javi Torres. Marcadores Iago Gayoso.

O domingo deportivo galego estivo marcado polo acontecido na Malata. Unha inxusta e inexplicable expulsión de Álex Lopez deixou máis de medio partido ao Rácing cun home menos, que tras unha defensa numantina, foi quen de manter o empate a cero ante o Huesca. Na 1ª RFEF o derbi ourensán caeu do lado do Arenteiro que derrotou ao Ourense CF no Couto cun solitario tanto de Diego Gómez. Na 2ª RFEF, vitorias de Fabril, Bergantiños, Pontevedra e Compostela e derrota do Coruxo. E no polideportivo hai que destacar o triunfo, segundo nesta temporada, do Cangas ante o Huesca por 38 a 29.

O sábado deportivo galego estivo cheo de enventos ao máis alto nivel. Na primeira división o Celta fixo sufrir ao Real Madrid pero rematou caendo por un gol a dous en Balaídos. O Deportivo da Coruña segue sen gañar e sumou o terceiro empate consecutivo, desta vez ante o Eldense en Riazor. Finalmente, no derbi da 1ª RFEF, o Lugo venceu ao Fortuna pola mínima. No baloncesto a xornada tamén foi intensa con dobre cita nas dúas primeiras categorías. O Breogán sumou o primeiro triunfo da temporada vencendo en Badalona, o B. Coruña caeu ante o líder Unicaja; na 1ª Federación tamén houbo a de cal e a de area para os conxuntos galegos: vitoria do COB que segue líder xunto a San Pablo Burgos, que derrotou a Obradoiro no Sar.

O Celta - Real Madrid será un dos pratos principais do deporte galego esta fin de semana. No Galicia en Goles deste venres analizaron o encontro e o resto da xornada futbolística galega. Tamén houbo tempo para o balonmán e o espectacular comezo do Atlético Guardés ou a convocatoria internacional do xogador do Cisne Cárlos Álvarez.

Ampla despregadura no Martínez Valero, onde o Deportivo igualou a cero ante o Elche.

Ademais o programa contou as vitorias do Arenteiro e do Celta Fortuna xunto ao empate do Lugo, na Primeira RFEF.

O peor resultado chegou no baloncesto, coa derrota do Breogán fronte ao Valencia no Pazo de Lugo.

Xoán Galán conduciu as primeiras retransmisións da xornada. Gañaron o Racing de Ferrol en Cartaxena e o Deportivo feminino en Riazor. Mentres, o Basquet Coruña perdeu na súa visita ao Andorra.

Os protagonistas nos micrófonos da Radio Galega foron Cristóbal Parralo, Manu Vallejo e Álvaro Giménez para analizar o 0-1 en Cartagonova.

Durante 3 horas e 30 minutos, Roberto Carlos Carballo conduciu a primeira

edición da fin de semana.

O centenario do Celta Atletismo coincidiu co premio da Cultura Galega ao

club vigués pola proxección exterior

Ademais foi noticia o comezo da liga masculina de fútbol sala co partido

Burela 1 Jaén 4.

No último treito chegou a análise da fin de semana, con especial atención

aos encontros Cartagena-Racing de Ferrol e Elche-Deportivo da Coruña.

Non foi un bo domingo, en xeral, para o fútbol galego. O Deportivo non foi quen de pasar do empate a cero en Riazor ante o Málaga nun encontro marcado polos incidentes na previa provocados polo "Frente Bokerón" malacitano. Na 1ª RFEF o Lugo remontou no Anxo Carro para salvar un punto ante o Nástic mentres que Compostela e Pontevedra caían na casa na xornada da 2ª RFEF. Nesta categoría a boa nova deuna o Bergantiños, goleando en Salamanca. E no polideportivo a cara foi para o Cangas, que venceu ao Villa de Aranda, e a cruz para o Básquet Coruña que perdía na súa visita ao Gran Canaria.